ما يتركني أفضفض أو أشتكي
حتى لما اقول والله مرة متعبني ظهري
يصرف نظره عني ولا يشغل التلفزيون
ما يبغى يسمع مني شكوى او فضفضة

اذا تقصدون سؤال عن سبب تغيره سألته ببداية ما لاحظت
تغيره
زي ما ذكرت سألته و يحط الموضوع ان
انا مهملة نظافة البيت !
ويحلف أن الكأسة تأخذ يومين ما انشالت من مكانها
وطبعا مو صادق !

وزعل ع شنطته ليه ما شلتها من الصالة ؟ ؟
فيه أحد يخلي حامل تدف شنطة سفر ؟
لكن لأن مافيني للمشاكل شلتها وطلبت
يصنف ملابسه ايش الوسخ وايش النظيف !
وبرضه زعل ؟
ويبغى كل ملابسه مكويه !!!
أقوله اول شي احنا ساكنين جدد بالشقة
مستحيل اني أرتب البيت وارتب الملابس واكويها كمان
بدون شغالة
وبعدها حملت فطلبت منه أنه يتعاون معايا
بس يتكرم عليا و يديني ملابسه قبل
يقرر يخرج وانا اكويها طبعا رفض
كلمته ع الثياب يوديها ع الكوأي أقلها لين تنتهي
فترة الوحام لكن رفض
فالآن انا بعد ما خف وحامي شوية حرصت أن الثياب كلها
تكون مكوية لأن لو كويت ثوب يسأل عن الثاني ويهزئ
عليه !!!
شاف الثياب البيضا كلها مكويه
فتش الملون حق البرد ولقى واحد مكوي واثنين لا
قام رمى الثياب ع الأرض
ليه مرتبتها بدون كوي؟
علما انا سألته قبل عليها وقالي ما ادري عن ثياب البرد ناسيها
لأن قديمه حقت قبل البعثة
ف بس اكوي اخف واحد منهم
يعني حركة رمي الثياب استفزازية مالها داعي

وحركة التدقيق بالنظافة وانا حامل و عندي طفلة صغيرة
وفوق ذا كله رافض الشغالة رفض قاطع

يعني اقطع نفسي ولا كيف !

ع فكرة الثياب اللي رماها وزعل عليها
كويتها وشوفو لها اسبوعين
أو أكثر ما فكر يلبسها !
يعني الدعوة بس كده نكادة

شوفي حبيبتي اللي شفتيه للحين مهب دليل خيانه كامله علي فكره للحين ممكن لها تفسيرات اخرى

عموما خيانته هي خيانه لربه انتي ليس لك علاقه فيها من يخون يخون ربه
أتوقع لأنك حامل مزاجك ومشاعرك مو في احسن حالاتها وحكمك ونظرتك للامور اكيد ناقصه


فهميه ان عملك بالبيت تفضل منك وليس واجب لأنك زوجه وليست خادمه

حاولي تهدين شوي وعالجي المشكله وحده بوحدة لا تحطين كل الأمور مع بعض اكتبي اللي يضايقك منه وتكلمي معاه وتوصلو لحل يرضي الطرفين

بس حطي في بالك هناك أمور كثير ماراح تتغير بسهوله محتاجه منك صبر

الله يعينك ويسخر زوجك لك

الحبوب اللي شفتها
شفت تاريخ الفاتورة
وطلع بعد رجعته من السفرة
فقلت احسن الظن يمكن يستخدمها معايا!
وما كلمته كأني ما شفت ما ابغى احرجه
وقبل يسافر هذي المرة
شفتها قبل أخرج من البيت لأن طلبت يوديني لامي
ولاحظت أنها مكانها
لكن لما رجعت بيتي الآن اتضح لي أنه رجع للبيت
بعد دوامه بالرغم انه قالي ما حرجع
ومتغدي الأخ و أخذ الحبوب !

..
صفة ما يحبها فيا يقولي انت تناقشين وتبررين
مواقفك وهذا قلة احترام
قولي غلطانة واعتذري!!
كيف تمشي حياة بدون نقاش !!
وأنت ما تشوفين نفسك غلطانة
مثلا ع نظافة البيت
مرة بنتي أخذت غطاية قدر تلعب فيها
فيزعل ايش جايب الغطاية للغرفة
ياخي طفلة وشفتها التهت عني تركتها طالما شي ما يضرها
لا المفروض اقول صح انا غلطانة
مرة طاحت بسبيي تحفة وهو نايم بدون قصد والله
طبعا يحلف ايمان مغلظة يادوب مسك نفسه عني
لأن يتوقع كل تصرف مني مقصود وعشان انكد عليه

العيب ب تفكيره
ولا المواقف كثيرة كثيرة ع صغرها و ع أنها شي
وارد بكل بيت لكن هو يزيد يحقد ويحقد ويحقد
وتكبر بيننا
انا ارجع طبيعية بعد المواقف
لكن هو يشوف اني مهملة و سيئة وكل العيوب فيا

عموما صعب أحس أني انسانة منبوذة

انا اختلف مع كل الاعضاء
احساسي يقول زوجك مايخونك
لكن يبغى يستفزك
يتلذذ باستفزازك
ومتعمد يترك المقوي فوق الدولاب
ويظهر لك انه مسافر للخيانه
يحاول يظهر لك انه مرغوب
لانه مو حاس بهالشي معك
وردودك اكدت شكوكي
قصة الملابس وغيرها
زوجك استفزازي
وانتي شخصيه سهله الاستفزاز
انفعاليه وقرارتك سريعة
احساسي يقول لا عنده خيانات ولا شي
يحاول يترك لك اثار
يبغى يكسر فيك شي
يمكن شايفك مغروره او راغبه بتغييره
لان الرجل الخاين مو بهالغباء
يترك مقوي وشموع وخرابيط
ويظهر لزوجته شوفيني بسافر لحريم
ماعنده سالفه


حل الموضوع وكل الخلافات
قاله لك زوجك ضمن ردودك
بطلي نقاشات
وانتي مصرة
تعتقدي النقاشات تحل الخلاف
بينما بالواقع هي تعمقها وتزيدها
النقاش بتفكير المرأه بحث عن حل
بتفكير الرجل رغبه بتغييره
وعدم قناعه فيه كرجل
كل مره تناقشيه فيها تخسريه اكثر

انتي واضح مضغوطه جدا مع الحمل
ومسؤوليات البنت والبيت
وربي ابتلاك بزوج استفزازي
تحتاجي هدوء وتمشي حياتك مضبوط


الله يوفقك

الحبوب مو بمكان باين نهائيا
ربي أرسلني لها حتى ما كان فبالي افتش وراه
بالعكس لما شفتها قلت يمكن الرجال
ضاغطني بسبب انه يعاني وكذا فبدأت أعذره
و الشموع كمان حطها بعد خروجي من البيت
وقبل سفره بساعات قليلة
لكن انا رجعت وشفتها ما كان متوقع رجوعي
وكان مسافر وقتها!

اما نقاشي ترى المواضيع
تافهة مرة مرة وما أناقش إلا ابغاه يتفهم
ويحس
ونقاشي مو انه افرض راي بقدر ما هو
تبرير
مثلا ليه ما تكوين كل الملابس !!!!
اسكت وأقول أبشر طال عمرك وانا اعرف اني
ما اقدر !

المواضيع الكبيرة ما أناقش فيها
مثلا للان ماعندي مطبخ
وأغلب مواعيني مخزنة !
ومع هذا أتركه ولا أناقشه طالما شايفته
حجيب متى ما توفرت الفلوس
مرة أخذني ع اساس نشوف الدولايب لكن
انصدمت انه ما خلاني أنزل
واقوله كيف ما حشوف تصميمها ؟
قال لا مو لازم احنا بأجآر ! وسكت ومشيتها

بعدين يقولي شكلي بسوي العملية بالفلوس حقت
البيت قلت اللي تشوفه كل شي يعوض إلا الصحة

موضوع الوظيفة برضه ما ناقشت فيه !
وع شروطه جالسة ادور !


الله المستعان بس
ويكشفه لي

حبيبتي لا تقولي الله يكشفه
قولي الله يهديه
ويحفظه من شياطين الانس والجن
ويهدي سركم

برضو انا لازلت شاكه انه يخونك
تقولي ماخذ معه مقوي جنسي
المقويات ياخذها الرجال المتزوجين
واحد ضعيف جنسيا ايش جابره يخون؟!
وليه يلعب بصحته لبنت ليل؟

ترى الرجال يعرفون مضاعفات هالامور
ومايستخدمونها الا بزواج
او لامرأه متعلق فيها عاطفيا
هذا لو افترضنا انه بيستخدمها شخصيا

احتماليه انه متزوج من الخارج
هذي لازم لها ارشيف طويل
تفاصيله وملاحظاته عندك


نتوقع زوجك متزوج عليك
وحده مجهوله خارج البلد وبالسر
ليه ماعلمك؟
لانه خايف يخسرك
عامل لك حساب.. لك هيبه
لك قدر انتي واهلك عنده
وعالغالب نزوه وبتنتهي
رحتي نبشتي وراه
وحتى يأكد انه ماخانك
قال انا متزوج بالحلال من اجنبيه
كل الناس دروا
جابها للديره
عطاها نفس حقوقك بالضبط
بيت لها مثلك
مصروف لها مثلك
وصارت ضرتك بالعلن
وكسر قلبك الى يوم الدين
ايش استفدتي بالله؟
ايش الانجاز بالموضوع؟


يابنت الحلال وكلي امرك لله
دام زوجك لا يضرب ولا يكفخ خليه
ربك فوق يحاسبه
ريحي نفسك من تجميع الادله
فكري بتجهيزات ولادتك
وقدمي من الحين وظيفه
وان شاء الله تتوظفي بعد النفاس


نصحتك كأخت في الله

‏قالوا:
تسعة أعشار العقل في التغافل
‏فقال ابن حنبل:
لا، بل العقل كل العقل في التغافل


وقيل في الاثر:
‏ليس الغبيُّ بسيد في قومه
لكن سيد قومه المُتغابي

أسأل الله أن يفرج همك

و أنصحك بالصبر و التروي فالأمور لا تؤخذ بهذا الأسلوب

أنت معك طفله و حامل حماكم الله

انظري للطريق الذي يناسبك

فأمامك مفترق طرق إما التغافل كما ذكرت الأخت الفاضلة روان و قالت كلامها من واقع تجربه

و إما المواجهه

و إما ترك الموضوع لأخوك ليحل الموضوع ركزي على كلمة ( يحل )

و أنا أظن أنك ستعدين هذه المحنه بنجاح و ستكون حياتك أفضل بقدرة الله
و أسأل الله لك التوفيق

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

معك حق روان
لكن بحال انه شخص محترمني
بشخص مقدر الحياة الزوجية
لكن زوجي لا هذا ولا هذا
زوج سفري
يسهر للفجر
زوج مو شايف لي حق لا بتمشيه وسط المدينة
ولا سفر قريب
ولا إبداء رأي
ولا حتى براحة اذا مرت علي ظروف أجبرتني أقصر
وحطي تحت هذا مليون خط وخط
ايش الفايدة تعيشين مع زوج أناني !
والشهر الأخير هذا حتى ما يتقبل مني أقرب منه ؟
لاحظي انا اللي أبادر ب الحضن اذا جا وكان يتقبل
لكن الآن اشوف النفور بعيونه وأقول فترة وتعدي

وآخر شي يأخذ حبوب بسفر

ع فكرة انا لقيت ب أغراضه آخر مرة بلسم للشعر
لكن قدمت النية الحسنة وقلت يمكن لزميله !
مدري اذا فيه من الرجال يستخدمون بلسم ؟ ؟ ؟


وبالعكس ادعي ربي يريح بالي
لأن الشك قاااااااتل يا روان
وربي حتى مذاكرة لقياس ماني قادرة اذاكر