شوف ياسيدي ،، انا من كلامك استشفيت انك شخص عملي جدا جدا
محترم جدا جدا ،، مباشر ،، وراجل ماشاء الله
وهي شكلها برده بيتكسف رغم ان ليها بعض المبادرات بس هي بنت عصرية ،،
اللي انا حساه ان هي محتاجة راجل شوية شقي مجنون ،، غير تقليدي ،،
يعني خليك احيانا مندفع او اعمل حاجة تبين حبك الشديد ليها بطريقة غير تقليدية
يعني انت بصراحة مش عذر ليك انك تشوفها نايمة قدام التلفزيون فخلاص يبقى مش هينفع نعمل حاجة
كان هيجرى ايه لو شلتها مثلا بطريقة رومانسية وهي نايمة وحضرتلها مفاجأه في الاوضة وتم الموضوع
او حتى صحيتها بطريقة رومانسية في نفس المكان اللي نايمة فيه مع تجهيز الغرفة ببعض الانوار والخدديات المريحة وتم الموضوع برده
الموضوع مش لازم في السرير وبس ،، خرج فكرك عن الحدود النمطية
حط قدامك هدف ونفذه برومانسية وبجنون ،، بس مش المقصود بالقوة والعافية
اخرج عن طورك ،، اخرج عن تقليديتك وتوسيط الاهل
يعني عملتلك ايه الطريقة المحترمة والتواصل مع امها وابوها لحد دلوقتي ؟!!
اعرف هي بتروح فين وقابلها وجهز لها مفاجأة ،
مش لازم تواصلك معاها يتم بالموبايل ومركز انه لازم يكون معاها جوال عشان تتواصل
خليك طايش شوية وواسع الحيلة وجرب طرق مختلفة
على فكرة اللمسة بتفرق من الراجل اللي هو زيك تقليدي ومش عارف يعمل حاجة والراجل اللي مش بيحسبها اوي وبيتبع احاسيسه ،، كوّن احساسك واسلوبك الخاص وخلي غريزتك ومشاعرك يحركوك ،،
انا مش بقول لازم تبقى زاني ومفرفر مع البنات عشان تعجبها ،، لا اوعى تفهم غلط ،، بالعكس محلاها وانت لسة بكر ،، بس المهم انك تبقى مش حاسبها كدا اوي
وحتة انك تبوسها وتودعها من عند الباب مش كفاية ،، انتو عرسان لازم يبقى فيه شقاوة ولعب وهزار وجنون
لو قلتلي انه بعد جوازكم بعشر سنين بعد العيال وكدا انكم بتودعوا بعض بالطريقة دي هقول فيك الخير ولسة فيه موده
بس دي مش طريقة عرسان جداد الدموية متدفقة في حياتهم
على فكرة لو انت حاسس ان ده اسلوبك ومش هتقدر تغيره
وعاوز حد يشدك شد ويمشي برتم تقليدي واحد ممكن تلاقي الانسانة اللي تتفق معاك
او واحدة تبقى شوية حِركة فهتحركك معاها
وهتبقى حلوة برده ،، بس هي تمازج وتآلف شخصيات
ومش نهاية الدنيا يعني !
التعديل الأخير تم بواسطة helwaya ; 27-05-2011 الساعة 08:44 AM