كلمته ليلة البارحة ومكثنا نتحدث لمدة نصف ساعة قلت الى متى واحنا على هالحال
قال انا ماني قادر انسى اللي سويتيه انت صرتي تتبعين اخباري وتسببين لي مشاكل وانا رجل ما ابي المشاكل وش معناته لما رجل يتزوج وحده ثانية وش معنى هالشي بس انت ما تفهمين كنت انت الوحيدة اللي ارتاح معاها لكنك ابعدتيني عنك بتصرفاتك انا احس الحين اني عايش بروحي ابعدتيني عنك قلت انا اعترف بغلطي بس لازم نوصل لحل قال ماني قادر انسى اللي سويتيه حاولت بس ما قدرت قلت كرهتني قال لا والله ووالله مافي نفسي عليك شي بس نفسيا ماني قادر انسى قلت الى متى واحنا على هالوضع ؟ قال مادري عطيني فرصة الى بعد رمضان لعله يتغير شي في يوم وليلة قلت مو معقولة طول هالمدة مو قادر تتخذ قرار انا ودي اعرف انت لك نية نستمر مع بعض والا لا ؟ قال مادري والله قلت لازم تحدد موقفك الان قال انا ماعندي كلام اقوله الحين وانا شغول بعدين اكلمك قلت انا ما صدقت اكلمك وتقول بعدين ابيك تقولي الحين قال اذا تبين قراري الحين راح انهي كل شي لكني اقولك عطيني فرصة الى بعد رمضان لعلها تتيسر الامور . حاولت اجس نبضه واشوف ردة فعله فقلت له شرايك بمشروع نتشارك فيه يكون له مردود شهري لي ولك والفلوس من عندي بس ابيك تقوم بالمشروع والفايدة بتعود علينا جميع ، رفض بشدة وقال خلي فلوسك لعيالك احسن انا مابي منك شي انا ما انفعك انا نحس انا احس اني مو رجال ! قت ليش تقول كذا عن نفسك بالعكس انت ارجل الرجال قال لو كنت رجال كان صرفت عليك وعطيتك حقك ! قلت انا مقدره وضعك وعارفة الضغوط اللي عليك قال والله اني قاعد اجاهد وعلي ضغوط كثيرة مو بس انت انت جزء من المشاكل اللي اعيشها عموما انا مشغول الحين وراح يكون بيننا اتصال بعدين ,, وانهى الاتصال ! ما احس اني اخذت منه لا حق ولا باطل بس طلب مهلة الى بعد رمضان حتى قلت له انت شنهو اللي في نفسك وش تفكر فيه قال مادري ما عندي كلام اقوله وانا اقولكم مادري عن هالرجال * |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|