استخرت كثير ودعوت الله كثيرا
اعطيته فرص كثيره يكابر ويشوف نفسه هو الصح وانا الغلط
أهله مسيطرين عليه كلمه توديه وكلمه تجيبه
تحملت فقره تحملت جهله
انا انسانه مسالمه همي الوحيد راحة بالي ابغى اعيش بعيده عن المشاكل
تنازلت عن حقوقي المشروعه وماشفت منه إلا الهم والنكد
الضحكه يستخصرها فيه ويحسدني عليها
والله استعملت جميع المحاولات لاسعده عشان مااخرج من عنده وانا ندمانه ومابان فيه ناكر للجميل آخر شي اقوله ايش تبغى مني ايش اللي يرضيك يسكت مابتكلم
آخر شي حاولت ارجع بشروط عشان ولدي ماابغى أندم مستقبلا وانا مافي قلبي له من محبه ماقدر هالشي
انسان مايقدر النعمه تزوج مره وحده وماكمل سنه الاوهومتزوج والحين مالنا 5 شهور ورايح فحص الزواج
حرام أظلم نفسي معاه تعبت منه نفسيا وجسديا شعري نزل من الهم جاني فقر دم ياعالم ياحسبني على الأكل ويراقبني في اكلي فقدت حمل لي 5 شهور بسبب إهماله لي ماقدر وحمي ونفسيتها
حملي الأخير جلست عند أهلي لحد ماولدت ورجعت انا بطلب مني اعرف الرجال بعد النفاس يكونو مشتاقين لزوجاتهم ويهدونهم هدايا انا رجعت بمشكله وماشفت لاهدايا ولافرحه في وجهه طلع رجعني بطلب من أهله عشان اخدمهم عندهم زواج ويبغوني أمسك أطفالهم ورفضت لاني كنت تعبانه ووالده قيصري وزعل مني وقال لو دربت ماارجعك ايش أكثر من كذا

تم دمج الموضوعين لترابط المحتوى ...

__________________



احيانا يجب ان نفقد ذواتنا كاملة لكي نستعيدها كاملة ...

اختي حاسين في معاناتك والله م يستاهل ترجعين له انسان مب قد المسؤليه
ليش تعبين نفسيتك ع شخص م يستاهل استخرتي الله كثيرا واخترتي قرار خلاص فوضي امرك الى الله اهتمي في نفسك اهتمي في ابنك الله يحفظه لك
تذكري دائما :لا يوجد ارحم بنا من ربنا 💕

يسقط من عيني الرجل الذي لا يصرف على اهله لو به مزايا الدنيا كلها ..............

وسيظل يكرر اخطائه لانه لايتعلم ابدا .....وسيظل يطلق........
اختي عيشي لنفسك ولحياتك ولابنك وانسيه تماما ..........

جزاكم الله خيرا جميعا وجبر خواطركم
كيف اخليه يطلق بسهوله لانه متاكده راح يماطل كثيرا
قال لبوي انا ماراح افرط فيها هو حاول يرجعني كدا مره دون ان يغير من نفسه شي ولم ارى عليه ندم او وعود انه يتغير يبغى كل شي بالقوه عشان كذا موسهل الطلاق عليه خاصه انه طلق حرمته الاولى بعد
مارجعو له المهر
وكيف اضمن طفلي مستقبلا طفلي حاليا لايعرف ابوه مره جاء وجلس يبكي استنكره لان ابوه لايسال عنه وجاء كم مره ولاطلب يشوفه

ترانيم انتي استخرتي وخلاص نويتي الطلاق
اذا كذا خلي الوالد يتفاهم معاه
واذا عندك اثباتات على اهماله قدميها للشيخ
والله يسير امورك كلها

الله يسعدك يامبتعثه في الدارين
انا ناويه اذا جاب ورقة طلاقي بقدم فيه شكوى
وأبغى مصروفي خلال الثلاث سنوات وكم شهر ومصروفه ولدي

لدي أسأله لأهل الخبره
كيف اخليه يطلق بدون ماأرجع له ريال من المهر
علما هو اللي طردني من البيت كيف أثبت ذالك في المحكمه
حاول اني ارجع بس انا رفضت وحاليا مصره على الطلاق
لمن طلق زوجته الأولى أخذ المهر كامل لأنها ماطولت عنده
وماابغى هالشي يتكرر

الوالد كلمه وطلب الورقه بالمعروف وأخذ يساوم تبغون الورقه ابغى الولد
قاله ابوي 4 شهور ماسالت عنه ولاصرفت عليه وتوك تتذكر أن لك ولد
المفروض كل شهر تجي تسلم على ولدك وتعطيه مصروف
رد وقال ليه تبغاني( اجي وذل نفسي )
فسرولي هذي الكلمه
دحين اذا الأب زار ولده يتطمن عليه معناته فيها ذل