رجعوك للرسميه بعد طقم ذهب مايعتبر نكديه؟؟

لا أدري! .. لكن أشعر أن توقيت الطلب غلط .. ويضعكِ في موقف غير لطيف .. بغض النظر عن كونكِ رجعتِ رسمية بعد أن لبى طلبكِ أم لا.

وبصراحة لما قرأت هذه الجزئية شعرت بما يشيه الصدمة!

عزة النفس تتجلى وتكون في أوجها وقت الزعل يا عزيزتي .. حتى لو كان ذلك في صميم الحقوق وليست أمراً كمالياً كهذا.


ثم ..

أنتِ زعلتِ لما طلبكِ للفراش بدون أن يبذل الجهد الكافي لمراضاتكِ .. رغم أن هذا من أعظم حقوقه الشرعية عليكِ .. لكن عادي تطلبين ذهب والجو لا يزال مشحوناً بينكما؟!!
.
.
.
تعليقي هذا على موقف طلبكِ لسوق الذهب فقط .. ولا علاقة له بوجهة نظري في مشاكلكما والصراع الشديد بينكما.

__________________


اللهم طِيبَ الأثر .. وحُسْنَ الرحيل.

هو منكد ومنغلق على نفسه
فأنا ابادله التصرف نفسه وبس

مهره انا وصفت عزة النفس هذي انها غبيه
اساسا هو عبط وماله قيمة

بقول لك شي
بدايه زواجنا كنت اذا زعلت جاب هديه
جيت انا (وبغباااااء) عصبت مره
وقلت له لاتشتري خاطري بماديات
ولاعمرك تهديني شي وانا زعلانه
كرامتي ماتسمح اقبل هداياك وقت الزعل


وهو طبعا ما صدق خبر
وبطل تماما هالتصرف
والى اليوم ذاكر كلامي هذا
مع الوقت عرفت اني كنت غبيه
صحيح المشاعر اهم
بس المفروض اخليه يبذل جهد لارضائي
دام الكلام الحلو ثقيل على لسانه
انا انثى مو ذكر حتى اعامله بنديه
والكبرياء وعزة النفس مو بهالمواقف
اوكي ازعل وابرطم
بس مو اريح راسه من المشاوير والصرف
هذا شي وذاك شي ثاني


مدري بس كتبت له واتس اب
مشتهية تشيزكيك
وليتك تجيب شوكليت اخذه معه للعزيمة
رد: اوك

يعني انا جالسه اراضي نفسي بنفسي
دام هو مطنش ايش اسوي


بما انه عادي طلبني بقوة عين للغرفه
فما فيها شي اذا قلت ابي طقم ذهب
هو جريء ما احترم زعلي
ماقال عيب اطلب منها واحنا ماتصالحنا

طيب تطلبين وينفذ طلباتك ومنتي راضيه وش تبينه يسوي يحب رجولك عشان ترضين إسمحي لي موضوعك كله ماله داعي

__________________
الحمدلله حمدا جزيلا ...

وفاء انا اسهل من رضاي مافيه
والله لو يقول لي بموده:
ما احب اشوفك زعلانه
وحشتيني.. اشتقت لسواليفك

والله والله انسى كل شي
لكن هو يبي يحسسني ان هالشي نورمال
يسبني ويشتمني ويتركني لحد ماارضى
مو حلوه
خصوصا وهو بطبعه يوقف لي عالوحده
ولو زعلته مايرضى الا بعدها بشهور


اذا موضوعي ماله داعي اسفه
لكن الشتم والسب محد يتحمله
خصوصا اذا الطرف الثاني مطنش
يعني كأن الوضع اوكي عنده

ممكن هو يتضايق من تحسيسه إنك مستغنية عنه دا إحساس قاتل للرجل جربي تطلبي كل شي نفسك فيه مثله وتشكريه سواء في وقت رضا أو زعل على الأقل كده ما حرمت نفسك من شي تحبيه.

أقصد بالتحديد مستشار اسري رجل مثل ما وضحت لك في موضوعك السابق

__________________

صادق والله
لاحظت هالشي هاليومين
اذا طلبت منه لان وقرب اكثر
رغم ان طلباتي خساير ومشاوير
بس احس هو مستمتع
يمكن لاني زعلانه

كنت اتابع عند مستشار رجل
قبل سنه تقريبا او اكثر شوي
بعدها بديت اتابع عند امرأه
واحس فاهمتني اكثر
وماسكه عيوبي مضبوط
حتى مسأله عدم الاحتياج
حذرتني منها.. وسمعت كلامها