أختي خيال
بداية من حقك يكون لك معايير الشخص المتاح لم يجتاز معيار المستوى التعليمي ولا المستوى المادي ولا العمر برأيي غير قابل للتنازل أصلا!! ومسألة أنك تغامري علشان احتمالات انه ممكن مؤهل ثانوي وتفكيره احسن من الجامعي وممكن مستواه الان نازل بكرا يزين وممكن يبي اطفال وبكرا لما يذوق المسؤولية يخف لكها محض ظنون ممكن تكون و70%ماتكون لأنها اصلا مخالفة للواقع الحالي غير انه الشخص بعد الارتباط يبدأ يطلع على عيوب شريكه اللي ماتبان الا مع العشرة والقرب يعني فوق انه مناسب مواصفاتك لما تتزوجين برضو فيه اشياء بتبان مع العشرة.. الموضوع مو تجربة وظيفية ولا سفرة ام اسبوعين هذا زواج وارتباط والمجتمع مجرد ماتتزوجي يقيمونك بناء على اختيارك للأسف!! انا اكلمك من تجربة تزوجت متوسط الدخل طبعا ارفع بكثير من خطيبك والحين مو قادر يغطي مع اني موظفة ومررنة جدا بخصوص الصرف ثانيا كنت عارفة انه تعليمه ثانوي ومثلك قالوا لي مو شرط..زوجي مو سيء وعمره ماوقف بطريق نجاحاتي بالعكس بس تفكيرنا مختلف كان يحب الاطفال وقالوا لي بس تجيبي البيبي ال3 بيقولك بس وللأسف برضو مش صحيح.. نظرتك للزواج مو بس اشباع عاطفي وتكوين اسرة لك نظرة اشمل لذلك اكرر لك كلامي فكري بعقلانية تامة وربي يرزقك فوق ماتتمنين عاجلا غير آجل |
ابحثي بنفسك أو عن طريق أهلك ولا صديقاتك ومعارفك عن شخص تتوفر فيه شروطك واعرضي عليه الزواج وخليه يتقدم لك .. في غيرك سواها من قبل, ولا ممكن يطول انتظارك
|
بالبداية احب اشكرك لتواجدك و ردودك المتفهمة مافهمت، كيف أقيّم نفسي؟! من أي ناحية؟! |
أقصد أنّك ممكن تجدين شروطك متوفّرة عند الرجل الذي يتقدّم لخطبتك سواء كلّها أو مع التنازل عن بعضها لكن أنت تفتقدين لمواصفات هو يرغب فيها أو فيك مواصفات هو لا يحبّها ففي هذه الحال مطلوب منك للتوافق أن تتنازلي أنت عن بعض المواصفات ليرضى بك فهل تتنازلين ؟ يفترض أنّك تكوني ببعد نظرك, مستعدّة ومتوقّعة أنّه لا بدّ من هذا التنازل, إن شاء الله تكوني فهمت قصدي, وفّقك الله ,, |
صحيح المفروض افكر بعقلانية وبعيد عن العاطفة بالذات عاطفة الامومة
اللي لاحظت المجتمع يضغط علي بها حتى اتزوج بسرعةوأخلف وألحق نفسي طيب مو انا لو أنجبت بكون مسؤولة عنهم وعن توفير حياة كريمة لهم وعن استقرارهم؟! وقبلها أنا مسؤولة اني اختار لهم أب صالح ؟! الموضوع مسؤولية مو شيء عشوائي، ولا احنا حيوانات همنا ناكل ونشرب ونخلف ونعيش ونموت .. ما اقول ماعندي طموح أكون أسرة وأنجب أطفال، لكن بإختيار مناسب أيش أسوي إذا للان مالقيت الاختيار المناسب ؟! مالقيت رجل يملي عيني وقلبي بإختصار ؟! فعلا كلامك صحيح وأنا أؤمن فيه آخذ الشخص على أساس انه يتغير تفكيره أو رأيه في شي هذا غلط ،، لأنه لو ماتغير أيش راح اسوي؟! احب آخذ شخص اتقبله بعيوبه و ايجابياته واكون مقتنعة فيه تقريبا شكرا لتواجدك كل مرة |
كلامك صحيح لكن انتي ماحسمتي امرك
يارجل مناسب ومقنع يا لا بالنسبة لي حسمت امري يازوجة مقتنع فيها تماما يابلاش زواج اذا كنت كذلك فانتهى الامر اذا كان يهمك امر الأمومة او مايسمونه الاستقرار فضروري تتنازلي |
باختصار ناقشيه في موضوع عدم رغبتك لإنجاب أطفال كثيرين
وتوقعاتي اذا كانت هذي اولوياته فهو من سيتركك |
خيال لا تحطين ببالك انها تنازلات.. بل ترتيب اولويات
ولا نحط ببالنا شخص كامل لأننا مش كاملين ولابد في منغصات بشكل عام اعتقد كل بنت تحط المواصفات الضرورية اللي تهمها وماتقدر تستغني عنها بحيث تكون ماتتعدى 3-4 في بنات على سبيل المثال مستعدة تتحمل كل شي في سبيل انها تتزوج شخص فاحش الثراء فتستغني عن كونها زوجة وحيدة وتتجاهل عمره اذا كان كبير ومستواه التعليمي...الخ ولا تلتفت لهذي الامور المستوى التعليمي جدا افهمك واتفهم اصرارك عليه لانه ضروري بالنسبة لي انا بعد وشخصيا تهمني التربية وبيئة العائلة هل هم متربين ببيئة تحترم المراة او لا؟... هالامور ماتهم بنات كثير لكن قاعدة اقول لك الامور الاختلافية عشان تقدرين تحددين الاشياء اللي ماتقدرين تستغنين عنها بعيدا عن كونه شخص كامل بالنسبة للمادة اذا انتظرتي شخص بالمستوى التعليمي المطلوب بالتالي راح يكون عنده الحد الادنى انه يعيشك حياة كريمة على سبيل المثال وهلم جرا |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|