ربما كلامكِ صحيح يا استنكار .. البيئة المحيطة ربما بالفعل لها دور. مسألة العمر في مجملها لم تكن مطروحة عندنا أبداً .. ولا علاقة لها بأي شيء يخص الإنسان سواءً زواج أو دراسة أو عمل أو هوايات أو أي شيء آخر. يعني تأخرت في الزواج ولم يعايرني أحد بعمري. تأخرت في الدراسة ولم يقل لي أحد خلاص راحت عليج. مارست الرياضة في وقت متأخر من عمري ولم يقل لي أحد: بعد إييييه؟؟ اللهم لك الحمد والشكر. المرة الوحيدة التي رُبط فيها العمر بموقفٍ ما هو عندما حملت زوجة خالي في ابنها الأخير بعد توقف طويل عن الإنجاب .. وكانت حينها قد تجاوزت الخامسة والأربعين أو ربما أكثر وخالي كان يقترب من الخمسين .. وبعد أن كبرنا اكتشفنا أن الموضوع كان فيه حركات حريم وشغل مغايظ وقهر. .. وليس قناعة حقيقية. |
أنا خال من عمر 13 سنه وبديت أسمعها يوم صار عمري 15 سنه
لما بدت بنت اختي تناديني " حالي حالي " يوم صار عمرها سنتين يعني من عمر 15 متعود على سماع خالي وعمي وفيه واحد عزيز علي أكبر بعشر سنين يناديني أحيانا يا جدي ... وتستمر الحياه |
غيري ما يقول لي الا يا بنت ولله الحمد
وانا حاسة بكذا وحاسة اني شابه لاني فعل شابه و توني بس اقرب الناس اللي حولك خلاص صيري ثقيلة مرة و لا تجلسين و لا تسوين ومن هالكلام السلبي غصب تطفشين الحين زوجك ييغار عليك وكلها كم سنة و خلاص ماعاد يغار قصدهم اذا عجزنا كلها سنتين و تصبغين شعرك من الشيب حسسوني اني ام السبعين 💔 ياربي وش اسوي اذا اقرب الناس يحطمك والمفروض هم اللي تستمدين منهم الثقة و القوة مثل الام و الاخوان . ماتقدرين تقولين لهم شي والطامة الكبرى اذا قالوا وش عرفك بهالشغلات لانك كبيرة يعني..هذي احس مافيها احترام لان كأنها تنعتك بالجهل.. خاله ارحم😁 الحين انا اللي معلمتكم والحمد لله مطلعة بكل شي ولا قد خليت شي وجبته و اخرتها تقولون لي كذا 🙄المشكلة كنت أُسأل سابقا من وين جبتي و كيف تسوين هذا |
التصرفات هذي اوڤر ! ، عسى ما شر ...
يا صديقاتي الموضوع ما له علاقة بالثقة الموضوع علاقته بالتصالح مع العُمر ونظرتنا له .. ناس عندها العمر مُجرد رقم.. و ناس تحس إن العمر له معنى أكثر من إنه مجرد رقم اكتشفت شيء مؤخراً هو اللي قالته ميمو فيه جلسة مع صديقاتي ( صديقات المدرسة ) وتقريبا احنا صديقات من 2001 وتوطدت الصداقة في 2004 يعني ايام الثانوية كانوا يتكلمون ويمزحون فجأة صفنت ( سهيت ) أشوف إن هذا احنا! اغلبهم صار عندهم عيال وكلنا ما بين محاميات و بعضهم في مكانب و بنوك .. لكن لازلنا مثل ما احنا سوالفنا .. مرحنا .. مقالبنا الزمن ما كان له تأثير على شخصياتنا إلا بالشكل المعقول فجأة سألتهم : تعتقدون بيجي يوم ونتغير! وفي نفس الليلة كنت امشي مع امي في الشارع شفنا صديقتها من ايام الثانوية وقفوا يسولفون ويمزحون بطريقة ما اعتدتها من امي مع اشخاص آخرين قلت لها : يمه حسيتو انكم تغيرتوا مع بعض ؟ قال لا الفرق ان صار عندنا عيال وانشغلنا شوي مع ذلك يا جماعة ما فيه فايدة 😂😂 احب عمر العشرينات أكثر 😂 يا أخي القلب وما يهوى .. 😂😂😂 احب اظل في كل جملة اردد ( بعدني صغيرة ) 😂💔 احب إن كل ما مزح زوجي معاي افر رأسي بكبرياء واقول له لا تجرحني تراني صغيرة 😂😂💔 لماا يصير عمري 50 وهو عمره 65 .. اقدر افر رأسي واقول له بعدني صغيرة ؟ 😂 بيظل يضحك علي لحد ما بجيه شد عضلي بظهره لانه بيكون وقتها كبير في السن وما يقدر يضحك وايد 😂😂 مهرة 😂😂💔 الله وكيلج كنت بكتب الكثير والكثير بس برستيجي ما سمح لي ولكن القلوب حرى والعيون عبرى 😂 |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|