الله يفرج همك ويرزقك بالوظيفه اللي تغنيك
ويسخرلك امك وخلقه ...
اختي كانت جدتي ام امي تكرهني بسبب افتراء ابو عيالي علي عندها للأسف صدقته بحكم انو رجل وكبير ماتوقعت انو يكذب
المهم الله يسامحها اذتني بكلامها كثييير
وصرت ادعي ان ربي يسخرها لي..
الحمدلله حاليا تغيررررت كثير للأحسن
بسجودك اشكي همك
ربي اقرب لك واحن لك من اي شخص بالدنيا
ماتضيق الا تفرج..
ادعي الله وانعزلي عنهم هالايام
ادعي ربي بكل جوارحك وبأذن لله راح يفرجها عليك...
بيتك ع ظروفك ذي ارحم
ع الاقل ببيتك ...
والله يسخر ابو عيالك ربي قادر ع كل شي..

__________________
(سيدة الموقف)
لم ننساك ونسأل الله ان تكوني أنتي وأولادك بخير

أهلاً فيك اختي غادة .. انا انتظر توظيف جداره على احر من الجمر ..
رغم انه لي زميلات تعينو ولاكن لم يأتي تعيني الى الآن ..
انا لو بتوظف بحس النار الي بقلبي تهدأ شوي ..
ومثل ماقلتي اقدر استقل بحياتي وابتعد عن المشاكل و لا اكون عالة على احد ..
يارب يارب يارب .. ارزقني الوظيفه يارب وكل من يتمنى يارب عاجلا غير آجلا..
الله يرزقك ماتتمنين يارب العالمين .. واشكرك على دعوتك لي الله يجعلها في موازين حسناتك.

هل شهادتك تربوية ؟
هل نقاطك قريبة من نقاط زميلاتك ؟
اختاري الاماكن اللي التوظيف فيها متوفر حتى لو كان بعيد عنك معليش .. وان شاءالله تعيينك قريب 👍
انتبهي تشاورين امك او تسمحين لها انها تمنعك من الوظيفة بأي سبب كان .. التعيين هو فرصتك الوحيدة

وكثير بيعارضون واولهم امك وزوجك لانهم ضامنين انك بحاجتهم وبكذا يتحكمون فيك أكثر وترضخين لهم .. دافعي عنها بكل قوتك بكللل قوتك ابدا لا تضعفين ..

وزي ماقلت لك حتى لو قالوا مالك الا مدينتنا بس اسسسفهيهم وعطيهم طناش وخلي كلامك مع ابوك وجدك وتكلمي معهم اشرحي لهم وضعك خليهم بصفك اذا ضمنتيهم بكيف الباقي

__________________
سبحان الله وبحمده ، سبحان الله العظيم

اشكرك على ردك ودعائك لي 🌹
قدمت وتعبت وانا اقدم .. وسبق وان توظفت في مدرسة اهلية بواسطة من ابوي وزميله ..
ولاكن كانت المديره تبحث عن الزلة معي وتريد إحضار قريبه لها مكاني ..
ولاكنها لم تجد شي .. فقالت ليس لكي عندي راتب غير الف ريال وافقت واخر شي ترفض تسجيلي بالموارد البشريه و التأمينات الاجتماعية ..
وخرجت منها و اتصلت علي وقالت انها ماشافت الا كل خير مني ولاكنها مجبوره وليس بيدها شي .. تركت الوظيفة وانا لست راغبه بتركها رغم انه الراتب الف ريال الا انه كنت اعتبرها متنفسي الوحيد. . حسبي الله ونعم الوكيل.
اما بالنسبة للمشروع ففكرت كثيرا .. ولاكن الاغلب لا يدعمون الا بكفيل غارم .. و والدي لا يحب القروض.. فمن اين لي بكفيل ..
شكرآ لك لقد حمستني مره اخرى لفتح مشروع وانشااالله ربي يكتب الي فيه الخير يارب🌹

اشكر جميع من رد علي ودعاء لي 🌹
اشكركم على نصايحكم .. وجعلها الله في موازين اعمالكم ..
اعتذر لم يسعني الوقت لأرد على الجميع 💞

ايه نعم معي شهاده تربويه شهادتي جامعية و كملت بعد الجامعة على طول دبلوم تربوي ..
وتوظفو زميلاتي وانا لم انجح بقياس ولاكن اعدت الاختبار ونجحت وقدمت العام وماجاني شي وجن جنوني الصراحة. .. املي انشاالله السنه هاذي يارب يارب يارب العالمين
...
وانشاالله ولاكن ان رفضو اهلي ذهابي الى مدينه بعيده .. !!!!! هذا خوفي
زوجي حلف بالله. . لو تجيني وظيفه تبعد 60 كيلو بس مافيه روحه ..
واخته تعينت نفس تخصصي واخذت دبلوم تقليد لي و جتها الوظيفة. . وصار يوديها ويجيبها تخيلي بس القهر 💔💔..
لايهمني زوجي وكلامه .. اخاف امي تأثر على ابوي هذا خوفي ..

اذا امك قوية خليك اقوى منها ..
اذا تكلمت مع ابوك بكلمة انتي تتكلمين معاه بثنتين .. مهما كان انتي البنت وانتي اللي يحن عليك
لو اضطريتي انك تخوفينه انك بتسوين بنفسك شيء عادي 😁 طبعا بينك وبينه ..

انتي قدمي بهدوء بدون محد يعرف واذا طلع ان شاءالله التعيين عليك بابوك واذا قال زوجك وما زوجك قولي طز بزوجي لا يعرف وانتهينا .. انتي اصلا ببيت اهلك راميك ولا يسال لا عنك ولا عن بناتك فقولي لابوك لايدري لانك بتجربين ترم واحد بس واذا رحتي هناك عاد خليهم يبلطوا البحر اذا يبونك تفصلين 😄
حتى لو عرف زوجك وش بيسوي ؟؟ مايقدر يسوي شيء وانتي اصلا منتي بحاجته بتصيرين بينجن وينجن وينجن ويطق مابيده شيء .. انتي بس اضمني ابوك بالبداية وقوليله بس ترم واحد .
وعشان تهونين عليه الموضوع قولي يا تدريس يا بقدم على بعثة انا ما اقدر اجلس بهالبيت والا سويت بنفسي شيء .. وزووودي جرعة الدراما 😁

يارب يارب ياكريم انك تتعينين وبديرتك ويرفع ربي قدرك ويسخر لك عباده ❤❤

__________________
سبحان الله وبحمده ، سبحان الله العظيم

وجربي الان بزنس بسيط بانستغرام مثلاً .. اطلبي ملابس من مواقع وجدا سهل الموضوع والطلب يوصل خلال 5 أيام .. عندك asos مرة بصاعته حلوة ومنوعة والطلب جدا سهل منه ..
مثلا خلي مشروعك لملابس الدوام .. او ملابس القياسات الكبيرة 👍 منها تنشغلين نفسك ومنها يجيك دخل ❤

او الطلب من iherb مجاني التوصيل .. عندك خيارات كثيرة

ولو تبين اعلمك من عيوني

__________________
سبحان الله وبحمده ، سبحان الله العظيم

ربي يجعلك مخرج وتفريج من حيث لاتحتسبي
اتقربي من الله واستغلي هذي الأوقات المباركه بالدعاء والذكر وان شاء الله تفرج

__________________
اللهم صَل وسلم على نبينا محمد

الله يفرج همك ويرزقك ويرزق بنات المسلمين الوظيفه ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه