نسيت اقولك انتبهي اذا بتعطي الصغير قلم يرسم او يلون
تكوني جنبه و لا تخلي اقلام معه لحاله ..

والمركبات راعي انها تكون كبييييييرة .. عشان لا يبلعها لاقدر الله


واخيرا شفت في احد المحلات .. مثل الكوخ من ورق مقوى كرتون
تصلحيه و بعدين يقعدو الاهل و الطفل يلونو سوى .. ممتع للطفل
وبالنهاية يصير بيت لعبة يدخلو يلعبو داخله

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

سيدة الموقف ..

البنات ، في البداية أحذر ، ثم أكرر ، ثم أعاقب ..
هناك عيّنة ، تحتاج لتعامل خاص معها ، و عيّنة تتعاملي معهم بأسلوب ( الدرجات ) بدون صياح و لا شي ..

.
.

و الطريقة الي قلتي عليها ، طبقتها ( أول مرة مع ولدي ) ..
المشكلة الآن ، إنه ( كررها للمرة الثالثة ، و هو عااااااااااااارف حاله غلطان ) ..

و المشكلة أيضاً ، إني لقيته بيغسل الألعاب ( بالشامبو ) ،،
لإنه أخد ( مرطب الشفايف من غرفتي ) ، و لعب بها و دهن الألعاب حقته ..

و برضو ، حذرته مرتين قبل .. إنه لا يلعب بأدواتي و يخربها ..
مرة أخذ فرشاة خدود تبعي و قصقصها و خباها في شنطته ( و مع كذا ما عاقبته ) خاصمته و حذرته
و المرة الثانية برضو أخد شي ، و حذرته و هددته ..

.
.

عشان كذا ، لما جا الليل ( ندمت إني ضربته بقوة ) ..
لكن لما شفت بعدين ، إنه ماخد مرطب الشفايف و لاعب فيها كمان ( قلت يستاهل الضرب ) ..
يعني عمل غلطتين ، و الغلطتين ( حذرته مرتين من قبل ، و ما سمع كلامي ) ..

.
.

و مو علشاني ، أحذره فقط ( راح أضربك و أوريك لو كررت الشي هذا ) ..
فأتعود إني بس أهدد من غير ما أنفذ ( فأضطر المرة الثالثة إني أضربه ، عشان لا ينسى )

لإنه إذا وصل سن المراهقة ، مستحيييييييييييييييل اضربه وقتها ..

.
.

و في نفس اليوم في الليل ، كنت جالسة بالصالة و ما أكلمه و زوجي رجع من برة ..
زوجي شاف كيف المغسلة مبهدلة و عرف إنه ولدي اللي كان بيلعب و عدم الدنيا ..

خلى ولدي يغسل المغسلة ، و خلاه ينظف الأرضية الي عدمها في الصالة ..
و يمسح الدولاب اللي دهنه بالمرطب البمبي حقتي ..

جيت و سألت زوجي إيش فيه ؟
و زوجي مو داري إني بنفس اليوم خاصمت ولدي ..

زوجي قال لي ( عاقبته و خليته ينظف كل شي وسخه و عدمه )

.
.

قلت لزوجي ( خفّ عليه شوية ، لإني اليوم ضربته ضرب ، ما عمري ضربته به )

.
.

الغريب ، إنه ولدي ينظف و مبسوط و بكل نشاط ماشاء الله ..
و راح غير ملابسه و جاء يحضن أبوه و أبوه مطنشه ..
كلمت زوجي و قلت له ( دلعه شوي و امدحه ، لإنه سمع كلامك و نظف المكان ) ،
و لإني اليوم ضربته بقوة و عاقبته ..

بس بعد شوية ، ناديت ولدي و فهمته ليش أنا ضربته و عاقبته ..

.
.

و معاك حق ، المفترض ما أضربه على ظهره ..
بس فين يكون الضرب ؟

الضرب عاليد ، يعتبره ولدي ( لعب عيال و يشوفه ولاشي )


و زاوية العقاب ، اسمع عنها ( بس ما عمري جربتها )
يبغالي المرة الجاية ..

.
.

و فكرة المحفزات روووووووعة و راح تعجبه ..
و راح أبدأ بتطبيقها ..

كريستالة ..

صادقة بكلامك ..


هذا اللي لاحظته ..

.
.

جات فترة ، قلت لزوجي ( انت تعامل معاه ، أنا تعبت معاه خلاص ) ..
لما بدأ أبوه يشد معاه ، و أشيل يدي ..

صار يمشي ولدي زي الألف ..

.
.

المشكلة ، إنه زوجي عجبه الحال ( و صار يحط حرته في ولده ، و أنا بديت أنبهه )
لإني شايفة ولدي خلاص صاير كويس و يسمع الكلام و يحتاج تشجيع و مدح ..

.
.

حاسة حالي (( محتاجة فترة اجازة .. ابعد فيه عن جو المنزل ، و عن الأولاد .. بس للأسف ما أقدر : ( ))

و كويس طمنتيني ، إني طبيعية نوعاً ما ..
لإنه مثل ما قالت ( سيدة الموقف ) ، الهرمونات تبع الحمل ، لاعبة فيا لعب بجددددددددددددد ..

و ماسكة حالي قد ما أقدر ..

لو الشغالة ماهي فيه ، ما أدري إيش كان بيصير فيا و فيهم ؟؟؟؟

ما أعرف المشكلة من فين ألاقيهم أو اشتري الأشياء هذه ؟؟؟ : (

تسسسسسسلمي العمرية ..

لإني حاسة حالي ، بأوصل لمرحلة ( الجنون ) بعض الأحيان ..
من كثر ما أضغط على حالي و أعصابي ..

صاير ولدي الصغير مزعج ، و لما أركب السيارة .. بس يتحرك و يتعبني ..
ما أعرف ، إذا ( بطني بانت ) ،، إيش بيصير ؟؟؟؟

ناوية الشهر الجاي أجيب كرسي الأطفال و أحطه بالسيارة و أخليه يتعود عليه ..
لإنه يتعبني مرة بالسيارة .. و حتى بالنوم ( بدأ يصحى نص الليل من شهرين )
و يدور علي ، و يجي ينام جنبي في السرير ..

و هو نايم يحرك يده ( يدور علي ) ..

.
.

ما أعرف إيش اعمل إذا جا البيبي ؟؟؟؟

أحس ولدي هذا راح ينظلم ..
لإنه ما أخذ كفايته من الإهتمام و الدلع ، مثل أخوه الكبير ..

.
.

لكن بإذن الله ، راح أركب لولب لمدة خمس سنوات عالأقل ..

* ملاحظة سيدة الموقف /

اسلوب الدرجات ( فقط للترهيب ) ، لكن أبدا ما أنقص شي ..
بدون ما أتكلم و لاشي ، مرات أطييييل النظر .. و مرات ( بس اطلب اسمها فقط ) و ما أقول شي ..
كل موقف و كل وحدة و لها تعامل يناسبها ..

:*

فاهمتك روح ياقلبي أنتِ
والله يكون بعونك بس ماشاء الله
الله يحميك ويحرسك أنتِ قدوة
في صبرك وكفاحك وتحملك

وزي ما تجاوزتي كل أزمة مرت
بحياتك تأكدي بإذن الله راح تمر
هالفترة وتجيك بنوته قمر زيك
تضيف لبيتك نوع من الحياة والدلال
وصدقيني إذا ربي كتب لك البنت راح
تلاحظي الفرق في هدوءها وطريقة نومها
وتربيتها

البنات أريح بكثير من الأولاد
أنا بنتي ما أعاني معاها زي الولدين الله
يخليهم ويصلحهم ويهديهم

روح بالنسبة للنجوم والسلات والكورات
هذه تلاقينها في محلات إلي تبيع الأشياء
الخاصة بالمدارس وأغراض البيت والكماليات
وغالباً مكتوب عليها كل شيء بـ ريالين أو
خمسه أو عشرة
ولو في الرياض دليتك عليها فعندنا شارع
السويلم فيه أشياء كثيرة لمهرجانات المدارس
وهدايا الصغار وغيره

روح غرفتك دائماً قفليها لاتخلي الأطفال
رايحين جايين عليها
ابنائي عارفين أنها شيء محضور رغم إني
أخليها مفتوحه بس ولا واحد منهم يدخلها بدون
إذن وصارو فاهمين هالشيء ولما كانوا صغار
وما يفهموا أقفلها حتى مايخربوا لي الأغراض

وأنتِ تعودي الأماكن إلي يعبثوا الصغار فيها
ويخربوها أو فيها أمور مهمه أقفليها

الله يصلحهم لك ويهديهم
ولما ضربتيه هالمرة كان يستاهل مع إني
لا أؤيد الضرب وأهدد فيه بس لايمكن
أضرب وحتى لو وصلت درجة عظيمة من النرفزة
أكتفي بقرصة صغيرة أو مسكه جاده

يامامي منا يالأمهات مفتريات لما نعصب

__________________

سيدة الموقف

البيت هذا من يوم سكنا فيه .. و مافي مفتاح للغرفة تبعي : (
و البيت تقصدت اخده ( عشان تمشية حال ) ..
بس انه نظيف و غرفه كبيرة .. لكن قليلة و على اساس ستة اشهر و ارجع اسافر
و حتى غرفة ولدي لما جينا نقلنا .. زوجي ما جابها و كل مرة يقول بكرة
و بكرة صارت سنة و نص

فغرفة ولدي اصلا مو مهيأة ابدا للعب و لا لشئ ماعدا دولاب الملابس و الشغالة تنام فيه
و الشي هذا مزعجني .. و زوجي ما تفرق معاه ..

.
.

عشان كذا راعيت اشتري بيت ملك .. وما أأجره ..
عشان خلاص .. اهيئ لاوللدي المكان المناسب لهم ..
و اجهزه لهم ان شاءالله ..

لدرجة اني ما بأفكر حاليا في غرفتي و لا شي فيها ..
افكر في غرفة الاولاد ايش بأخلي لونها و اثاثها ..

غرفة النوم بأخليها اخرررررر شي و قبل غرفة الضيوف ههههه
خلي زوجي ينام عالارض ..

و انا لو باستنى زوجي يجهز لهم اي شي ؟
فمستحييييييل .. ولدي الكبير دحين يحزنني لما اشوفه كيف بينام ..
بس اقول بداخلي خليه شوية يشعر بحياة التقششششف ههه .. عشان يكون شخص متواضع

قالي ماما .. شوفي كيف المرتبة مقطوعة في كل مكان ..
قلتله حبيبي خلاص دحين نروح بيت جديد و نشتريلك انت و اخوك سرير و دولاب ..
و بدأ يحلم و يتخيل و يحكي لي كيف يبغى غرفته تكون و ايش الشخصية الي يحبها و يبغى دولابه يكون طويل
عشان اخوه ما يوصل لاغراضه ووووو الخ

.
.

و مادري ياسيدة اذا بأجيب بنوتة او لا ؟
وحامي و حملي مختلف احسه عن كل مرة .. لكن شفت حلم واحد تفسيره اجيب ولد و ناس فسرته اني اديب عكس ما اتمنى
الله اعلم ..

يارب يكون بصحة و عافية .. مرة شايلة هم ..

.
.

نورة .. ام يوسف

سامحيني تاخرت عليك .. كنت كتبت رد .. بس جوالي انطفى و راح الرد ..

.
.

و ترى أنا مو مررررررة مهتمة فيهم .. هذاك الاهتمام ..
زمان كنت مرة اهتم بالكبير .. بس برضو احس حالي مقصرة نوعا ما ..

أحس اني مقتنعة بفكرة .. انه الطفل لابد يتعلم كيف يعتمد على نفسه و يتعلم الاستقلال ..
فتلاقيني كل مرة بالتدريج .. أعودهم عالشي هذا ..

و اعلمهم كيف يتصرفوا في حالة غيابي عنهم ..
حتى افتكر ولدي الكبير لما كان عمره ثلاث سنوات ..

كنت مرات اروح معاه السوق .. و بعد ما اختار الاغراض .. و الاقيه مشغول شوي ..
تلاقيني اختفي شوي عن انظاره و اراقبه من بعيد ايش يسوي ؟
الاقيه يلف حوالين نفسه .. بس ما يبكي و لا يخاف ..

و دحين خلاص تعلم لما نروح مكان .. يحفظ فين نتقابل و يروح بالالعاب و يرجع ..
بس تكون عيني عليه و اهتم فيه من بعيد

.
.

القصد .. ماني مررررة مهتمة بهم و حاصرتهم باهتمامي ..
اصلا ما أحب يكون ولدي لاصق فيا مررررة ..

.
.

حتى اخر مرة اخدت ولدي لعزيمة و فيها حريم و هو اول مرة يروح لهم معايا ..
بس عادي .. اتداخل معاهم و جلس يتكلم و ياخد و يعطي مع الاطفال ..
و الحريم يسألوا .. ولد مين هذا ؟



.
.

عشان كذا حسيت بتأنيب ضمير بالفترة الاخيرة .. لاني حسيت حالي بزيادة اهملتهم ..
و انشغلتو صايرين عصبيين و انا مع الحمل ماكنت متحملتهم و مقصرة بتغذيتهم غذاء صحي .. بسبب الوحام