كنت كلمة بكلمة..
لي كم سنة..فيه أشياء لاتحتمل أرد عليها..
وفيه أشياء أطنشها وأحتقره بداخلي..

عموماً أنا فعلاً عنيدة لكن عنادي معه بأسباب

يعني هو رجل يتدخل بكل شي يخصني
بلبسي بمشيتي بشنطتي حتى جزمتي يختار لي أنواع معينه ماأقدر ألبسها ماتقبلها نفسي..فكانت هذي مشاكلنا بداية حياتنا
بس أطاوعه غالبا يعني أزعل وأتضايق بس أطاوعه ماأتحدى!

بس الآن عشاني ماأطلع معه ولا يوديني أي مشوار فخفت هالأمور كثير..

طبعاً بوضح
تراه لو نسيت مثلا النور مولع يسميه عناد وتحدي
لو نسي شي طلبه مني يسميه عناد وإهمال وتحدي وإني أستقصد!
لمن حتى الأولاد يصدر شي منهم بدون قصد يسميه عناد!

أحنا دايم طوع أمره بس لو قلنا رأينا يشوفنا نعاند

يعني تخيل واحد يظلمك وتبي تقول تراك ماتقصد أو فاهم غلط ويقول ترادني!

إنك تبرر إساءة الفهم يصير مراد!

وإن سكت لبستك التهمة!



صراحة ايه ترتفع نبرة صوتي تلقائي
وأنفعل وأحاول أتمالك نفسي معه
صايرة إنفعالية أصلاً بزيادة مع كل الناس..

ايه لأنه مدعاه للشك
كل يوم طالع والله إني أطلع في طلعته وأمل وأرجع وممكن أروح مشوار ثاني وارجع وهو مارجع!


يعني لازم من بعد المغرب لين 11- 12



لا ماأنتقده
أكره النقد وعرفت إن هالشي يكره الناس في الواحد مثل ماكرهته فماأصير زيه!

بس يجي أوقات لمن يصير موقف قوي المح كم مره
إنه مميزاته وصفاته فيها جمال
بس عصبيته وحمقيته وسلاطة لسانه وتضخيمة للأمور هي اللي أعيبها فيه..

يحبهم وحريص عليهم
لكن مثلي يعاملهم ناقد وعصبي

على فكرة حتى عند أقاربه وعيالهم يقولون إن فلان وفلان ومنهم زوجي عصبيين!

كريم معي ومع العيال
صح يحسب لي القرش ويشوفني راعية بعزقة بس يعطيني..

آخرها قبل كم يوم
أرسلت إني بشتري جوال وحددت المبلغ إنه الفين ونص تقريباً
مارد علي بس لمن دخل البيت حول 3000 في حسابي
بس كم مرة بعدها وشو له جوال ثاني ووش فيه الأول وليش ماصلحتيه وكذا...فعادي من حقه يكون حريص لأن الفلوس من عرق جبينه



بالضبط ماأتذكر..
بس أعتقد 10 سنين وفيها..ويمكن تزيد!


كان مسافر دورة عمل للمغرب أسبوعين..
أول مرة نام معي ماقدر يكمل..
وماأخفيك..أول مرة وعقب أسبوعين ماشفنا بعض
وبعد سفره للمنطقة هذي..
السالفة أقلقتني...
مع إني أتذكر لمن رجع قاعد يمدح فيني وإنو فرق بيني وبين أشكال الحريم هناك !!!!


والله مادري

أنا كنت أقول صادفت ماقدر مره..فخاف تتكرر
فلمن جرب ثانية كان تفكيره إنه يقدر أو لا
فمن نوتره ماقدر..فصار هاجس تسبب في اللي هو فيه...


أما هو كان يقول هالشي أقلقني وصار تفكيري كل لحظة
( يعني زي ماقلت)
وصار يتعذر بضغط الدوام كان بينهم مشاكل وعنصرية وتنافس عجيب..

ومرات يتعذر إن خسارته مبلغ كبير في الاسهم أثر على نفسيته
وإنه عشانه ماخذ قرض كبير وللحين يسدده هالشي متعب نفسيته!
فكنت مراتأعذره ومرات أقول يافلان كل الناس مشاكل عندهم في العمل...
وحتى مع حريمهم
وخسروا في الاسهم واولهم أنا بس مو معقول يكون سبب التباعد الروحي بين الزوجين والنفور بالشكل هذا
فكان يقول أنا غير ماأتحمل!


مرات أشك طبعاً إنو ممكن وحده بحياته
يابالحلال يابلحرام هي سبب زعزعة راحة بيتي!



بوادر ضغط معه وسكر على كلامه بوادر كمان بس ماعالج ولا كشف بس من ملاحظاته إذا أنفعل..

مادري..
فكرت بالشي هذا..يمكن!




كل شي توقعته وشكيت فيه..


الحمدلله مصلي ومحافظ على أغلب صلواته ماعدا الفجر..

زي ماهو...

شفت صورة من رقم مسميه بأسم رجال
وحده مصوره صدرهاطبعاً وهي لابسه!
صدمتني الصورة وحاولت أوصل لها فأرسلت تعتذر
وإنه أتصال بالغلط وأرتاحت لصوته
وأنه قليل يرد عليها!وأنها ماراح أشوف رقمها بعد اليوم!

وهو قال هذي وحده شكلها مدزوزة علي وسافهها
قلت مدزوزة ومسميها ابو فلان قال عشان ماأرد!

ماصدقت بس مشيتها

بعدين بفترة دخلت على فاتورته بالنت وحصلت رقمين أو ثلاثة
وكان واحد من الأرقام أعتقد نفس اللي أرسلت الصورة
لأني لمن بحثت عن أسمها لقيتها بنفس ماسماها زوجي قصدي أسم ولدها

والثانية ببرنامج مثل النمبر بوك طلع لي أسامي كثيرة لها
من ضمنها مسمى خطابة!

وش تفسيرك أنت!!
أنا خلاص جتني لوثة بمخي..


الحمدلله محافظة على صلاتي وعلى الذكر والتسبيح
لبسي عادي مو محافظة جداً عاديه...

أنا قلت أذا كان علي عدسات يسأل يخاف رايحة فيها للسوق..



الحمدلله أحب أقرأ القرآن..بس يجيني أوقات أنشغل عنه الله يتوب علي..

أنا اللي أعتذر بس والله مالي غيركم
إذا وصلت مرحلة أكون حيل منضغطة لازم أكتب لو أعيد وأزيد
المهم أتكلم...

الله يجزاك كل خير ويفرج لك كل هم..