الله يكون بعونك يارب

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

الله يفرج همك ويكون في عونك ، انتي قوية وصبورة وبإذن الله بعد صبرك راح تنالين الراحة والاستقرار ، الحمدلله عيالك الان عندك ، وعندك راتب يعني وجود زوجك مو مهم ، حاولي تقنعين اهلك بالسكن الخاص قولي اذا تبغون راحتي انا وعيالي خلوني اخذ سكن واشوف نهاية وضعي .. واذا كانوا رافضين حاولي تبنين لك ملحق صغير في السطح كبداية لاقناع اهلك ،، الله يفرج همك ويصلح احوالك ..

لاحول ولا قوة بالله العلي العظيم.. مر حوالي شهر ونص على وضعي واولادي معي وابوهم ياخذهم مره بالاسبوع ويرجعهم وعايش حياته بدون اي مسؤوليات.. ماحاول ابدا يراسلني او يدق علي ويمكن خيرة حتى ينحسم موضوعي اسرع.. ما بعد طلقني وتاركني معلقه واهلي لسى على موال اصبري.. انا واولادي بغرفة ببيت اهلي صايره كأنها مخزن من كثر الاغراض.. مخنوقه واهلي يشوفوا موضوع السكن والغرف بدري عليه مادام لازالت معلقه.. قال والدي انتظري شهر زياده.. حاسه باكتئاب واحاول اقاوم واضعف واتذكر امور تقهرني اكثر منها فواتير محلات مجوهرات كنت القاها بجيوب زوجي في الست الشهور الماضية.. وبخله علي استرخاصه المهيييين لي.. خيانات ومرمطة وقله ادب.. احس احيانا اني ولا شي ووحده مالها قيمة ولا عندها كرامه.. بعدين اتعوذ من ابليس.. يارب فرجك.. اقسم بجلال الله ما ابي الا اعيش حياة كريمة ومستوره انا واولادي.. لا تحرموني من دعواتكم..

حبيبتي الله بيفرج همك صدقيني ..
بس شنو فايده جلد الذات ؟ مشاعر الذنب والتأنيب من أسوء المشاعر وقفيها ! الي فاات مات وإذا ماماتت لازم يموت عشتي عمرك معاه حزينه وبتكملين حزينه؟؟
كل مشكلة ولها حل لكن لازم تقررين والأن انك تكونين لطيفة ورحيمة مع ذاتك وتقدرينها !
إنتي روح مقدرة خلقك رب العالمين مقدرة ليش تهينيها بهالتفكير وتتسمحين للأخرين يهينونها ! حاولي من اليوم وهاللحظة تطورين نفسك تتبحثين عن تقنيات تتطورك وتتحررك من الصدمات والمشاعر الي عندك مثال التنفس التحولي جدا ممتاز أو تاخذين استشاره عند شخص مختص أو ثيتا هلينق وهو تتغيير برمجيات وإزاله صدمات .. المهم حولي تركيزك من الخارج للداخل من ردود أفعال زوجك وأهلك لنفسك من الداخل (لأن الخارج إنعكاس لما في داخلك) طلبي العون من الله وهو بيدلك عالطريق الي بيساعدك

الأخت الغالية
لن يضيع الله أجر من أحسن عملا
لا تتحسري على مافات أبدا أبدا ..
لا تلقي اللوم على نفسك .. كوني رفيقة بنفسك.. احتويها أسعديها ولا تنتظري من أحد ان يحتويك .. ساعدي نفسك على تجاوز هذه المحنه
أنت جوهرة وكل ما فعلتيه دليل على أنك من الطيبات
لكنه هو الذي لا يستحق كل ما قمت به
انسيه وانسي ماضيك معه
وركزي على نفسك وأطفالك
توكلي على الله أكثري من الاستغفار الجئي لله
قومي الليل وعليك بالدعاء أن يربط الله على قلبك ويثبتك
ويأخذ حقك منه
هذا الابتلاء فرصة لكي تقتربي من الله فهو نعم المولى ونعم النصير
تعلمي أسماء الله الحسنى وعيشي بها
أنصحك بمدونة الأستاذة: فجر الكوس فيها شرح جميل لأسماء الله الحسنى
وكتاب "إنه الله" للدكتور علي الفيفي
صاحبي القرآن .. تدبريه واجعليه مؤنسك في وحشتك
من وجد الله فماذا فقد .. ومن فقد الله ماذا وجد؟

أسأل الله أن يفرج همك .. لاتنسي أدعية الكرب والحزن
طمنينا عليك

رجعت للموضوع بعد ثلاث شهور لازلت معلقه فيها ببيت اهلي.. تقريبا تعودت على حياتي الملخبطه وصرت أفكر بيومي وتركت المستقبل لرب العالمين.. اقلق احيانا واتعب من التفكير والهم بعدين استغفر واحاول انسى.. احس روحي ميته من الداخل بس ما ابين.. حتى اهلي صاروا يعاملوني بتثاقل واذا جلست مع اولادي قاموا وتركوا المكان حتى يبعدوا عن الازعاج.. ما الوم اهلي لانهم مساكين صعب يتحملوا اخطأ غيرهم.. ألوم ابوالعيال اللي دمر حياتي وحياة الاطفال حتى ينبسط ويفلها حسب تفكيره..
لكني اسأل نفسي هل صمتي حكمه او ضعف.. ساعة احس اني مستسلمه بشكل غبي.. وساعة اقول لنفسي اتركي الامور يدبرها رب العالمين بطريقته.. مقتنعة بالطلاق جدا لكن اهلي سحبوا طاقتي اللي كنت مجمعتها للحياة الجديده.. يمكن لانهم يعتقدوا الطلاق حاجة زي الدمار والموت فيحاولوا يقنعوني اتريث كل شوي بدون اي معنى.. رغم انهم شايفين ابوالعيال ماصدق اترك له البيت وكأني هم وانزاح..
احزن على اطفالي بعد ماكانوا معززين مكرمين ولهم حشيمه وتقدير.. صار الكل يشوفهم مصدر ازعاج ويتحاشاهم واحيانا يصرخون عليهم.. ولو قلت ممنوع احد يصرخ على اولادي قالوا لا تصيري حساسه واحنا نربيهم معك الخ..
ولما اصحى بيوم واقول اوك خلاص باخذ قرار والم اطفالي ونطلع ببيت مستقل واللي يزعل واللي يرضى براحته.. اتراجع واقول لنفسي يابنت خلي الدراسة تنتهي وخذي قرار باجازة الصيف.. لاننا بنصف الفصل الدراسي واي قرار اخذه هالفترة حيلخبط دراستهم وممكن يأثر عليهم.. اعذروني مخي ملخبط..
احيانا الوم نفسي.. اقول انا صح جميله ورشيقة ومتعلمة ومؤدبه لكن دمي ثقيل وجامده وروتينيه.. بس ارجع واقول برضو هذا مو عذر للذل اللي شفته معه لان مافي انسان كامل بحياته.. ثقتي بنفسي اهتزت خصوصا لما استرجع كلام قاسي ومدمر كنت اسمعه كل يوم.. لكن الله يعين..

الله ييسر أمرك أختي، ويسخر زوجك لك وترجعون لحياة كريمة، وسعيدة.

مافهمت !!
كيف تقولي ممنوع أحد يصرخ على أولادك ؟!
مو ممكن أولادك مزعجين !!
مو ممكن أولادك مايسمعوا الكلام !!
الحكاية مو انه محد يتحملهم ، الحكاية إنك فعلا في وضع حساس
والظروف اللي إنتِ فيها ماتخليكِ تشوفي الحقيقة أو الشي الصح.
شي طبيعي جدا لو كنت مكان أهلك وولدك ولا بنتك غلطوا أخاصمهم وأوجههم
وهذا شي أي أحد يسويه ، نادرا ماتلاقي احد يسكت على ازعاج الاطفال ومشاغبتهم.
فخذي الموضوع بصدر رحب وبطلي تحسس وحطي نفسك مكانهم.

__________________

حبيت الرد جدا خاصه الفقره الاولى
عزيزتي اذا بتعيشين وضعيه الضحيه المغلوب على امرها
لن تتقدمي خطوه واحده ابدا
دامك غاضبه ومتحسسه من كل تصرف ماراح تقدمين لا لنفسك ولا لاطفالك
ابوك سبق عرض عليك غرفتين او توسعه استغليها
ووفري فلوس الايجار الي تفكري فيه ولا تخسري دعم اهلك ابدا
طلبقك اخذي حقك منه بالمحكمه نفقه اطفالك كامله
مثل ماقالت الاخت العقل نعمه
لانملك عصا سحريه
والدنيا ماهي ابيض او اسود
فيه حلول جميله بالنص وحلول مؤقته
اطلعي امشي بالحديقه الممشى
اقري كتب
اخرجي من جو الماضي والذكريات والضغوطات ساعتها بيصفى ذهنك وترتبي لحياتك الجديده
اطفالك بخير
وانتي بخير
والحياه جميله صدقيني