اشكرك علئ متابعة موضوعي

انا حاليا بيت اهلي

وما اقدر اقول لهم شي عن زوجي

لان دايما امدحه وخاصة بعد ما دخلته شركة ابوي وهو يعمل مع اخواني

واكبر اخو لي ينتظر شي عليه ما يحبه

وزوجي ما يحب اقول امور بيتي لاحد وانا ايضا ما احب يقول شي عني او يبين لاحد شي

عندي اسباب كثيره تمنعني ادخل اهلي لاني ما ابي افارقه

اعرف اهلي زين واخواني

وهو بيكابر اكثر ولن يتنازل اذا تدخلوا

فقط ارجع اعمل مثل قبل

الشرط هذا مكتوب

سكت في البدايه علشان الحمل والتعب

الحين ايش السبب غير الغيره العميااااء

يعني اللي تقعد بالبيت ما تغدر او تخون

كل شي سهل


لماذا تصعيب الامور دام الواحد يخاف ربه

ودام ما يتضرر

وانا اتضرر

حتئ قبل الزواج قال ما بخليك تتغطين دام ما اتحطين مكياج


والحين نقاب مب غطوه بعد

ويعلم جيدا اني اصدع منه

كل شي تحملته

وينكم يالطيين

جاني مسج غريب

اول مره يرسل لي مسج اذا زعل العاده تطنيش


المسج يقول (ما راح اموت من دونك وغرورك بنفسك راح يدمرك)

ايش دخل هالكلام الحين

من المغرور الحين

ليش شايفني مغروره يعني يهددني بزوجه ثانيه

ولما هددته بالانفصال قال مغروره

هل انا غلطانه لو رجعت لوظيفتي

السلام عليكم
هو تقريبا الحين اشتاقلك وحس بغيابك وقاعد يكابر وارسلك
هذي الرساله علشان يتلاعب بنفسيتك شوي وترجعين للبيت
الحين المشكله ماهي في عملك لانه حتى لو وافق انك ترجعي للعمل
الغيره بتذبحه وبيصير يوميا مشاكل مالها اول مناخرهو لازم يعالج نفسه
من الغيره وشوفة النفس اللي فيه
والله يصلحكم لبعض يااارب

مره قال البيت من غيرك ولا شي


يا خوفي بس شاف له شوفه

طيب العمل غير مختلط


علئ الاقل اشوف ناس واخذ واعطي معاهم

الحياه صارت تعيسه وممله الحين

الله المستعان

أنا اتفق مع هالرأي..هو الان مشتاق لك بس يكابر..أختي بسألك أنتي متأكدة من حبه لك وإنه مايقدر يعيش من دونك؟ لأن والله أعلم الظاهر من كلامك إنه يحبك والدليل هالغيرة..لأن الغيرةدليل الحب..وفي شيء ثاني ترى اللي يبييتزوج مايقعد يهدد على الطالعة والنازلة بس هو يعرف مدى حبك له لذلك قاعد يستغل هالشيء لتنفيذ كل طلباته.الرجال لو حس من البداية بقوتك وعدم اكتراثه ماتمادى كذا..

يارب يكون كلامك صحيح

طيب انا فكرت وقررت ارجع البيت

بس انا مطروده

مع ان قبل قال لي اذا اطردك لا تتطلعين من البيت


بس انا طلعت لان هالمره باخذ موقف

يارب يحن علي ويرحمني

افكر اذا ما صالحني قبل رمضان ايش اسوي

اخاف ما ينقبل صيامي

شوفي يا أختي أنا ماأدري عن وضعك أو عن الامور المحيطة بك وأنا هنا ما أحرضك على شيء.. أنا بتكلم عن نفسي بصراحة ألزم ماعلي كرامتي إذا طردني من البيت ماراح ارجع له إلا إذا جاء هو راضني ورجعني بيتي..أما يطردني وأرجع له كذا ليش سلامات ماني انسانة عندي احاسيس ومشاعر وكرامة .. ماعندي أهل .. ماني بنت ناس..هذا شيء..الشيء الثاني ترى الزواج علاقة تفاهم وشركة ماهي علاقة من طرف واحد واحد يحصل اللي يبي والثاني يتضرر..ثالث شيء ترى إنتي بسلبيتك خليتي زوجك يتمادى .. زوجك يبي له موقف حازم مايبي له خنوع وخضوع وتوطية راس..الرجل مهما كان يحب المرأة ذات الشخصية واللي لها رأي بس بحكمة وعقل..وربي يفرج همك يارب..

وعلى فكرة لاتكوني مشتته وضايعة كذا..اتخخذي موقف وكوني قده..ياترجعين وتتحملينه مع محاولات الاصلاح مع العلم إنها كلها باءت بالفشل .. أو تتاخذي موقف حازم معه بس تقوي قلبي وتكوني قد هالموقف وماتندمي بعد كذا..مع إني حاسة وشايفة والله أعلم لو شاف منك حزم راح يتعدل ويحسب حسابك.. على فكرة يقولو مايحس بالنعمة إلا
اللي فاقدها..خليه يفقدك عشان يحس بالنعمة اللي كان فيها..

اختي انا اعرفه هو يكابررررر فقط

والله ما يستغنئ عن بناته

ما احب اكون سبب في شي وانا عارفه طبعه وشخصيته


والله عناده يضره يضره كثير وانا اعرف هالشي

لذلك قررت اني اخلص زوجي من كل شي سلبي


علشان هالشي ما ياثر علئ بناته

الله كريم

انا ارجع البيت لان هذا بيتي مهما طردني يظل بيتي

اذا المطلقه تقعد في بيتها هذا الشي له اثر علئ الزوج

يتراجع عن عناده وعصيبته

اما لو بعيده ما درئ عني

يتعود علئ بعدي


والله انا بالفعل متشتته وعمري ما تصورت اني لا اجيد اتخاذ القرارات

واني ما افعله لن يثمر

حتئ اني اطبخ له

رغم وجود طباخ وخادمه

احب ادلعه