معليه لا تزعلي من كلامي

انت ضعف شخصيتك
سبب من اسبابه هو شخصية والدك

ماعرف أية حكمة تقولي عنها ؟
ابوكي للأسف لا يمتلك اي حكمة في التعامل

لا تردين له وخليه يعرف قيمتش ما بتقضين حياتش رايحه راده ما زاد سوء الا من ضعفش

__________________
وهل من مصير اخر ؟

مشكورين للي ردو..وكلامكم صح..وأنا اللي أسويه كمان صح..
إني ماأرجع له إلا لمن هو يجي يتصالح ويعتذر.ومصرة ع رايي..
وكلامك يالراسي على راسي من فووق وهو الصحيح..ومايصح إلا
الصحيح.. لكن في حالة أنه زوجي يبغاني ..وفي حالة أهلي يقفون
معي ضده..يكون ماقلته هو الصحيح..
لكن لﻷسف الشديد ضنيت أن أبي يقف معي لكن خاب ضني
وضنيت أن أبي عنده حكمه..لكن أبي بالبدايه كان واقف معي
ويزبد ويرعد سوف أفعل وأفعل..تعاطف معي مررة..
لكن أبي بدأ يتغير علي..ويقنعني بالرجوع ..قلت ياأبي
ليش تغير كلامك..قاال أريد مصلحتك..بالله أي مصلحه
أرجع نفسي لواحد كذا..آه بس صدمت من أبي صدمة
قوية..يقول أطفالك لن أطالب فيهم.هو أبوهم ويصرف عليهم
لايحملون أسمي.وزوجك لن يتغير هذا هو طبعه.أصبري
والمبكي يقول لي أصبري كما صبرت أمرأة فرعون
ع فرعون الطاغية الذي يدعي اﻷلوهية وكافر.
صبرت ولها الجنه..آه ياأبي كلامك هذا قتلني
أبي يتهرب من المشكله وموقفه سلبي ومسااالم..
يقول أحمدي ربك أنه لايسكر ويضربك ليل نهار..آه ياأبي
كلامك خنجر في قلبي..لماذا هذا الضعف والذل..
قلت ياأبي لن أرجع..قال هذا إذا كان ليس معي أطفال.
أنتي برقبتك ثلاثة أطفال...قلت ياأبي بترجيك هذا
حسستني أني أنا الغلطانه..تدرون ماذا قال..آه ليته لم
يقل..قال نعم غلطانه وغلطانه.ليش تفتشين بجواله
والله لو زوجتي فعلت هذا لذبحتها.آه ياأبي الحنون يكفي
قلت ياأبي أنا معك صحيح التجسس لايجوز.لكن حتى .أقطع
الشك باليقين وأعرف هل هو يزني حتى .لايقترب مني
ويأتي بالامراض لي..أبي يوبخني ع التفتيش وترك الموضوع
اﻷساسي ومعاملته السيئة لي وخيانته..يقول تعود هو ع الحرام
ولن يتركه أبدآ..وش أستفدتي يوم واجهتيه.قلب الطاوله عليك
وأخذ أطفالك منك..وتحملي نتيجة فعلك الخاطئ..
أنا والله أني نادمة أشد الندم أني واجهت زوجي بخيانته.لكن كان وقتها
خرجت عن طوري من كثر مايسب ويلعني..
ليتني سكت وصبرت ﻷجل فقط أبنائي.وأعيش ﻷجلهم..وهو ألى جهنم وبئس
المصير..القوة تنفع إذا كان أهلك يقونك ويدعمونك..أهلي لﻷسف ضعفيين
جدآ..وأمي كذلك تقول..يفعل مايفعل ..أرجعي ﻷبنائك..وكل اللوم علي أنا.
أنني لم أصبر من أجلهم..تمنيت اﻷرض تنشق وتبلعني..أهلي ضدي
بالله كيف أجيب القوة...
وزوجي أعرفه تماما لن يأتي أبد..يكفي مسوي لي حظر مكالمه ورسائل
حتى لو صبرت سنه..والذي يقول لي لن يصبر هو وأهله ع الاطفال..
سيصبرون ﻷجل قهري وذلي..ولن يفكر أحد بالصلح أبدآ..هذا إذا مازوجوة
آصلا....

أحيانا أقول ..سا أكون انا الرجل الذي يقف بوجهه. وأذهب ألى المحكمة
بنفسي..وأقول كل شي للقاضي..صحيح ليس معي أدلة كافية ﻹدانته..
لكن لعل وعسى الشيخ يقف معي.خصوصآ أنني أنا المتضررة.أنا وأبنائي
وأقول للقاضي..أنا لا أريد الطلاق..أريدك فقط أن تكلمة وتخوفة..أن زوجتك
رافعه عليك قضية طلاق وحضانة أطفال..وعندها أدله كافيه ﻹدانتك.
وتأتي للجلسة بعد شهر من آﻷن..ونصيحتي لك ياأبو فلان أنك تتصالح
مع زوجتك.ولاتشتت أطفالك..ياأخي قضيتك كبيرة وفيها فضح وتشوية سمعه
حتى أبنائك راح يتضررو بسبب سمعتك.أبنك لن يزوج وأبنتك لن يتزوجها أحد.
ياأخي أتقي الله وتب وراجع نفسك..وتصالح مع زوجتك..طبعآ هالكلام
يقوله القاضي أو المحامي..بمكالمة هاتفيه..تخويف فقط لزوجي..
وهذه حيله مني..ومن له حيلة فليحتال..هل تتوقعون تنجح هذه الحيله
أم يعاند أكثر ...مارأيكم.. أبغى حلول لوضع المزري..الذي أهلي
لﻷسف وضعوني فيه..

أين أنتم يااارجال..أفزعوا ﻷختكم..وخذوا بيدها...حرم وجوهكم عن الناار
وأنتن خوواتي ..أريد مساعدتكن..أسعدكم ربي..وفرج عنكم كل كرب

انت موظفة ؟
عندك مصدر دخل ؟

موضوع المحكمة لو رحتي لهم .. لازم معاك إثباتات عليه

فكرة حلوة واثقه
لكن المهم ان لا يغضب
لذهابك للمحكمة ويطلق
الله يفرج عنك ياقلبي

__________________
ربنا هب لنا من ازواجنا وذرياتنا قرة أعين

واجعلنا للمتقين إماما

مشكورات أخواتي..لا للأسف لست موظفه..أنما عندي حافز.
أنا أعرف تمامآ أنه خواف وجبان ويخاف ع سمعته .أنا أبي أضربه
ظربة قوبة..ليأتي ويعتذر..لكن هو يظهر القوة..وهو ضعييييف جدآ
يخاف..ليت أبي ياقف بوجهه..هو يخاف من أبي جدآ..ولايريد
مواجهته..

حتى إذا أتى باأطفالي لزيارة ..يطلب منهم النزول بسرعه..
وإذا أتى باأغراض لطفل الصغير..يطلب من أبني اللي معه.أن ينزل اﻷغراض
ويرجع بسرعه..يخاف يلمح أبي عند الباب.

طيب ..إذا طلبت من أبي ..أن يدعوه.. ليس لرجعه..أنما للعتاب
بطريقه غير مباشرة..يعني يقول له ..بتكلم بالعامي..
اللي تسوية بنتي ماهو لصالحكم ولامصلحة اﻷبناء..أشوفك يابو
فلان خذيت الوغدان وحرمتهم من أمهم..وأنت الغلطان عليه
ماوجهة المشكله ولا حليته..بس خذيتهم وسكت..ليش بنتي
وش عاملة علشان تأدبه..أنا قلت له وش المشكله اللي
خلاه ياخذهم ويقول ﻷدبك..قالت يايبه ماأقدر أقول المشكله
بس هو ع طووول خذاهم مني وقال ﻷدبك.. وتقول يايبه ماني
راجعه..وأنا هالحين أبيك تقولي ياأبو فلان المشكله..إذا له حل
نحله وإذا ماله حل كل واحد يروح بطريق...نخليه يبلش بعمره
نخليه غصبن عليه..يقول والله ياخالي مشكله بيننا ونحله أن شاء الله
ويقوله أبوي أشوفك ماحليته..أشوفك تكايده بالوغدان..
بيقول والله أن أبيه وهي مثل عيوني زي كلامه أول ..
بيقول أبوي أجل بشاورة وأرد لك..مافيه إلا هالطريقه..
تجيبه غصبن عليه.ويرضى بشروطي..طبعآ أنا عارفه..
انه ماراح يتغير هو هو..بس ع اﻷقل أبي أرجع بكرامتي
وتوثيق من أبوي أن بنتي أمانه عندك وحطها بعيونك.وأبيك تقدرها
وتحترمها ومن هالكلام..ع اﻷقل يعرف أن فيه وراي رجال..
وأنه يخاف أني أفضحه ..لتمادى بالمعاملة السيئة..لعله يخاف ويتأدب