ترى كم من الليالي التي سأضل ساهراً فيها على أمل ليلة رومانسية ... ها أنا أعبث على جهازي ... وأنيسي هو الكيبورد ... المنتديات ... التلفزيون ... كلها جماد في قاموس الحياة ... الا في قاموسي أصبحت كالبشر ... والسبب نصفي الثاني يغط في نوم عميق ... هل هو ابتلاء ... ام امتحان ... ترى هل سيطول صمودي ... ام الى متى سيستمر صمودي ...

ماشاءالله عليك ياولهان بجد احسك تحب التفاهم والحوار

اهم شيء في الحياة الزوجية قداكون اول موضوع اقراة لك واوالثاني تقريبا بس ماقول الاالله يكون بعونك

اعجببتني حركة اللي تقول خل الكمبيوتر مفتوح وتشوفة وان شاءالله تقراة

صراحة احس بحزن وضيق على هالمساكين ناس يدورن العيال وهذي تنافخ وتدعي وين الخوف من الله

انااستغرب هل زوجتك موظفة اذا موظفة قلنا معليش عندها ضغوط وكذا بس مهماكان زوجها له حقوق واجبات عليها يابرد قلبها

ليش ماتهتم بدورها وتخاف ربي فيك الله يثبتك خيو ويسعدك ياكريم

صراحة الطيبة معها ماتنفع حاول تشد شوي اكتب رساله
لها
زوجتي لك فترة متغيرة هل هذا التغير سيطول وهل تؤدين دورك على اكمل وجة قداككون مدخن والدخان بلوة بس مهماكان ماياثر كثير على حياتك

اسال الله ان يعافيك ويصدك عن الدخان وتبدله بالمسواك ياكريم

طيب هي عارفة انك مدخن قبل الزواج وماتوقع الدخان ياثر لهالدرجة
صديقتي ماخذة واحد مدخن وعادي تقبلت الوضع

مدري شقول لك بس حاول تسال اخصائين اجتماعين في منتدى

اجتماعي او تعرضها ربماتعاني من مشكلة نفسية او شيء صراحة الوصع ماينصبر علية لاتترد
مافية شيء حافظ على بيتك

وان شاءالله ترجع احسن من اول وتكون احلى ملك في احلى عش زوجي سعيد الله يوفقك ويسعدك ويهدي زوجتك ويرزقك ماتتمنى

فرج الله همك وييسرلك كل امر عسر
غداالخميس اطلع انتي واياها وافتح السيرة وان مانفع معهاالكلام

صراحة اعرضها على مستشار عبدالعزيز المقبل

واكيد بيساعدك ان شاءالله ممكن ترسل رابط الموضوع لها على الايميل لمتى تسكت الوضع بيطول خير ليش هالجفاء
الله يهديها ويصبرك
وان شاءالله الله يصلحك حالك ويكتب لك اللي فية خير
اتمنى اكون ساعدتك بس لااملك سوى الدعاء وان شاءالله غداصايمة لك دعواتي في ظهر الغيب وربي يتقبل

زينة الغنادير ... اشكر لكي دعواتك وأسأل الله لكي مثلها ...

التدخين تركته اكثر من مره وللأسف هي سبب عودتي له .

زوجتي لا تعمل .

زوجتي تستكثر الشيئ اذا طلبته , في المقابل لا ترى ما أقدمه حتى وان كان اكثر مما تستحق .

زوجتي تتثاقل القيام بالواجبات الزوجيه بما فيها حق المبيت و لا تريد ان تمر فكرة الزواج الثاني ولو مرور في بالي ولا تريد اي

ذكر للزواج الثاني أمامي ولو من باب المزاح فحسب قولها ان هذا إما تشجيع لي للزواج وإما قد يكون تنبيه لي بوجوب الزواج

ت ع ب ت منهااااااااااااااااااااااااااااااااااااااااااااااا اااااااااااااااااااااااااااااااااااااااااااا ترى أين هي ؟
ليست زوجتي ... فزوجتي شبعت نوم الآن من 11 م ... ولكن أين هي من تنتشلني للحياة ....

والله مادري وش اقولك ياخوي

بس الى متى حالكم كذا للزم تحسم امرك

الواحد يعيش مره واحده

تتوقع زوجتك فيه عين مو طبيعيه

__________________
سبحان الله وبحمده

ريفاان ... لا اتوقع عين ولا غيره ... ولكن قلة التعليم وقلة الثقافه

خلها تتثقف تدخل على النت ,, ولا تقول ماتعرف خلها تتعلم والا جب لها كتب تقراها أو أطبع موضوع من النت وحاول تخليه في مكان هي تشوفه والافضل انك تحطه الصباح قبل ماتطلع للدوام عشان تأخذ راحتها في القراءه والتفكير وانت بعيد عنها طول النهار

والله يسهل أمرك ويسخرها لك ويسخرك لها يارب

__________________