قال: طلاق ما بطلق ابغى نتصالح و كل شي بيتصلح للاحسن

قلت له اثبت لي صدق نواياك
اولا و قبل كل شيء تعتذر لأمي و ابوي عالسب اللي سبيتهم اياه
زي ما كنت تجبرني ابوس راس امك و يدها و انت تعرف اني كنت مظلومة وهي الغلطانة علي
الان انت غلطت و واجبك تعتذر

قال الان فورا اسويها افتحوا لي الباب و بجي

سرعة تنازله خوفتني و وترتني و ارعبتني منه

و صار يرسل رسايل بسرعة كلميهم بجي اعتذر و ابوسهم !!!!

قلت له الخطوة الثانية عندي شروط كثيرة و ب أوثقها عند محامي
قال ماعندي مشكلة ب شروطك و إنها تتوثق


ماعرف مو مرتاحححححة كمية تنازلات مفاجئة

حاولت اخليه يكتب شروط مرتين و رفض رفض قاطع قبلها
اخوي يقول يمكن الان حس ب قيمتكم فعلا و ب يتغير
لكن انا مو مرتاحة له

بعد كذا قلت له ما تجي تشوف امي و ابوي الا لما نوكل محامي
بنفس اليوم تعتذر و تكتب الشروط
قال ماعندي مشكلة

في النهاية قال لي ابغى اشوف بناتي اليوم بسرعة بس نص ساعة و ارجعهم
قلت له جيب معاك هدايا و فرحهم

كلمني بالرسايل قال وصلت طلعوهم
جيت فتحت الباب و كنت وراه " على اساس بيستلمهم و يروح بدون اي كلمة مني "
دفع الباب بقوة و دخل يشوفني
صرخت لما شفته و جات عيني ب عينه و هربت للداخل

من هذاك الوقت و انا ابكي

طبعًا شافهم فورا و رجعهم و جاب لهم هدايا غالية مرة
اقسم بجلال الله متزوجين لنا 5 سنوات ماعمره شرالهم لعبة الا 3 مرات يمكن و اشياء رخيصصصصصة
طول هذيك السنوات انا اجيب لهم على حسابي

انا منهارة و انفجعت لما شفته تذكرت نظراته لي بآخر يوم كنت فيه معاه
تذكرت كلماته
نذالته
صراخه علي

احس اني مو مستعدة اتصالح معاه ابدددا او احط شروط
احساسي الداخلي انه يبغى يذلني و يستضعفني كثير

امس كان يضغط علي الغي الجلسة مع المحكمة
لكني رفضت و تواصلت مع المحكمة و اجلتها فقط

قبل شوي كلمت ابوي و بكييييت
قلت له أرجوك اخلعني منه ادفع له
ما ابغاه ولا ابغى شروط

احس بالضياع
حتى سألت ابوي بنفس الوقت و انا ابكي : استحلفك بالله انت تكرهه من زمان لانه مو نفس جنسيتي
هو يقول كذا

قال ابوي: يكذب عليك كيف ازوجه و انا اكرهه او فيني عنصرية

دوخني دوخني شتتني
و الحين يراسلني يقول ابغى اشوف بناتي مرة ثانية الحين

الحين انا محتارة
امي و اخوي يقولون عطيه فرصة اخيرة و خليه يكتب شروط منتي خسرانة يمكن ندم
و ابوي و اختي يضغطون علي العكس اني ما ارجع نهائيا
كذلك اخوالي 2 حذروني من الرجوع له، مع انه هو دخلهم بمشاكلنا

انا في حيرة لو ب ارجع بس عشان شيئين :
قول الله تعالى " و الصلح خير " + دموع بنتي الكبيرة على ابوها

ولو ما ب ارجع فهذا القرار اللي ابغاه و مرتاحة له
و مرتاحة اكثر للخلع فورا بدون جلسات و سماع ادلة
ودي افتك منه تماما

ياليت اعضاء المنتدى تنصحوني و تدعون لي ب ظهر الغيب..

غريبة ليش قلتي يتعدل مع زوجة ثانية !
انا زوجي قارب الاربعين هل تتوقعين يصير كريم و شهم و ابن ناس مع وحدة ثانية

والله انا ما ظنيت ابدا
عموما اتمنى بس يطلع من حياتي و افتك منه

ابو مريم
ردودك أثّرت فيني جداً و رجعت اقراها اكثر من مرة

جزاك الله خير على كلماتك الطيبة
اكثر ما احتاجه في هذا الوقت ان يذكرني احد بالله عز و جل

انا احاول و اجتهد للاعتصام بالله
و قد سجلت في معهد لاعداد معلمات القران و تم قبولي بالامس بفضل الله

و قد حلمت حلم عجيب في شهر رمضان الماضي / أي بعد مشكلتي مع زوجي ب شهر تقريبا
و كنت معتصمة بالله اشد الاعتصام

و كنت لا اظن او اتوقع ولو واحد بالمئة اني و هو لن نتصالح او حتى سوف نصل للمحاكم

المهم اني حلمت حلم أظنه رؤيا ولا أزكي نفسي على الله
رأيت ان رجل جاءني بالمنام يلبس ثوب ابيض
قال لي سوف تتطلقين و تفقدين القوة و العزة
فقرأت عليه قوله تعالى " من كان يريد العزة فلله العزة جميعا إليه يصعد الكلم الطيب و العمل الصالح يرفعه "

..
مرت الايام و الاشهر نسيت حلمي هذا
ثم تحددت جلستي الاولى مع زوجي قبل اسبوعين
قبلها بساعتين كنت في تحفيظ القران تختبرني معلمتي في وردي
سالتني و انا في قمة توتري و خوفي من الجلسة
اقرأي من قوله تعالى " من كان يريد العزة فلله العزة جميعا "

قراتها و بكيت

وانا مع امك واخوك اعطي اخر فرصة لزواجك
ان استطعت طبعا
والله انها نصيحة من اخت لاختها في الله
ربما احس انه سيفقد اسرته حقا واراد ان يصلح الامور
مافي من لا يعتدل ان اراد حقا


على الاقل من اجل بناتك
الاب يفرق كثير مش مشتريات بس
الاب حماية وعزوة وكل شي

على حسب مافهمت مو مهتم بس لكن ما يضربهم او يعنفهم
اقولك هذا الكلام من تجربة اختي تطلقت ظلم واعاد الزواج وهي نفسيا احسن لكن اولادها يوم العيد وين ابونا لما يتشجارون او يضربهم احد وين ابونا
كثير اشياء واختي تخيلي صارت تقول لو اعاد الزواج وتركني على ذمته من اجل اولاده
لا تتكلين كثير على الاخوة تاخذهم الحمية في الاول بعدين ينشغلون بحياتهم
الاب نعم لكن يتعب وما يدوملك



وان ما نجحت فرصتك الايام طويلة عشان تطبين الطلاق في اي وقت
لاحقة عليه

تقولين هالكلام وفاء
و انا وياك دخلنا تجربة الزواج فترة من عمرنا
و نعرف ان الاطباع ما تتغير ابدا
البخيل عمره ما راح يصير كريم
و اللئيم النذل ماراح تغيره العشرة و يصير شهم ابن ناس

انا ما انكر لك
من قرأت كلامك و انا افكر فيه و اعيد حساباتي

خاصة ان دموع بنتي و مشاعرها تجاه ابوها مأثرة فيني جداً
اليوم طلعت تشوفه و هي فرحانة
تقول لكل الناس أحب بابا اكثر من كل الناس
و فرحانة و مبسوطة بشكل ما تتخيلينه

لكن انا اتفهم هالشي
هي طفلة و هو شرالها كم لعبة اليوم و قبل امس
عشان يغير موقف القاضي تجاهه فقط

بنتي ذكية جدا
اعطيها سنتين ثلاث لو رجعنا عشنا معاه و هي اللي بتقول لي انفصلي

في اول يوم نمنا فيه في بيت اهلي قبل 5 شهور
قالت لي ماما لا ترجعين لبابا لانه يخوفنا
دايم يدفك يبغى يعورك و يطلع لك الدم
اكيد بيعيدها اذا رجعنا
نبغى نعيش عند جدو

بكل براءة الطفلة فهمت ان هناك مافيه امان
و لانها طفلة ايضا نست كل شي لما شافته قبل امس

انا متضررة جدا يا وفاء
بناتي و بالذات الكبيرة اكيد راح تتضرر

لكن كلما اتذكر اني حاولت الانتحار قبل سنة
تتعب نفسيتي اكثر و احس ان المفروض ما اعطيه فرصة

كلما اتذكر احساسي باليأس و الاحباط و الانكسار طول ما انا معاه
و ترا حتى بنتي عايشة مقهورة
يحب يبكينا و يقهرنا و يكسر نفوسنا على اتفه و اسخف الاشياء

هو زوج و اب و مثالي طول ما احنا ما نطلب شي
اول ما نطلب او يصرف حتى على غيرنا
مثلا غرامة
حادث
ضيف
يتوتر جدا و يكرهنا عيشتنا

مش عارفة انا جالسة ارد عليك و انا ترا نفسي في حيرة

صحيت اليوم و قلت مافيها شي اعطيه فرصة و اشترط
رجعت بعد كم ساعة
تذكرت بيتي اغراضي ملابسه سيارته اغراضه
حسيت اني ب امممممووووت

انا لله و انا اليه راجعون

قلتلك ياختي ان استطعت ومزال عندك قدرة والا فلا
لانه نفسيتك وصحتك اولى
والطلاق ربي شرعه لما تستحيل الحياة

وافينا بمستجاتك
والله يدلك للخير