الحمد لله في بلدي الزواج بثانية ممنوع .
وان كان ذلك فله ان يتركني و يتزوج بأخرى ان شاء فان كان هو غير متمسك بي فكيف اتمسك انا به

زوجي دايما يسألني: اش راح تسوين إذا تزوجت عليج..
قلت له: أكيد بزعل.. وباروح عند هلي..
قال: بتروحين وبتخلين لها الجو؟؟
قلت: لا طبعا ماراح أتركك.. بس في البداية من حقي أزعل وأبتعد ولما تهدا أعصابي بارجع لك..


(بيني وبينكم ساعات لما نتخاصم أنا وهو أدعي له يتزوج وحدة ثانية وأرتاح شوي منه..
وأدعي أنها تكون شريرة وتوريه نجوم الليل في عز الظهر عشان يعرف قدري ويندم...)
وأحيانا بنفسي اقول له شوف لك وحدة وأنا أخطبها لك.. من القهر بس...

انا متأكده انه ماراح يطلبني هالطلب واذا حصل وفاتحني بالموضوع ما راح ارضى طبعا

بعد ما عدلت طبعه تجي وحده تاخذه على بارد مبرد

كان عصبي ومزاجي وانا غيرته وصار ملكي
وما اسمح لاي وحده تتعدى على ممتلكاتي حتى لو كان هو نفسه

ما اعرف شنو راح تكون رده فعلي

والله لا يحطني بهذا الموقف

انا مني وعلي
ما رح اناقشو بالموضوع اصلا
اللي باعك بيعو
لا اقبل باي شريكة مهما كانت المبررات
اذا اراد الزواج بثانية... فلن اكون له الاولى اطلاقا
فلتكن هي الاولى والاخيرة له
لن اتنازل عن حقي به كاملا

وانا من رايك ضحكتني والله

بصراحة أنا في السنوات الأولى كنت أقوله حبيبي إذا أنت ناوي من داحين قولي وخلينا نفكها مدام أنا كمان لسه سوقي ماشي موتجي بعدين بعد ماتروح علي وتقولي بتتزوج بس وكان يقفل على السيرة والحمد لله ، ومن باعنا بعناه ولو كان غالي ، ويعني مافي البلد الا هالولد يحل مشكلة العنوسة الله يخلي شبابنا ويقويهم ويهدي أولياء الأمور .................................. عاد تصدقون ان كل هالكلمات اللي كتبتها في هالرد عدتها أكثر من مرة من التوتر بس من السيرة كيف لو صار الله لايذوقني حرها قولوا آميييييييييين

على فكرة الكلام دا كان زمان ، داحين طبعا تغيرت النغمة بعد التأبيدة الله يجعلها دايم يعني بعد طيحة السوق والله لايفرقنا بس دايما أقوله كيفك حبيبي بس اتحمل الطقوسات اللي بعد زواجك لو كنت ناوي أولا اعمل حسابك بتعقيم كامل عند عودتك من الأخرى وبيدي أنا وتخيل ايش ممكن أسوي بالليفة اللي هيا وانتو عارفين ليش ، ثانيا : داحين أراعي ظروفك وأحوالك لكن بعد ماتتزوج والله ما أرحمك لاأخذ حقي المادي والمعنوي كامل مكمل يعني بهدك ماديا وجسديا وليلتي ما أتنازل عنها ومخليها تعدي كذا لا هدت حيل أخليه يقول ليت اللي جرى ماكان............. وسلامتكم