حبيبتي لمني بشوق الله يجزااك الجنة ردك واايد طيب واسلوبك لطيف يدش القلب
تسلمين حبيبتي والله يجزيك خير على الدعاء الطيب ولك الجنة يارب .. والنصائح اللي قدمتي واايد معقولة وحلوة وبعضها بسويه يوم نكون في صفاء بس صراحة مو كلها وهل تقصدين اني ابدا بتطبيق نصائحك وتخصيص فترة اسبوع للتطبيق الفعلي من بكرا مع اننا ما نكلم بعض الا بشكل قليل جدا لاني بصراحة ما اقدر اطبق اللي قلتيه والجو بينا لسة متوتر ابدأي من بكرة .. لان الاعتذار ما بيفيد وزوجك بيطول زعله .. فالافضل انك تبدأين من بكره .. مثلا بالنسبة للفطور هو يقوم يسويه يخليني نايمة ويطلع للشغل يعني اذا كان قصدك من بكرا اطبق ما عندي وجه وجراة اقوم بكرا واسويه له غيري هالمرة .. انتي اصحي من النوم وجهزي له الفطور واذا حبيتي تفطرين معاه طيب واذا لا اكتبي له ورقة صغيره مثل ( هني وعافيه على قلبك حبيبي ) وحطيها مع الفطور وارجعي نامي.. وغريب امرك يا قلوب الحين يوم نكدتي عليه تجرأتي ولك وجه لما بتصلحين الامور ما تتجرأين قلت لك حبوبه تحملي لو فترة لان تصرفاتك هذي من زمان مستمرة يعني مو مرة او مرتين .. هذا مثال وفي نصائح اخرى ما اقدر اسويها وحنا زعلانين ممكن لما ينصلح الوضع اتمنى انك فهمتي عليا حبيبتي وابي منك نصائح ممكن اسويها وبتناسب جونا الحالي من غير ادلك كتوفو ولا رجليه ولا اقول له انا اليوم سويت كذا وكذا وهو في حالة ما يطيقني اسولف له وانا ما ارضيها لنفسي هههه فاهمه عليك حبوبه وفاهمة عليك عدل لاني في ايام كنت مثلك بالضبط والله رزقني بزوج مثل زوجك تحملني وصبر لاني كنت صغيره 18 سنة تقريبا وكبرت وتعلمت وتثقفت وصلحت اخطائي بالتالي صلح اخطاءه والحمد لله مرتاحه وسعيده .. وبعدين قلتي بالاول حاجة وايد اثارت انتباهي لما قلتي انو يطول زعل لانو مافي لحظات حلوة يشتاق لها ايه قصدك يعني وكيف تكون هذه اللحظات بس عندي على كلامك تعقيب هو طبعو شذي حتى لو كانت عندنا لحظاات حلوة بس الطبع غالب ولا ايه رايك |
أختي قلوب حائرة أعذريني على اللي بقوله لكن انتي مشكلتك ما راح تنحل .. لأنه أول خطوة لحلها هي الاعتراف بالخطأ.. وأنتي مو بس ما تعترفين بغلطتك .. أو إغلاطك بالأحرى .. لا .. انتي بكل ثقة تشوفين نفسك صح وهو الغلط !!!؟؟ حتى كل هالاراء ما اقتنعتي فيها .. مع أنهم أجمعوا انك غلطانه ... وفي شيء كنت بكتبه لك بس أخاف تزعلين .. والله ما ودي أزعلك بس أريدك تلحقين على عمرك وتنقذين زواجك ..
|
واضيف حاجة لو هو اللي ما غلط معي بالاول وشاف في الحرمة وجرح شعوري ما تزاعلنا يعني كل شي صدر مني كان ناتج على غلطو
عشان شذي ما بذلت جهد في اني اراضيه افكر بيني وبين نفسي اقول ما يستاهل وهو اللي بدا وعوض ما يزعل ويصمت يحتويني ويتفهمني ويعذرني لما افكر شذي ما اهتم لزعلو ابدا واتضايق اقول انا اللي لازم ابقا زعلانة ما ادري اذا تفكيري صحيح ام اني اتخبص وبس |
شوفي حبيبتي .. بعطيك مثال : انتوا لما تزاعلتوا كنتي تحنين للحظات معينة مثل يوم يجيك المطبخ ويسالك اذا تبين مساعدته .. هذي من اللحظات الحلوه اللي يحسسك فيها زوجك انه مهتم فيك ويحبك فانتي اشتقتي لها ومو عاجبنك طول الزعل ... فزوجك يطول في الزعل لانه ما في لحظات او اشياء حلوة يشتاق لها فيترك الزعل ويجيك راضي ... فلو انك تبتسمين له كل يوم الصبح قبل الدوام ولما يرجع وتدعين له وعودتيه على هالشي بكرة اذا صار زعل لا سمح الله ما بيطول لانه بيشتاق لابتسامتك ودعواتك وتوديعك وترحيبك .. بالنسبة للطبع انتي تقدرين تساعدينه بإن يغيره .. بعد ما تتراضون ويروح الزعل اتفقي مع زوجك ان في اي لحظة اذا حصلت مشكلة لازم ما يستمر الزعل اكثر من 10 دقائق وبعدها تسمعني وانا اسمعك ونسكر الموضوع ... هذي الطريقة ماشيه معانا من 12 سنة حبوبه والحمد لله الزعل عندنا ما يستمر اكثر من 10 دقائق نهدي ونذكر الله فيها او نصلي ركعتين ونبدأ النقاش بالدور ولا عمرنا حطينا راسنا على المخده ونحن زعلانين الحمد لله .. الحين لا تفكرين بالوضع ابدأي واخلصي النية لوجه الله وكسب الاجر بارضاء رب العالمين ومن ثم ارضاء زوجك .. صدقيني ممكن تلقين ردة فعل جافة مرة مرتين ثلاث وبعدين بإذن الله بيرضى الشمالي ما يطول بالزعل حبيبتي من نفسه يرضى بس زوجك يأس منك ولازم تثبتين له العكس بالنسبة للتدليك وغيره هذي مجرد افكار تطبقينها اكيد لما تكون الامور طيبة بينكم حاليا ركزي على هذه الخطوات : ركزي على عيوبك وابحثي لها عن طرق لتصحيحها وخليك صادقة مع نفسك عالم الانترنت كبير بتلقين ملايين من المواقع تشرح لك طرق وتمارين لعلاج الانفعال وغيره ابدأي بتقنية التوديع والاستقبال بابتسامه .. والدعاء له .. اختيار الكلام المناسب ولا تجيبين سيرة المواقف اللي صارت والزعل .. خليك عاديه .. العشاء بوقته الفطور بوقته .. ولا تنتظرين مقابل او ردة فعل مع الايام بتلاحظين ان زعله اختفى ركزي على اهتماماتك وشوفي لك اي هواية او موهبة وطوريها وانشغلي فيها .. وقبل كل شي احرصي على الاذكار وقراءة صفحات من القرآن بعد كل صلاة .. وادعي رب العالمين يثبتك وانشغلي عنه حبيبتي لا تلزقين فيه طول الوقت استمري على هذه الخطوات لمدة اسبوع .. الى ان تشوفين النتيجه .. وتأكدي ان المبادرة هذي ما بتنقص منك شي بالعكس بتكبرين بعين نفسك قبل زوجك .. بالتوفيق حبوبه وأي سؤال انا حاضرة ومستعدة باللي الله يقدرني عليه .. ربي يسعدك |
حبيبتي قلوب .. انتي متاكدة ان زوجك كا يشوف الحرمة بنية سيئة ؟؟ اثبتي هذا الشي ومستعده اتراجع عن كل كلمة قلتها لك غير الدعاء .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|