اتمنى يكون شاريني لكن الواضح انه هو انسان باااايع
وباع العشره البينا
تواصلت معه وقلت من هذه الليله قررت نرجع لحياتنا ونكون حلوين مع بعض
تعرفي ايش رد علي وصدمني وماتوقعت ان هذا الي يصير

قال : لا انا مشغول مع اصحابي ولاتجين لااليوم ولا بكره
بكيت وعجزت اتكلم لاني حسيت انو اهاني والمشكله انا طلبته نرجع لبعض قهههررررني حسبي الله عليه

آممين الله يجزاك خير

المشكله توصلت معه وياليت ماتواصلت
كرهني فيه زياده خلاص معدت اطيقه والله خلاص معاد اكلمه غير ماكلته اليوم ولا عاد اطلب منه ارجع
حسيت اني ضعيف يوم رفض ارجع حسيت بأهانه قويه بحقي والله
ليه يصدني يوم انا اقبلت علييه
ليه مايخلي اصحابه لو يوم واحد
ليه يعمل كذاااا ليه يكذب علي كثيييير
مررره نفسيتي زفت وتعبانه
وهو مستحيييل يفكر فيني حتى لو تركته شهور ،، بعد ماطلبته يتركني انبسط ووده اتركه اكثر
انا بالنسبه له اسم زوجه لا حقوق لي ولا واجبات
وحتى بالفراش يرفض الا لما انا اصر عليه
لاحول ولاقوة الابالله

الله يهديهم

انا مأكرهه لكن تعبت منه وسوالفه كرهتني فيه
انا حاولت اصلح فيه لكن عجزت اعدله ونعيش مرتاحين

تسعين مكالمه وعشرين مسج بالله عليك كيف بيفقد
هو ضامن وباصم بالعشره انك تحبينه وماتقدرين تستغنين عنه
ياختي اثقلي

__________________
استغفر الله وأتوب إليه

اخاف اقول شئ تزعلي
يمكن زوجك متزوج مسيار لان الشباب معظمهم متزوجيين هذي اليومين
سامحيني يا اختي ما ابغى اشكك فيه بس تاكدي انا بس حسيت من طريقة تصرفه حسيت كذا مدري واستغفرالله واتوب اليه اذا انا ظلمته يارب سامحني

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

والله يا أختي اللي اشوفه الحين .. انج تركزين على نفسج

لاحظي لما طنشتبه .. طرش مسج و اهتم
وحس انج ثقيلة و بايعه

لكن لما كلمج . خربتي اللي بنيتيه بالتطنيش
على طول رجعتي الاسلوب القديم

اقري حوارك معاه .. عاتبتيه على طول و قلتيله تحبني بس ليه تاركني ومطنشني
على طول .. رجعتي للاسلوب القديم وعرف من اول جملة انج شريتنه وماتستغنين عنه
وبعدها على طول قلتي .. انت حاب ارجع لك!!
ليش تخيرينه خليج ثقيلة و عطيه فرصة يتودد لج و يبذل جهد في اصلاح علاقتكم بدل ما انتي ممسكة نفسج كل المسؤولية
وبعدها قلتيله ... انا مااهمك و لا مشتاق تشوفني
يعني نفس الرسالة قاعده تاكدينها ... و تطلبين منه مشاع وعواطف .. انتي وضحتيله انك محتاجتنه .

وبعدها رديتي على طول انه خلاص بتردين وشفتي كيف رده

حبيبتي .. ادرسي وضعج عدل
ودوري شي يشغلج .. عشان تبتعدين عنه و قلبج مرتاااح
وهو من نفسه لو شارينج بيرد .

حاليا .. قالج ما بمؤ لاني مع اصحابي
خلاص خذي موقف .. انتي بظلين لعبه عنده
هو شيئين .. امساك بمعروف او تسريح باحسان

لا ترسلين اي شي ... ولو ارسل طنشي

وانتي اشغلي نفسج .. ادرسي خذي دورات .. تعلمي خياطة او مكياج او اي شي تحبينه
سيري للتحفيظ ..
لازم تلاقين لج شي يشغلج و تطلعين طاقتج فيه
ومنه تحتكين بالناس ... هالشيء وااايد بياثر فشخصيتج و تلقائي بتنحل امورج مع ريلج ان شاء لله