اذا قامت المرأه بدور الرجل وتعدت الحدود .. وهو امر غير طبيعي !
فلتتحمل النتائج .. اعطيه واشركيه ، ولكن بحدود تضمن قوامته و وتحفظ رجولته . |
انا زوجي اشترى الارض وكان باقي عليه مبلغ كبير حق البناء
وطلب مني اطلع قرض فوافقت بشرط يكتب ورقة تظمن حقي فصارت مخاصمة كبيرة وزعل مني وقال بعد هالعشرة تخافين اخذ حقك المهم بعد استخارة طلعت له قرض تجنبا للمشاكل ولانه يستاهل راح كتب الارض والبيت بأسمي واحرجني باخلاقه وقال لي انه في حال صارله شي يصير اظمن حقي بدل ما اتهجول في المحاكم الله يحفظه ويطول في عمره المهم يا حبيبتي الوحدة مع العشرة تعرف زوجها هل يستاهل ولا لا مثل زوجي خلاني اندم على اليوم الي اطلب فيها ورقة اظمن حقي |
صدقتي والله تضيع الوحده حق من حقوقها الي مترتبه ع عاتق الزوج في إنه يصرف عليها وبعدين لما تشوفه متونس إما بسفر ولا زواج ولاخيانه تتحسف والوضع صعب يتعدل لها بعد مرور سنين
بس وش نقول الا الله يعوضهم والله ياليت نعطي أبائنا وأمهاتنا الي انشغلنا عنهم بأزواجنا وأولادنا هل في وحده ندمت انها سددت دين أبوها او بنت لاهلها بيت او او لانه الاب والأم مايرفسو النعمه زي الزوج ويفتخرو ببنتهم ويدعو لها وهذا يكفيها ... والزوج يهايط عند اصحابه انه مسيطر ع راتب زوجته واكثر شي يقهرني الي تعطي بطاقتها زوجها |
انا لي تجربة باعطاء زوجي قرض ووعدني يسدد القرض اللي علي بمجرد مايجيه مبلغ
طبعا جاه المبلغ وسحب علي ..وانا اللي اكلتها يسحب من راتبي شهريا مبلغ 3000 وزياده لمدة 5 سنوات وبالنهاية لا شكر ولا تقدير هذا عايش عمره بهلبسفريات والروحات وانا ولاادنى تقدير |
انا زوجي من النوع الي عزيز نفس نوعاما يعني اتوقع لو اني مسويه نفسي كريمه واعطيه اكيد بيسوي السوايا
المهم اني ماقد عطيته شي كبير وهو مايطلب مني شي وبعد سنوات طلب اطلع قرض نشتري ارض هو دفع شوي وكتبها بالنص بينا على اساس دين وبيرجع راح باع الارض بربح وبدال مايسدد دينه الي علي راح تزوج بهاالفلوس علي تخيلو ووش يقول مااكلت فلوسك برجعها طيب رجعها الحين طبعا مايقدر لان اذا سددني معناتها مايقدر يتزوج وحسيت بالقهراضعاف مضاعفه لاني اعتبره تزوج علي بتعبي ودعيت ربي ينصرني عليه والحمدلله ربي نصرني باشياء كثيره بردت خاطري وطلق بعد سنه تقريبا وطبعا رجع فلوسي بس وش بعده وانا من الاول يوم اسلفه لاني واثقه موب اكل حقي ومع ذلك شوفي وش حيلته صراحه مستحيل تلقين رجال بيحب زوجته علشان انها عطته فلوس بالعكس لانها عكست اوامر الله وهي انفقت وعطت بداله وهو الي امره ربي كانت النتيجه ويل وثبور وعظائم الامور والسعيد من اتعظ بغيره 😆 |
قلبي سر معاناتي , اولا اشكرك على الموضوع الاكثر من رائع
هذه المواضيع توعينا كرجال وتنبه على امور وحقوق الزوجه لان الانسان يرى ويقرا ويتاثر بصراحه ويراجع نفسه وهذه الفائده من الموقع اقرا واستفيد واراجع نفسي واغير , لا فائده ان اصبحت اقرا واقرا وعند التطبيق ارمي كل ماتعلمت وقرات خلف ظهري , اعتبره نوع من النفاق والله اعلم واسال الله ان يعوضك خير في الدنيا والاخره يا اختي ماهيب مشكله لا تلومي اخلاقك لانها اصيله ولكن اللوم دائما على من يستغل الاخلاق الحميده لصالحه بطريقه او باخرى وايضا ما اقولك ما ناخذ من زوجاتنا , في اوقات ااخذ بصراحه , لكن ماتوصل لجحود تام واعتماد عليها الى هذه الدرجه ثم اهدد ثم ثم اما بالنسبه اني ااخذ , نعم في اوقات ومشاريع وخطوات مستقبليه ااخذ من تعبها ومن تجميع فلوسها لاني اثق ان كل خطوه هي لي ولها وللاطفال وبعلمها ومشورتها واطلاعها وحفظ حقها , فقط الامر بسيط |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|