اختي الله يعينك ويهديك لما فيه الخير والصلاح لك ولزوجك

تقولين ما يصلي

وصا حب علاقات محرمه

ويمارس العاده المحرمه


اسا ل الله ان يهديه ويرده للا سلا م ردا جميلا

اختي استخيري الله

يمكن يكون بكاءة بين يديك ليسا حبا بل عشان راتبك

فلا تتاثري بذلك

قارني بين الا يجابيات والسلبيا ت في حياتك معه

وبعد الاستخاره قرري ولاتترددي

لا حول ولا قوة الا بالله

انا لله وانا اليه راجعون

غاليتي اكثري من الدعاء والاستغفار

اكثري من قيام الليل

بوحي لأهلك لن يخونوك او يطعنوك في ظهرك

اوصيك بالقيام في وقت السحر والتوسل للخالق فانه لايرد عبد محتاج

اصبري وصابري ولعل الله يُثيبك

دعواتي لك

الصراحة مثل هذا الزوج لايوثق به لا دين و لا أخلاق ومع ذلك طامع بفلوسك اتركيه وخافي على نفسك من الأمراض مادام عنده علاقات لأنها مستحيل تصير مكالمات فقط فرج الله كربتك

أختي أنصحك إنك ماعاد تجلسين عنده وكيف تجلسين عنده وهو ما يصلي
إسألي أهل العلم في هذا الأمر 00ثاني شي خافي على نفسك منه لأنه يعاشر نساء غيرك

ولو كانت منهم وحده مريضه بداء الإيدز أو أي داء ثاني راح ينتقل لزوجك ومن زوك لك أنتي وبعدها وش راح تستفيدين غير الندم وبعدها الندم ماراح ينفعك بشي ولكن أحسمي أمرك من ألحين وخلي قرارك صارم قبل ما يطيح الفاس في الراس ورجعي لاهلك وأنتي مطأطأه راسك ولا إنك تكونين مريضه

السلام عليكم أخوتي في الله ....

آسفة لقد تأخرت عليكم كثيراً بالرد يمكن يومين بالضبط ، وراح أحكي لكم إللي صار بالتفصيل

يوم الخميس لما أنتهى دوامي في العمل ، أخذت إبنتي من بيت خالتي (أم زوجي) وذهبت مباشرةً إلى منزل أهلي ، وأرسلت مسج لزوجي إني راح آبات في بيت أهلي يومين بس عشان ترتاح نفسيتي ، وأكدت عليه إني ما أبغي أشوفة هاليومين ولا يقرب صوب بيت أهلي أبد ... وإني راح أخبر أهلي أنه مسافر ضروري بس عشان أراجع حساباتي

وبالفعل رحت لبيت أهلي ، وقلت حق أهلي أنه مسافر يومين ، وقال لي آبات عندكم ، ما خليت أهلي يحسون بشي أبداً . المهم قعدت هاليومين فكرت كثير باللي صار وشلون راح أتصرف ، وهو كان يتصل فيني ويكلمني مثل العاشق الولهان وأنه محتاج لي وأنه بيموت لأنه ماراح يشوفني هاليومين وأنه مجنون فيني وأنا ساكته بس مجرد مستمع لكن بداخلي أبكي حرقة وألم وأقول في نفسي هذا الإنسان أنا ضحيت بأهلي عشانه ، ضحيت بسمعتي وكرامتي أمام أهلي بس عشانه ، والله توج زواجي ورزقني بهالبنت إللي مالية علي حياتي ، وكل ما أشوفها تسأل عن والدها وتقول ماما وين البابا ؟؟؟ أرد عليها بابا مسافر يا ماما ، وأشوف شوقها لوالدها وأقول في نفسي هذا مجرد يومين وهي تسأل يعني إذا كان على طول شو بيصير فيها ؟؟؟

المهم ريحت نفسيتي يومين ويوم السبت المغرب شفت جرس الباب يدق راحت الخادمة تفتح الباب ويات وقالت لي مدام سير على الباب ... تفاجأت لأني ما توقعت أنه يجي بيت أهلي وخاصة أن سيارتي عندي يعني ما أحتاج توصيلة ، ودخل البيت وآنه كنت قاعدة مع أمي ووالدي وكان شايل باقة ورد وهدية ، وسلم عليهم وقلت له أمامهم حمدلله على السلامة بس عشان ما يحسون بالموضوع ، وقال لي خاطري أقعد معاج على أنفراد قلت له أوكي ودخلنا غرفتي وقال لي إنتي المفروض ما تقولين لي الحمدلله على السلامة عشان توهيمينهم إني راجع من السفر ، بالعكس قولي لي الحمدلله على السلامة لأني رجعت حق نفسي .... هاليومين أدبتيني ، وعرفتيني إني ما أقدر أعيش من غيرج والبيت ظلمة من دونج ومن دون بنتنا ، وآنه أحبك حب ما أنجود ولا أنولد في هالدنيا ، وحاسبت نفسي حساب عسير ماراح أقول لج إللي سويته بنفسي بس باقول لج إني رجعت لربي وعرفت إني مذنب وغلطان ومقصر في حق ربي أولاً وحقكم ثانياً وحتى في حق أهلي ... وكان يقول الكلام وهو يبكي والله إني بكيت معاه وحضنته وأنا أقول له بس خلاص لا تبكي لأني ما أحب أشوفك صغير وضعيف ، قال لي آنه ضعيف من غيرك ، وآنه كنت حيوان وحقير في تصرفاتي معاج بس أبغاك تعرفين شي واحد أن كل هالبنات إللي عرفتهم ما يسوونج ولا يسوون تراب رجولج ، لما صار لي الحادث الله عطاني عمر ثاني بس عشانج إنتي عشان نتزوج وآنه ما قدرت هبة رب العالمين إلا متأخر وقلت حق نفسي لازم ألحق قبل لا يفوت الفوت لأنج إذا تركتيني ورحتي عني صدقني بضيع ويمكن أنحرف ، إنتي ما قصرتي معاي في شي كاملة والكامل الله بس آنه إللي قصرت وبتشوفيني إنسان ثاني من اليوم وساير وإذا شفتي شي ثاني لج الحق تتصرفين مثل ما تبغين ، بس عطيني فرصة ثانية وجربيني

المهم شلت أغراضي وبنتي ورحت على بيتي وآنه شايلة في قلبي أمل أن بالفعل يكون رجع حق نفسه ، وإيماني ويقيني برب العالمين أكبر من أي شي بالدنيا ، ويمكن يكون نتيجة دعواتكم لي وله بالهداية ... والأهم أن بنتي كانت فرحانة برجعة والدها وكانت تبوس فيه كل ثانية وتقول له بابا وحشتننننننني

الله يجعله إن شاء الله في ميزان حسناتكم يوم الدين ، ولا يريكم مكروه ، إنه على كل شئ قدير وبالإجابة جدير

صباح الخير حبيبتي .............هذا موضوع طويل ومتشعب وماينفع بامور الزواج تاخذين اراء او تعملين استفتاء لان كل انسان بيحكم بناء على تجاربة الشخصيه لاكن انا احب اقولك ان زوجك واضح انه فعلا يحبك وانتي شايفه انه متمسك فيك بهالشكل ليه ؟؟؟؟؟؟؟انتظر ردك .غير كذا انا مابقوللك انه هو شخص سوي فسلوكه لايدل على ذلك لاكن اكيد التربيه اها دور كبير لاكن نصيحتي لك دوري على انسان متخصص ........وبقولك اذا قدرتي راسليني عالخاص لان فية امور بصعوبه تناقش بهالشكل خاصه الامور الزوجيه.....وتذكري قول الرسول"لايفرك مؤمن مؤمنه.اذا كره منها خلق رضي منها اخر"وبعدين الطلاق مو حل الابداية مشكله وانا مااقولك انسيه لاكن اتركيه اخرررررررررررررررررررررررررررررررررر.............. ...............
الحلول ولاتنسين انه فيه بينكم بنت تحتاج ام واب كما انها تحتاج ان تعيش في اسره سويه ونصيحتي لك اختي بالنسبه للصلاه ادعي الله سبحانه والحي بالدعاء ان الله قريب يجيب دعوة الداعي اذا دعاه ولاتقولين مااستجاب لي ان الله رؤوف بالعباد وتحري الاجابه يعني اذا جاء اليوم وحسيتي ان ماصارت الدعوة اكيد بيكون بكره لاكن انا مااقوللك تحملي فوق طاقتك لا لاكن انتي محتاجه مهارات اساسيه للتعامل مع هذا الزوج وحاولي كل مازعلتي منه ركزي على الجوانب الايجابيه فيه ترا فيه رجال حتي احبك ماتنسمع منه غير كذا بقولك انك كل مادعيت له ادعي ان الله يطهر قلبه ويكرهه بالحراااام وتذكري ان الملائكه تقول ولك بالمثل لدعاء المسلم لاخيه المسلم في ظهر الغيب........وتذكري قول الله عز وجل:"انا عند ظن عبدي بي فليظن بي ماشاء" والله يهي لك زوجك ويجعله قرة عين لك ويجعللك قرة عين له وطهر قلبه عن الحرام.......واسفه عالاطاله واسفه اذا قسيت عليك شوي

اولا اختي مبروك رجوعة لنفسة ثم لك

ربي يهدية ويسعدكم

الله يديم عليكم السعادة فى الدنيا والآخرة

ويوفقكم إلى كل ما يحب ويرضى

ويبعد عنكم شياطين الإنس والجن


ويبارك لكم فى إبنتكم

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

الحمد لله والشكر لله أن زوجك عاد إلى رشده وهداه رب العالمين ، وهذا كله بفضل الله ثم بفضل دعواتك ودعوات محبيك ..... مبرووووووووووك أختي الكريمة

أسأل الله الكريم من فضله أن ييسر أموركم ويوفق بينكم ويسعدكم ويسعد ذريتكم ويثبتكم على الدين واتباع الحق....

الشكر والتقدير لكل الأعضاء الذين أسهموا مع أختنا الكريمة بالنصح والدعاء ...

ينسخ الموضوع إلى عالم المشاكل المحلولة .....

__________________
https://soundcloud.com/abo-faisal-9/...5-wa0024-mp3-1

الله ينور على قلبه 000

الله يبعد عنه شياطين الانس والجن 00

الله يصلح مابينكم الله الله في الصلاه كثري من الاستغفار 000000

__________________