يااختي انا لي اللي شفته اما شخصيتها وتعاملها وكل شي ينقل لي وهذا الوضع في مجتمعنا
وهي بنت الحلال مافيها شي يتعيب ولكن موضوع العمر فعلا كان صدمه وتجاوزته بالرغم انا عارف وش الكلام اللي راح يكون ولكن قلت بكيف الناس خل اللي يقول يقول ماعلي من احد

مافهمت كلامي
اقصد ان مواصفاتها ممكن تغطي على موضوع العمر لانه موباين اصلا عليها

مليون عفوا انا بخطب مين بالضبط؟
الا مبالغ ونص

انتي وش دراك بنيتي؟

هو في الحقيقة والواقع لا يعرفها جيدا ولا يعرف أخلاقها حتى يقيمها على هذا الاساس
مايعرفه عنها أشياء ظاهرية كالشكل و العمر و الحالة الاجتماعية فقط

المرأة التي تستحق هي التي تملك مواصفات يراها الخطيب أنها تستحق
و في النهاية نظرة الخطيب تختلف من رجل لآخر ومايراه أحدهم يستحق غيره لايراه
لكن هناك مواصفات يتفق عليها الكل تقريبا : العمر و لم يسبق لها الزواج والشكل الظاهري

يازين كلام العقل
بعض الناس يظنون ان الواحد جاي من زحل ومايدري عن شي
صدقتي اختي المهر يتحدد من خلال العمر والحاله وهل عندها اولاد والا لا وغيره
والموضوع مو موضوع بخل ابدا

صح والدليل انه قطع نصيب بنته

اسفين كان فهمت قصدي نيتك
نيتك الله اعلم بها
ولكن بحكم كوني مطلقة ولو حطيت مثل هالشرط
ورفضه رجل بمثل مواصفاتك
بقول والله هو مو مقتنع فيني
لوه مقتنع مايرده عني كم فلس

وبصراحة بخاف على نفسي الطلاق ،ودايم اصلن يجي ببالي اتزوج بدون مهر
لان مبلغ مثلا 25000 للمطلقة ،تجعلها سهله للزواج والاسهل طلاقها

وهدفي بذلك مخاطبة ضمير الخاطب ، لعله يفهم اني ما أقدمت على هذا الزواج الا جاده فاتمنى منه يقاسمني جديتي ..
طبعا بتقول ورا ماترفعين المهر اذا تشوفين مع المرآه حق في رفعة أقول صحيح معها حق وكثير من الرجال لايفهم ولايقر بهذا الحق بالتالي بيفهموني غلط واني طامعة في فلوسه الخ من أفكار شائعة وخمسين الف لاتغني ولا تسمن

الله يخلف عليكم بخير من بعضكم

اختي المؤخر هذا شرط ينكتب العقد مثل انها تكمل دراستها او ماتمنعها من الوظيفه او غيره من الشروط
ومن حق الزوج يقبل او يرفض مثله مثل اي شرط موجود في اي عقد
وانا بالنسبه لي هالامر مرفوض ولا يمكن افكر في اني اقبله ابدا ولو اني قادر على دفعه
لانه اساسا شرط سخيف وهدفه مادي بحت ولا له علاقه بالامان او ضمان الزواج
لانه بكل بساطه الرجل كم يتكلف على الزواج 100 او 150 الف هل اللي بنيته اللعب انه يدفع كل هالمبلغ ويعجز عن دفع 30 والا 50 الف
وبعدين اللي يبي يلعب ومايبي زواج مستمر يااختي الحين المسيار اكثر من الكوسه بالسوق وش له بدفع هالمبالغ كلها 5الاف وبس

طيب هو مافكر ان عندها بنتين متزوجات وباقي بنت وولد قريب يتزوجون وتبقى لحالها وهو رجال كبير
ماخاف على بنته وقال خليني اتطمن على بنتي قبل اموت وراح وسأل عني واذا شاف اني كفو زوجني وترك عنه هاللف والدوران