متى قال انها قارنت نفسها بامه؟! تذمرها كان من جعلها اخر الاولويات حسب كلامه.. ولا طرينا ان الام مالها حق او مساوية للزوجة.. بس ليش ربط العلاقة بين الزوجة وبين الام بهذه الندية انا ماني فاهمة ابدا شي جدا مختلف
اعطاء الام حقها لايعني التقصير بحق الزوجة.. وكون الزوج اعطى زوجته مايعني ابدا انه مقصر عن امه لمجرد انه اعطاها.. والتعدد قضية اخرى تماما والاخ مو لاقي وقت ولا جهد لزوجة واحدة عشان يتزوج ثانية ياحبك لطاري التعدد 😂 اعتراضنا ياستي كان على نقطة الاخوة العاطلين وتحميل نفسه فوق طاقتها وان الزوجة لها حق برضو فقط فقط والحرمة ماصار لها 3 شهور عشان يحدد انها قاعدة تصرف بهبل اذا كان بهذا المعدل.. لين جينا للواقع مصرفها عادي اذا جمعتي المبلغ المذكور يطلع مصروف زوجة بالمتوسط على راتب متوسط مو شي خرافي.. موضوع صرفها اخونا بالله ماتصرف معاها ولا اعترض لحد الحين وموضوع الطلعات والخرجات البنت للحين عروس برضو مش شي خارق يافليكا.. معلومات الموضوع لاتزال ناقصة ما اظن انها بتنفجر فجاة وتقول ما اقدر عموما جانب الاهل مجهول وقد تكون في مشاكل من جهتهم |
امك تتصل ثالث يوم بعد زواجك
وتقول وينك (بعتب) تعال نشوفك اسمح لي.. هذا مو طبيعي اخوانك عاطلين ومتكلين عليك اسمح لي.. هذا مو طبيعي انت ضعيف شخصيه مع اهلك البر مايعني هضم حق الزوجة وقتك الخاص معها محد له حق يقتحمه اوكي الام والاب فضلهم عظيم وبرهم واجب بس الرجل الذكي يحسن التصرف ومايحسس زوجته انها تحصيل حاصل وانو بدالها الف والاهل قبلها انت ماسك على قصه انها قبلت ظروفك بعدين جالس تستفزها بسلبيتك وشرط بنت الناس تتحمل كأنك تختبر قدراتها.. هذا غلط قصة انو كل طلعه 500 الخ اتمنى انك ما منيت عليها بهالكلام وعموما في امور اكبر من الماديات زوجتك لو تهمها المادة ما اخذتك زوجتك ماهي طمعانه بفلوسك استوعب هالنقطه زين اهلك خاشين بقوه بحياتك رتب هالمسأله معهم وبترتاح |
هلا اختي ..
الطامة الكبرى ان الاغلب من الزوجات عندنا يعشن على ثقافه زوجيه مدرى من وين جايه !! لا هى ثقافه اسلاميه شرعية و لا ثقافة اجنبيه مستورده ..! لا تعرف مالها ولا ماعليها ولا يوجد انصاف من النفس و لا تطبيق حقيقي للحقوق والواجبات .. تدخل الزوجه بنفسية عدائية وكانها ساحة قتال الغلبه فيها للاقوى و نصايح النساء تعزز لها .. "لا تعطيه ، لا تسوى له ، حقك و زوجك و ملك لك وامه و اهله ووو " ..! طيب وبعدين .. نتذمر من حالات الطلاق و شتات الاطفال و تلبس دور الضحيه اللى عملت و حافظت و ماقصرت و تلوم الزوج .. ! الزوجه و الزوج ايضا لابد ان يعرفون واجباتهم وحقوقهم بشكل جيد من الشرع والقانون المطبق لدينا لا من ام ولا اخت ولاصديقه .. وكثيرا مانقول على الزوجين ان يصارحوا بعض قبل الزواج و العقد و يجلسوا مع بعض و يعرف كل منهما ظروف الاخر و يضعوا شروطهما .. ان حدث قبول واتفاق كان بها ان ام يحدث فيتفرقا قبل العقد .. اما حكايه اوافق و بعد كم يوم او شهر اتذمر و ماقدرت و يالله غير طروفك !! هذى ماتمشى .. ثانيا للزوجه حقها من مبيت و نفقه و عشره بالمعروف و في حدود الاستطاعه .. ولو رجعنا للشرع فحق الزوجه ليلة من اربع ليال < فيها تفصيل مايحتاج ندخل فيه .. ليس للزوجه حُكم بمال زوجها وليس لها سواله عنه ولا على من ينفقه و ليس لها منعه الا لو كان المال مالها الخاص من عملها و تعبها او ورث ورثته .. ليس لها منع الزوجه من امه او ابيه او برهما باى طريقه كانت ..< كبيره جدا انه يطلع عشان يكلم امه عشان الزوجه يضايقها هذا ..! ليس لها منعه من صله رحمه واولاهم اخوانه واخواته باى طريقه يراها هو .. الاخ ماقصر و كثر الله خيره .. مثل مانقول الزوج العاقل يوازن .. ايضا الزوجه العاقله تعينه على بر اهله و امه بل حتى اصحابه الاخيار تربط بين الاهل و لا تفرق .. لا تدخل الوحده بيت الناس مثل الشيطان تفرق و توغر الصدور و تتوهم ماليس لها وتعتقد انه هو ماله ملك لزوجته ..! بل ( انت ومالك ملك لابيك ) تقاس عليه الام .. لا الزوجه .. التعدد ^_^ باذن الله رسالة ماجستير قريبا دراسه تحليليه شرعيه قانونيه نفسية ..^_* |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|