المشاركة الأصلية كتبت بواسطة ليتني اسلى

المشاركة الأصلية كتبت بواسطة جنّة الدنيا

الله ينعم بحالك ..

ولو تكرمت عندي كم استفسار:

أولا: ناوية أسوي الجيلي بنفس القالب اللي في الصورة الأخيرة "من صورك"، بالتحديد صورة "زيد على عبيد"


والله قالتلي سمو الأميرة إن الأعضاء راح يظنون أن زيد على عبيد من تجاربك ، فقلت لها : لأ أكيد راح يعرفون من تفاصيل الصورة انها صورة أجنبية ولا تخصني .

ولكن وللأسف أخطأ " أخي في الله " وأصابت " سمو الأميرة "


فكم أخلي كمية الموية في كل كاس ؟؟ كاس إلا ربع يكفي لكل لون ؟؟
وكم ملعقة من الجيلي أحط في كل كاس ؟؟

الوصفة تقول : أن علبة الجيلي كاملة حطي لها كوب وربع ماء مغلي .




ثانيا: العلبتين اللي نفس اللون هم اللي أحطهم في أول طبقة وآخر طبقة ؟؟

هي آخر طبقة تضعيها داخل القالب .



ثالثا: وش تقصد بزبادي الفانيلا ؟؟ ماأعرفه !!

و لا أنا .

ووش أفضل شي أستخدمه الزبادي ولاقشطة الخفق ؟؟

جربي و قولي لنا . أنا أستخدمت مرة قشطة حامضية (سور كريم) و مرة قشطة خفق ، ولا حظت ان اللي عملتها بالقشطة الحامضية طلع طعمها أفضل .



رابعا: وشو الجيلي المنكه ؟؟ الجيلي العادي الي نخبره ولاشي ثاني ؟؟

الجيلي العادي اللي تخبريه . هم بالانجليزي يسمونه جيلاتين منكه ، يعني جيلاتين بنكهة (فراولة - ليمون - برتقال - الخ ) وقلت الحين لو كتبت جيلاتين اكيد راح يسألوني ويش تقصد ؟ فطتبت جيلي منكه .




خامسا: وشو رذاذ الزيت ؟؟ ووين ألاقيه في السوبر ماركات الكبيرة ؟؟ أقصد جنب أي الأصناف يكون موجود ؟؟ وأصلا وش فائدته بالطبق هذا ؟؟ بس ينحط بالقاع ؟؟

عبارة عن بخاخ زيت ، ترشيه في الصينية عشان يمنع التصاق الطعام في الصينية ، مثل الكيك والفطائر والجيلي ، وأنا حصلته في السوبر ماركت الكبير ، ويرّش على كامل القالب لكي يسهل عليكي اخراج الجيلي من القالب . وإن مالقيتي جرّبي تدهني الزيت بالفرشة بداخل القالب بشكل خفيف .

شوفي البخاخ في الصورة التالية وهو من شركة مازولا







أحس أسألتي كثيرة ومو مرتبة !!!



أسألي الله يجزاكي خير ولا يردك إلا لسانك .


بس معليش ياأبو لجين بكون معك صريحة شوي !


الله يستر


تدري ليه الطباخات ماتحمسوا كثير يسوونها ؟؟


ليه ؟!!




لأن الحريم بطبعهم يحبون الترتيب وأنت ماقصرت بس حطيت عباس على دباس

يعني صاير كلامك على بعض ! مو كأنه وصفة طبخ !

أنا كتبت الموضوع بنفس السياق اللي كتبته صاحبة الوصفة الأصلية .



ياليت تخلي أم لجين الله يحفظها تساعدك وترتب طريقة التحضير ..

يعني أولاً المقادير تحت بعضها مرقمة وموضحة "مو زي الزبادي" ..
ثم الوصفة على شكل خطوات مفصلة ..
ثم النصائح مرتبة على شكل نقاط ..

وآسفة جدا على صراحتي بس أنت صريح والصريحين يحبون الصراحة