الحمد لله على هدوء الأمور
و هذي أول سنة لكم هناوي طبيعي فيه إختلاف بوجهات النظر و تصادم ببعض الأمور :: وفقكم الله و حماكم من كل سوء |
اختي هناوي
زعل الرجل كان طبيعي جدا جدا ... هو عارف ان الرجل حسبه والدك .. لكن هو ما تعايش مع هالشي ..يعني ماكان يشوف بعينه صديق ابوك يوم كان يدللك ويوم كان يجيبلكم اشياء من صغركم .. فى اكيد بيحس شوي من الغيرة هو متفهم صراحة .. وانا حطيت نفسي مكانه .. يوم قلتي كلمة " احبه واعزه وفديته إلخ " هالكلام جاه مثل الطعنه الي دخلت في صميمه .. وهو بلعها وما قال شي .. وبعدين كانت الهدية مالتج بمثابة الشعره الي قصمت ظهر البعير .. لها السبب زعل .. الرجل يغار حتى من ولده .. الرجل يبغي كل شي حقه وبس ..وزوجك بصراحة متفهم لأقصى الحدود .. لكن انجرحت مشاعره بكلمات منك ماكانت مقصودة وهو عارف انها مش مقصودة .. " كل رجل داخله قلب طفل صغير" انا من رأيي الشخصي .. الحل انك اتروحين لعنده وتوعدينه انك ماتجيبين طاري هالرجال ولاتهدينه هدية ولا شي .. وصدقيني لانه أصيل وطيب .. راح يقولك لا خليك معاه .. اهم شي لاتخلينه يكرهه .. انا لو كنت مكان زوجك .. بحس اني بسوي مثله .. بحس ان لو زوجتي قالت كذا وانا متفهم جددددددددددداااااااا .. بينقبض قلبي وبحس اني احتاج وقت اجلس فيه لوحدي ..وبصير زي الطفل وبمد بوزي وازعل. الحل الوحيد انك اتروحين حق زوجك وتقوليليه خلاص انا هالرجال ماراح اكلمه .. والحين بتصل قدامك لو تبغي واقوله خلاص لا تبعثلي هدية .. كل شي ولا انت يالغالي .. انت راس مالي وانا حاسة عمري اني ضايعه بدونك . ومن هالكلام .. هو راح ينغلب على حاله وبيرفض انك تتركين هالرجل الطيب .. ومرة ثانية لاتزودينها قدامه .. قولي فديته واحبه واغليه من هالكلام بس مش قدام زوجك .. لو الزوجة قالت جدام زوجها .. لأي شخص واااي فديته .. حتى لو كان شايب لوو كان عمها اخو ابوها لو كان خالها لو كان جدها .. لو قالت احب عمي وامووت فيه .. .. بيحسس لو الدنيا انشقت وبلعته ولا يسمع هالكلمات قدامه ... ارضيه بكلامك الحلو وبيني غلاته وبيني له ان مافي حد مثله .. وقوليله شروطك اوامر .. وشوفي كيف بيتفاعل معاك |
السلام عليكم ورحمة الله وبركاته
* تصرف زوجك كان دليل على حبه لك لأنه غار عليك حتى من رجل شايب. * * عمك هذا يعتبر رجل غريب عليك شرعا فيجب عليك ان تكون هناك حدود بينك وبينه لانك اصبحت امرأه لا تحلين له. * * موضوع الهدايا لا ينبغي الا بأمور عينيه وليس مثلما تفضلتي إهدائه صورتك وعبارات جميله فإنها ليست طيبه امام زوجك وايضا قد يكون هناك نظره ليست جميله لزوجك من ابناء هذا الرجل او اقربائه ( يعني مثلا يقولون كيف هذا مخلي زوجته تعطي رجال غريب عليها صورتها.......حتى لو انتي صغيرة). * * والسلام عليكم ورحمة الله وبركاته |
أختي هناوي
الأخوة قالوا مافيه الكفاية وردودهم -مثل ماقلت- هي عين العقل.. لكن أحب أن أضيف.. مهما قلت لزوجك عن صديق والدك بأنه كان باراً بكم ويهتم بكم ويعتني بكسوتكم وكل ماتحتاجونه.. لكن ثقي ثقة تامة أنه لن يستشعر فضله وعظيم صنعه مثل ماتستشعرينه أنت لأنه لم يعايش واقعك بكل تفاصيله ولم يذق ماذقت أنت ولم يكتوي بنار فقدك لأبيك وبرد إحسان صديق والدك لكم.. أنت من عايشه فقط.. فلا تلومي زوجك إن لم يقدر الموقف بقدره.. وعند استشعارك لذلك لابد أن تشاوريه في كل خطوة تتقدمينها وكلمة تقولينها عن صديق والدك.. أجزل الله لك وله ولزوجك المثوبة.. دمتم بحفظ الله.. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|