في بنت حبت واحد واتفقوا على انه يخطبها
انما الولد كان وده البنت تعجب امه بالاول وهي اللي تختارها بنفسها عشان تكون مقتنعه فيها
البنت فكررت وفكررت قالت للولد
عندي فكره ,, وش رايك تشور على امك تروح ا للحج وتحجز لها
وتحجز لي انا بعد معها ونكون بنفس الحمله
قال ماعندي مانع بس وش معنى الحج بالذات
قالت ماعليك انا ابضبط السالفه
واخلي امك تحبني وتعجب فيني
المهم ان الموضوع تم وسافرت الام للحج
والبنت بعد راحت
ولما وصلو السكن صارت البنت تدور على مكان الحرمه الكبيره
تبي تكون بنفس غرفتها
وصارت البنت كل شويه تروح تجيب للام ياعصير يامويه ومن غير ماتطلب
وتجي تسحب ملابسها عشان تغسلها لها وتفرش لها سجادة الصلاه
وام الولد تقول ليه بس يابنتي انا متعوده اسوي كل هالكلام بنفسي
تراني مابعد صرت عجوووز وامشي على عكاز
وكل شويه جايبه لها ياشاي ياقهوه
والحرمه تقول لها كافي يابنتي يعطيك العافيه لاتكلفي على نفسك
الحمله يجيبون لي كلشي ولاهم مقصرين
اما وقت الوجبه تجي البنت رررررركض
وماتجلس الا عند الحرمه
وكل شوي ناطه لها ماناقصك ملح
ماتبين ملعقه
اساعدك ياخاله بتقطيع اللحمه
وتقشر تفاحه وتحلف عليها الا تاكلها
ومن تقوم تغسل يدها تررررركض تجيب لها علبة المناديل
ووقت ماتجي من الحرم تجي البنت عند راسها عشان تونسها
وتسولف معها عشان مايضيق خلقها وتمل
او تقرا لها قرآآن
المهم ان البنت سوت الحرمه الكبيره يادهينه لاتنكتين
بعدما عدت فترة الحج
رجعوا لديرتهم بالسلامه والولد ينتظررر امه على احر من الجمر
ومن شافها طااااار يسلم عليها ويبوس راااسها
قال يمه كيف الحمله معكم
قالت والله ياوليدي نظافه وتنظيم
قال طيب والسكن عساه زين
قالت والله ياوليدي الغرف واااسعه وشرحه وقريبه من الحرم
قال طيب يمه عسى مانقصك شي
وكيف كانت الرحله وعسى انبسطتي مع الحريمات اللي كانوا معكم
قالت ياوليدي عساك لي ذخر
وعسى الله لايخليني منك
امالو تبي الصدق ياوليدي كل شي كان في الرحله تمام التمام مافي شي نقصني ولاضايقني
,,



,,



,,
في الرحله الا شي واحد

,,


,,
بنت ملقوووفه ولززززقه
طووول الوقت لااازقه فيني مافكت
ماصدقت ربي فكني منها وجيت
لووووووووووووول




القصة منقولة
الله يرزقك ويصخرلك اللي يسعدك يارب بدون خطط

هلا وغلا بذكريات لا تغيب .. نور الموضوع

صبابة لهم أو لغيرهم
مستحيل طبعا.


الكشخة هذي هي اللي راح نلعب عليها في الأيام القادمة

غدا أفضل
الصراحة ردك في الصميم
* صدقتي الثقة الزائدة في الأجانب خطأ .. وإن شاء الله أنتبه لهذا الأمر.
* نقطة أنه عيب تطلع البنت .. حلو إنك نبهتيني عليها .. فيه ناس يحبون البنت اللي تقول ما أحب أطلع، ما أحب الصديقات، المرأة مملكتها بيتها، وهمها الأول والأخير زوجها وأهله
لكن يبدو لي إن زميلتي في الدوام من النوع عادي عندها الطلعات .. لكن ضروري نتأكد

الملكة إن شاء الله ببشركم فيها .. لكن متى مادري
<-- من شدة التفاؤل تفكر وش تلبس بالشوفة الشرعية

هلا ورد ساهر ..
إذا كانت الفتاة لا ترضى بأي شخص .. عليها أن تبادر .


نورتينا

هههه فضيعة
وقولي للبنت ربي بيعوضها بواحد هو وأمه مثل العسل


تعليق جانبي
ساعات أحس أني أنفخ بقربة مشقوقة .. ياجماعة لم ولن أفعل مثل التصرفات السابقة.
احتاج خطط ذكية .. تخاطب العقل تارة و المشاعر تارة أخرى وتحفظ ماء الوجة

أختي نصيحه لاتتحمسين معه كثير

وأدعي ربي يكتب لك إلي فيه خير أنا كنت منهبله في خطيبي السابق هذا فارس أحلامي إلي كنت أحلم فيه كل المواصفات
والحمدالله ربي فكني منه
ماتدرين ممكن الرجال فيه موصفات حلوه لكن لماتعرفينه وتكلميه يكون سئ جدا
أدعي ربي يكتب لك إلي فيه خير
إفعلي الأسباب أهم شي إكشخي ولاتعلقين نفسك في وهم

__________________

الخلوقة بعطيك حوآر دآيم يصير بيني وبين أمي الله يحفظهآ:
- يمـــه مآآشاء الله وين رآيحــة؟
- رآيحـــة زوآج آل فلآن؟
- ليش؟؟
- بروح اقز البنـــآت واخطب لولدي !
- يمه خليني أنآ اخطب له
- لا لا ماتعرفين
- ههههههههههههـ الله يقويك يمه بس صدقيني إذا مآعجبتني إنها مآتاخذه
>> مسآكين العيال مصير مستقبلهم بايدين امه وخواته يجلس و ينتظر المفآجئة الجميلة المختارة
لو تدرين كيف الأمهــآت يرآقبون المنصآت عشان يخطبون لعيآلهن مآتصدقين!

لآتتعلقين كثير بصديقتك عشآن مآتنصدمي وإذا إنك تبين خطة خلي وحدة من صديقاتك تتوسط
وأهــم شيء الدعــــــآء (=

لا أجد لك أختي الكريمة الا هذه الآية

وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الْغَفُورُ الرَّحِيمُ

توكلي على الله ولو لك نصيب فيه ستأخذينه

موفقة غاليتي

ربي يرزقكِ بالزوج الصالح في القريب العاجل :14:
وتشوفين عيالكِ وتدورين لهم عرايس ترى الأيام تركض وبتصيرين جدة
الخيال نصف الواقع والله لا يحرمكِ هذه اللحظات السعيدة :14:
ومن يقول آمين

بس لا تنسين تعزمينا

حياك الله ملامح قمر نور موضوعي
كلامك منطقي .. وفعلا الواحد مايدري وين الخيرة فيه.