اول ما قراءة اسمك المستعار "الارملة السوداء" قلت اسم غريب لا يناسب انثى

لكن بعد ما قراءة الموضوع فهمت لماذا اخترتي اسم هذا العنكبوت الاسترالي السام

عموما لا املك الا الدعاء واتمنى ان تكون نصائح الاخوة مفيدة

والله يهدي زوجك

أنا ضد استخدام الأطفال كسلاح ضد الزوج

9 أشهر ، حراااااام .. بيحتاج لحضن أمه ؟؟؟؟

ما أعرف ، مخي وقف ، حزنانة على الأطفال

اختي الله يكون في عونك بصراحة موقفك شجاااع

وقوي بالعكس لازم ترمين اولادة علية عشان يحس

بالمسؤلية ويحس في قيمة وجودك بالبيت ويحس بالخطأالي يسوية

الله يسخرة لك ~

يحس بقيمتها أو ما يحس بقيمتها ،،
مو لازم يحس بقيمتها ، بس الأطفال لا ينظلموا بالطريقة هذه ..

يعني هم يتحملوا نتيجة ضعفها و سكوتها من البداية ؟؟؟؟؟

ما أبغى زوجي يشعر بقيمتي ،، و لا عمره حس بقيمتي ..
بس طفلي ما أحرمه من حضني لو إيش ما صار ..

قلنا من البداية ، اعتبريه غير موجود ،،
إيش اللي خلاه يفقد أعصابه ؟؟؟؟ إيش اللي خلاه يمد يده ؟؟؟؟
إيش قلتي له و قام عمل اللي عمله و قال اللي قاله ؟؟؟؟

قلت لك يا أختي ،، حسيتك تاخدي و تعطي معاه و تناقشيه كثير و تحققي معاه كثير
قلنا لك الأسلوب هذا يستفزه ..

ليه الأطفال دحين يتحملوا كل شئ ؟؟؟؟؟؟

روح الطير
هذا آخر حل معه و بقول لك على شوية تفاصيل يمكن تغيري رايك

الله لا يذوقك جمرة عذاب.. أدري اني قلت بصير قوية و ماراح أطلع وراح أتحمل .. لكنه تمادى من جد

أهاني بكل ما تحمل الكلمة من مرار

كنت مريضة وحرارتي مرتفعه -- و زود البلاء ضرس العقل مأذيني وزود وجعي .. كان البيبي يبكي جا شاله -- قلت له خلني بريح لي ساعه و بعدها صحيني راح خمس دقايق ورجع يصارخ أنتي هنا وش شغلتك إذا ما منك فايده قومي روحي بيت أهلك .... الخ



قلت له حرام أنا مو ناقصه هالكلام ودايما أقوله إنا ماأبيك تجرحني أكثر .. لأني أتعب . دايما أقوله أرحمني شوي.. ومن جد حالتي ماكان تسمح إني أتحمل أكثر و اتحملت

يوم ثاني الله يكفيك الشر تجيني الدوره زياده البلاء هم



ويه و ينفلب كياني طلعت بيت أبوي أمي شافت حالتي قامت .. تقول أسطوانتها

وش فيك وجهك قالب مره مخسوفه وتتوجل على حالي وزودتها شوي ... انغبنت و مسكت حالي قدامها لأنها موعارفه وش اللي فيني





روحت بيتي و هم البيبي يبكي وحالتي حاله جلست أبكي معه .. منهاره ... كان الرجال ماخذ القيلوله صحا و ماانتبهت إنه واقف قدامي و شافني ابكي ..



تخيلي وش قال



ليه ما جلستي تبكي ببيت أبوك .. مع جميع أنواع السب .. أعطيته ولده ودخلت غرفتي

وجلست أبكي من قلب قلبي

لكنه جا و تمادى بالسب و الكلام الجارح و روحي بيت أهلك إنتي وحده ما منك فايده



بعدها أخذ راسي و ضربني بالجدار و جتني دوخه و مسكت حالي بعدها أخذ العيال و طلع

و أنا نمت ... وجا ونفس الإسطوانه رايح راد وهو يسب و بكل هدوء جهزت أغراضي و أتصلت على أخوي و طلعت وقلت له خبر عيالك إني مت


مو حرام ... يصير فيني ذا كله .. زي ما قلت لك يا روح الطير ترا هذا ما يحشم أحد ولا يحترم أحد -لا أمه ولا أخوانه ولا أبوي ولا أحد أصلا .. مالي غير هالحل و أنا ما سويته من راسي هو كان بعد يقول لي روحي وفي مين يقوم فيهم
.....

راح أرجع أقول لكم وش صار ...بس ياروح الطير ماودي أحد يقول ظلمت أولادي لأن وأنا عايشه مع أبوهم هم مظلومين أنا أحترم رايك وأنا ما جيت إلا عشان آخذ رايكم أقنعيني بكلامك وإذا عندك حل هاتيه

__________________
(أمن يجيب المضطر إذا دعاه و يكشف السوء)

(لا حول ولا قوة الا بالله) ، لا تزعلي اختي من كلامنا ، احنا بس مو هاين علينا الاولاد .. لكن الظلم ما يرضي احد.. ربي يعوضك عوض الصابرين ويهدي سرك .. ويهدي هالرجال !!!

صار يرسل لي أخوه كل يوم.. عشان آخذ الأولاد ويبي يجي يشوفهم يوم ويوم لا لا زال مصمم على رايه ..

و أنا أخاف آخذهم ويصير زي ماصار من قبل آخذهم وبعدها ينط لي بمشاكل بالذات إّا انتبه إن سيارات أخواني مو موجودين يجي و يتهجم على أبوي ... وش رايكم يا جماعة الخير أنا رايي إنه يظل زي ماأهو محتاس بالأولاد ومو قادر عليهم ... على الرغم إنه كان دايما يقول لي روحي بيت أبوك وفي من يقوم فيهم ويوم رحت يبي يجيبهم لي ...

أنا من جد قلبي محروق على عيالي بس كل ماذكرت عمايله فيني قلت خلني أصبر يمكن هالصدمه توعيه يمكن وجود أولاده معه و عدم قدرته على مقابلهم تخليه يحس فيني ...

عرفت إن البارح كان البيبي نايم عند جدته وعمته .. و بعدها صحا نص الليل و مارضا يسكت .. اتصلو على ابوه يجي ياخذه مو قادرين يتحملوه .. كذا الضغط يزيد عليه وهو اليوم إجازه وبيظلو العيال طول اليوم معه وبكره عنده دوام يعني العيال بيكونو ببيت جدتهم لحد ما يجي ابوهم من العمل ..




هل موقفي صح إني راح أتحمل وهم يتحملو عشان الإنسان اللي اسمه أبوهم يصحا من تكبره وغروره
ولا آخذهم وبكذا هو راح يرتاح و تسهل عليه حياته .. ويمكن إلا أكيد إني راح أهيئ له الجو انه يخوني أكثر و يلعب أكثر ..

أنا جالسه آخذكم من سالفه لسالفه.. بس الأكيد أصحاب السوء ماراح يخلوه بحاله خاصة إن البحرين قريبه وتوه مجدد جوازه (ما عنده بطاقة جديده) .. أدري إني جالسه أرقع غلط

بس أنا جدا تعبانه



أتصلت علي بنت أخته علاقتها جدا ممتازه معي ... شجعتني على اللي جالسه أسويه وقالت لي لا تخافين على أولادك كل يوم راح أطمنك عليهم ..


نصائحكم وآرائكم ..... خذو قلبو الموجوع بعين الإعتبار

__________________
(أمن يجيب المضطر إذا دعاه و يكشف السوء)

في قصة واقعية تمشي مع حياتك اوي اعملي عليها بحث في جوجل واقريها

هي واحدة كانت في مشاكل مع جوزها ومرت بمراحل من ضمنها انها ضغطت فعلا بعيالها وسابتهم مع جوزها

اكتبي "حكاية شموخ انثى"

وهي هتطلعلك.. ميزتها انها تفصيلية بالخطوات اللي عملتها وهتعجبك وتقويكي وتساعدك على الاختيار في حياتك

في حاجة كمان .. روحي اعملي اختبار بوصة الشخصية بتاع ناعمة الهاشمي

وشوفي نمطك ونمط جوزك واعملي عليه سيرش هيفرق معاكي كتير

لأنك واضح انك مستضعفة .. وبيئة كويسة للتهديد والضرب وهو مستمتع بكدا .. في رجالة دموع المراة تخليهم يستهينوا بيها زيادة ويحتقروها ..

وده موضوع للبوصلة في المنتدى هنا

http://www.66n.com/forums/showthread.php?t=192467

__________________

أختي الفاضلة
كلامك وقولك أن الأولاد ممكن يكونوا ورقة ضغط على زوجك حتى يحس فيك ، ما أعتقد أنه راح ينفع خاصة مع زوجك الجاهل
خذي أطفالك عندك وعززيهم ولاتفكري في شئ إسمه زوجك ، ومتى ما طاح اللي في خاطره وجاء يراضيك ، أملي شروطك عليه من المحكمة ، ولو رفض قولي له إيش الحل المناسب للمشكلة؟
صدقيني زوجك ينظر للدنيا بعدم مسؤولية وفوق كذا يحاول يغطي فشله بإمتهانك و إهانتك
لو هو رجل راح يرجع لك ويطلب منك تسامحيه ، ولكن لحين ذلك الوقت خليك عند أهلك و أطفالك لازم يكونوا عندك

__________________
لا إله إلا الله محمد رسول الله

حلواية أنا قرأت الحكاية روووعة من جد .. شموخ الإنسانة الضعيفة كأنها أنا بالضبط تحكي عني من جد و لكاعة زوجها بالضبط كأنه زوجي .. عموما يارب يصبرني و أكون قوية وشكرا على مداخلتك الأكثر من رائعة


أخوي عبد العزيز .. زوجي بدأ ينهار .. أنا جدا مبسوه .. من جد مشتاقة لأولادي و مره بموت على شوفتهم.. لكن مدامه مو قادر يتحمل وكل شوي يتصل على أخوه عشان يتصل علي هههههه

أنا من أمس قلت لهم راح أفكر في انه يجيبهم ويي يشوفهم يوم ويوم لكن أنا بقرارة نفسي مستحيل أوافق .. و الثلاثة الأيام هذي أول درس راح ياخذه مني إنه الحين جالس ينتظر ردي و بعدها يجي بالرفض ... ودي أعرف وش ييصير فيه ...

أتصل علي أخوه قبل شوي وقال لي ترا الرجال مرره تعبان ومو قادر يتحمل أكثر وش قرارك قلت له بكره أرد عليك و ألحين أنا بره البيت مقدر أتكلم بعدين أكلمك
أنا تعمدت أقول له إني برا البيت عشان يقول لأخوه هالكلام يعرف إن حياتي ماشيه و إني مبسوطه أطلع و أروح ...

وهنشوف بكره وش يصير


أخ عبد العزيز رايك فوق راسي وإذا كلامي غلط و اللي أسويه غلط قول لي

__________________
(أمن يجيب المضطر إذا دعاه و يكشف السوء)