رد : أريد كذباً أزرقاً !!
اخي المتفائل الله يسعدك انت وزوجتك يا اخي يمكن البنت تمزح معاك وانت صدقت بعدين انت استعرضت امامها مواقفك ومغامراتك البنت تبغى تسوي مثلك دورت من هنا ومن هنا مالاقت شئ تقول لك عليه الا انها تنظم لك من بنات افكارها علشان ماتحس إنك انت تفوقت عليها شوف احيان الواحد يجلس يمدح في نفسه ويمدح يريد احد يطري عليه ويثني على اللي يسويه
بذكر مرة موقف صار لي انا وزوجي وانا باقي ماجبت الا طفلين طال عمرك زوجي لو اشترى شئ وجابه للبيت دايما يسألني ايش رأيك في الشئ الفلاني اللي جبته اقول له زين حلو طيب يجلس كل شوية يسألني رأي عنه حتى لوجاب كرتون برتقال او تفاح يجلس يسأل حتى تخلص آخر حبة من الكرتون يطفشني بأسألته ومرة راح جاب لنا سمك من السوق وجاء يسألني كيف السمك طيب عجبك قلت له ايوه حلو ونظيف وماقصرت انت ماتشتري الا النوع الزين والطيب وجلس كل ما اطبخ من السمك اللي جابه على الغداء والله غير يسألني عن رأي كيف السمك كيف السمك طفشني واخر شئ قلت له السمك اللي انت تجيبه حلو وطيب بس مو مثل السمك اللي كان يجيبه لنا ابوية يوم كنت عند اهلي وهاذا ينط ويسألني كيف السمك اللي كان يجيبه ابوك قلت له كان يجيب السمكة باقي تتحرك طازجة قدام عيوننا نطلعها من الكيس والسمكات تتحرك كلها ترافس باقي ماماتت وإنه يقول يرحم والدينك هاذي قويه وكبيره بالحيل المسافة من البحر لبيتكم حدود 80 كيلو وابوك اشترى السمك من سوق السمك وجابه لكم باقي يتحرك وزيادة حاطه لكم في كيس مو بين موية وتقولين جابه حي قلت ايوه يجيبه لنا حي كان انا واختي نمسك السمكة بالقوة ونغسلها ونطبخها ولو طاحت من يدينا يالله نلحق عليها نمسكها والحين ليومنا هذا مع كل وجبة سمك نتذكر سالفة السمك اللي كان يجيبه لنا ابويه الله يرحمه ويقول لي زوجي تعالي خلينا ناكل السمك هذا هو صح مو مثل السمك اللي يجيبه لك عمي باقي يتحرك لاكن يفي بالغرض وانا قلت له كذا عل بالي يبطل اسئلة لي كل شوية لاكن باقي على طبعه وزيادة حفظ سالفة السمك عنده في ارشيفة ومع كل وجبة سمك يذكرني فيها
بالنسبة لزوجتك علمها بينك وبينها وفهمها علشان ماتعتاد على الطبع هذا وكمان انت لا تحسسها انك متفوق عليها علشان هيه ماتخترع لك سوالف من راسها علشان تسد بها النقص اللي عندها وتظهر نفسها عندك انها عندها افكار وقدرات احسن منك لأن الكذب مشكلة يبتدي كذب ابيض وصغير ويرجع يصير اسود وكبير ويصير الواحد يكذب بإستمرار هذا طبعا إذا ماكانت زوجتك تمزح معاك وتبغى تضحكك وتونسك معاها وكمان يمكن فاهمه جواز الكذب بين الزوجين بطريقة خاطئة حاول تجلس معاها وتفهمها بالشئ اللي يضايقك وربنا يوفقكم ويسعدكم في حياتكم ويرزقكم الذرية الصالحة عاجل غير آجل يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
26-06-2012, 10:20 AM
ضوابط المشاركة
العرض العادي
