الله يسلمك ويجزاك خير ويبارك فيك يارب

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يسلمك ياذكريات وانتي اغلى اكثر واكثر وربنا يحفظ لك إبنك ويقر فيه عينك ويرزقك بره وطاعته يارب وجزاك الله خير وبارك الله فيك.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا فيك يا اوناا وحياك وانا اعتبريني أختك وابشري باللي الله يقدرني عليه انتي عزيزة وغاليه ويشهد الله اني حبيتك في الله
الله يحفظك انتي واسرتك ويسعدكم ويوفقكم لكل خير يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا فيك ياجمانه شوفي غاليتي بالنسبة لولدك يمكن انه تأثر برفقة في المدرسة يكذبون ويستخدمون الكذب على اهلهم وعلى معلمينهم وزملائهم في المدرسة

احيان يكذب الطفل خوف من عقابه على غلط ارتكبه فالخوف يحده على إنه يكذب علشان ما يتعاقب
واحيان الطفل يكذب علشان يحسن صورته بين الناس اللي حواليه
من اهله واصحابه وزملائه في المدرسة فتجدينه يقول اشياء هو
ماعملها علشان يمدحونه ويثنون على صنيعه

وفيه من يكذب انتقام يعني مثلا بينه وبين احد اخوانه او اصحابه
خلاف فيرتكب غلطة وينسبها لشخص اللي بينهم خلاف هو وياه
وينكر ويكذب انه ما ارتكب هاذا الخطأ ويصر بأنه غيره من فعل ذلك

ايضا هناك من يكذب بسبب الغيرة من احد إخوانه يعني عنده اخوان ويغار منهم يمكن ان الوالدين يفضلون طفل على الآخر ومن هنا تنشأالغيرة بينهم ويكذب الطفل اما انه يريد افساد علاقة امه وابوه بأخوه المقرب لوالديه اكثر ويريد ان يغير نظرتهم له
او انه يكذب ظنا منه بأنه بهاذا الكذب سيقترب من والديه ويحتل مكان أخيه ونظرة ابوه وامه تكون مختلفة له فيكذب علشان
يحسن صورته وعلاقته بوالديه وفي نفس الوقت ليحصل على الإهتمام والرعاية اللي يتمتع بها اخوه

وبعض الأطفال يكذب كذا في الخيال يتخيل شئ ويجلس يألف فيه ويتخيله حقيقة ويصبح مهوس اي كلام او فعل يتخيله في راسه يحوله الى امر واقعي ويصير يتكلم فيه مع امه وابوه

ويروي لهم الأحداث والتفاصيل على إنها حقيقة انه فعل كذا وصار معاه كذا ويتكلم ويوصف المواقف على اساس انها حقيقة صارت له

والطفل اكثر شئ يخليه يكذب هو الخوف من العقاب يظن في نفسه انه اذا كذب راح يتخلص من العقاب والنقد الجارح
من قبل الآخرين
ويكذب علشان زملائه واقرانه مايسخرون منه او يحقرونه وهو يبغى يثبت نفسه ووجوده بينهم ويبغى يحسسهم انه هو افضل منهم وإن هو يمتلك اشياء هما مايمتلكونها فيبدأ يكذب عليهم انا عندي في البيت لعبة كذا وابوي جاب لي كذا واحنا بنسافر مكان كذا واهلي وعدوني يجيبون لي هدية النجاح كذا ويحس بهاذا الكذب على اصحابه ان استثار غيرتهم وانه جعلهم يحسون بأنه طفل محضوض ومميز وان كل اللي يطلبه يتحقق له ويصيرون اصحابه يمدحون فيه ويحبونه وتصيربينهم تحديات في الكذب بينه وبين اصحابه تجدين كل طالب يكذب على الثاني على اساس كل واحد يبغى يبين لباقي الطلاب انه هو الأفضل والأحسن

فيكذب ويتعلم للكذب ويصبح الكذب من صفاته في البيت في المدرسة .

بقول لك عدة اشياء واتبعيها وإن شاء الله انها تجيب معاك نتيجة

اولا اجلسي معاه جلسة هادئة واثني عليه وامدحيه واسأليه ليش هو يكذب عليك وايش السبب اللي يمنعه من قول الصدق

ثانيا بعد ماتفهمي منه السبب انصحيه وعلميه ان الكذب صفة سيئة وذميمة وان ربنا مايحبها وان اللي يكذب عقابه في النار وضحي له سوء الكذب وعاقبته واعطيه امثلة وقصص عن اللي يكذبون

خوفيه بعقاب الله قولي له عقاب الله لك اشد من عقابي لك انا وابوك إذا كذبت ازرعي في نفسه الخوف من الله ومن عقاب الله

قولي له انت ابني وانا احبك واخاف عليك من النار ولا اريدك ان تكذب عليه من بعد اليوم نريد ان نفتح صفحة جديدة انا وانت
اريد منك ترك هاذي الصفة السيئة وانا اوعدك اني ما عاد اعصب عليك ولا اصارخ اذا كان هناك مايضايقك قول لي عنه ولاتخفي عني شئ حتى وإن كان هاذا الشئ غلط وخطأ أوعدك انه راح اتعامل معاك بكل تفاهم وماراح يضرك شئ

وانتي التزمي بوعدك له وحاولي انك تمسكين اعصابك اذا غلط او كذب عليك حاولي إنك تمسكين نفسك وتذكرينه بالوعد اللي بينكم ولاتعصبين عليه ولاتصارخين خليك طبيعيه مع الإشارة له بأنك مستائة من تصرفه وانه اخلف بوعده وعليه الإعتذار منك

وابوه لازم يساعدك ويوقف معاك حتى تقدرون تخلصونه من هاذي الصفة لازم انكم تتعاونون مع بعض

خلي ابوه يجلس معاه ويمدحه ويثني عليه ويسولف معاه

واجلسوا انتي وابوه والولد يكون معاكم ويحاول ابوه يحكي قصص مؤثرة عن الناس اللي تكذب وان عاقبتهم كانت سيئة
وان الكذب عادة ممقوته يتكلم وكأنه لايقصد الولد بالكلام يعني كأنه يحدث عليك انتي والولد يسمع كلامكم ونقاشكم

وبعدين اسألوه عن رأيه في اللي يكذب وايش عقاب الكذاب
عند الله
واسألوه اسئله عن مدرسته وعن زملائه وهل فيهم من يكذب بينهم في المدرسة

وخلي ابوه ينصحه بالإبتعاد عن اللي يكذبون ويفهمه ان الصديق الكذاب مايصلح ترافقه وهو يكذب

وامدحوه واثنوا عليه وعلا اي عمل ينجزه حتى لو كان بسيط

ولو مثلا صار شئ وارتكب غلط او خطأ لاتسألينه من عمل كذا

وانتي متأكده انه هو اللي مسوي الغلط ابغاك تقولين له وبكل
ثقة انا ابغى منك تقول لي الصدق من عمل كذا وانا ماراح احاسبك الا إذا كررت نفس الغلط وإذا قال لك الصدق امسكيه وقربيه منك واعطيه بوسة على راسه وقولي له ايوه الحين انت ولدي وحبيبي اللي مايكذب على امه ويطيعها ويسمع كلامها
خلاص انا سامحتك بس لا عاد تكررها وسامحتك علشان انك قلت لي الصدق لو كذبت كنت رايحة اعاقبك بس الحين تأكدت ان ولدي رجال وعند كلمته وعدني انه مايكذب واوفى بوعده لي


كمان انتي وابوه تقربوا منه وحسسوه بالأمان وارفعوا معنوياته

وامدحوه واثنوا على صنيعه وكافئيه وابتعدي عن الصياح والعصبية عليه ولاتجرحيه بالكلام
ولا تهاوشينه دايم ادعي له بالصلاح والهداية والعصبية مو اسلوب تفاهم ولا حل للمشاكل
افتحي باب الحوار والنقاش بينكم وعلميه بالصح والخطأباسلوب تحبه نفسه ولو بغيتي تسألينه عن اي شئ لاتخلين اسئلتك موجهه له وكأنه تحقيق معاه لا استخدمي رو ح الدعابة والمر ح في سؤالك له

وانتبهي انك تنتقدينه او تجرحينه بكلام او تقارنينه مع احد من إخوانه وكمان لو قال لك كلام لا تقولين له انت كذاب وتكذب

لأن هاذا الكلام بيعيده لنقطة الصفر قوي علاقتك فيه وتقربي منه خليك له أم وصديقة في نفس الوقت

وربنا يصلحه لك ويهديه ويجعله من خيرة عباده الصالحين يارب

وكمان اذا بغيتي تستفيدي اكثر فيه عندنا في المنتدى عضوة في قسم الإستشارات اسمها نور الإيمان ان شاء الله انها بتساعدك اكثر مني بإذن الله انا كان عندي مشكلة بين ابني الكبير والصغير كانوا يغارون من بعض وكل واحد يكره الثاني وشرحت حالتهم لها وماقصرت الله يجزاها خير اعطتني نصايح من ذهب واتبعتها
والحمدالله علاقتهم صارت حلوه وتغيروا بشكل كبير جدا والفضل يرجع بعد الله سبحانه وتعالى الى الأخت الفاضلة نور الإيمان

فنصيحتي لك انك تحطين لك موضوع بقسم الإستشارات بإسمها وبإذن الله اذا كانت متواجده ماراح تقصر معاك اعرفها دايما لفعل الخير سباقة الله يجزاها خير

وانا اختك واعتبريني في خدمتك متى ما احتجتي انا جنبك ان شاء الله تعالى

وربنا يصلح لك عيالك ويجعلهم لك كما تحبين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يجزاك خير وان شاءالله بطبق كلامك
بس ادعي ان الله يشفيني من العصبيه لاني اعتبرها مرض الله يشفيني منها ويشفي مرضى المسلمين

الله يشفيها من كل عله وتشوفينها دكتوره انشالله

اسأل الله ان يشفيك ويعافيك وينزل عليك الهدوء والسكينة وراحة البال واسأل الله ان يعيذك من الشيطان الرجيم من نفثه وهمزه ولمزه يارب

اختي جمانه اريد ان اسألك وقت ماتعصبين على اطفالك هل تمدين يدك عليهم وتضربينهم او ترمين عليهم من الأشياء اللي حولك لأن بعض الأوقات العصبية تحول الإنسان لشخص آخر يمكن يأذي نفسه ومن حوله وقت مايعصب بدون مايحس بنفسه

انا قبل كنت عصبيه وكنت اضرب اولادي وهم صغار وكنت في اليل لما اشوف اثار الضرب بجسدهم كنت اجلس ابكي عليهم واحس بغصة في نفسي عليهم واجلس ابوسهم وهم نايمين
كنت اضربهم بغير شعور وعلى اشياء تافهة احيان وشفت ضربي وعصبيتي عليهم غيرت سلوك اطفالي صاروا عنيفين وعدوانين
بزيادة فتلاحقت نفسي وعاهدت الله اني ما عاد اعامل اولادي بهاذي الطريقة واحاول قدر المستطاع اسيطر على نفسي واعصابي ويشهد الله اني كنت كل ليلة في آخر اليل افرش سجادتي واصلي وادعي ان الله يهديني ويصلح حالي مع اولادي وينزل رحمته ورأفته في قلبي لأرحم اولادي واشفق عليهم واحن واعطف عليهم كنت ادعوا الله بصدق واخلاص وادعوه وانا باكية راجية متذللة خاشعة والحمدالله ربي نزع العصبية والعنف اللي كنت احمله داخلي نزعا وابدلني هدوء وسكينة حتى اثناء المشاكل الحمدالله التزم الصمت وافكر بهدوء حتى الاقي حل
للمشكلة الحين بعض الأوقات تتغير فيها عندي النفسية
مثلا وقت الدورة اذا تعبت في بدايتها احس بشوية ضيقة واحب اني اعتزل وما ابغى احد يكلمني او يناقشني في اي شئ

وبعض الأوقات ما احس بهاذا الشعور الا عندما تكون دورتي بأخر ايامها يعني مرة اتعب في بدايتها ومرة في نهايتها على حسب احب اعتزل عن عيالي ولو فيه نقاش في اي موضوع اقول لهم اخروه الحين لأني لو تناقشت وحالتي النفسية تعبانه
رايحة انفعل واعصب لا كن اطلب منهم انهم يأجلون كل شئ لوقت آخر حتى عيالي الكبار صاروا لو عندهم شئ يبغونه يجون يقولون لي هاه ام سلطان اليوم رايقه ولا مزاجها متعكر
لأنه صاروا يلاحظون ان فيه ايام تمر بالشهر وانا معتزلتهم وطفشانه وما اسولف معاهم فتعودوا على انهم يفهمون اللي انا اريده منهم اجلوا النقاش لوقت آخر الا اذا كان هناك شئ مهم
طبعا لازم اناقشه معاهم

واتفق معاك العصبيه طبع مو زين ويدمرك انتي قبل مايدمر نفسية اطفالك وش نستفيد لو جلبنا لأنفسنا امراض الضغط والسكر وعقدنا نفسيات اطفالنا الطفل يتعلم كل شئ من والديه
وانا والله لما شفت اولادي وهما صغار كان عندي ولدين كانوا
كل واحد يضرب الثاني اعوذ بالله وكانه يهودي مو اخوه يضربه بعنف ولما سألتهم ليش تسون كذا كان يقول لي الكبير وهو باقي حتى ماوصل سن المدرسه انا ذاك يقول ابغى اربي اخوي مثل ما انتي تربينا انتي دايم تضربينا وانا بصير مثلك علشان اخوي يخاف مني وماعاد يمد يده على العابي قلت في نفسي صبر وبالله المستعان
جبتهم عندي وجمعتهم وكنت عندي خيزران قد قطعت جلودهم فيها ونزلتها والله ان اول ماشافوها في يدي انهم كل واحد
فيهم راح ينخش ورى اخوه خايفين لا اضربهم وكانوا يصيحون خلاص يا امي ماعاد نكررها والله انا نبطل ماعاد نتضارب كانوا يحسبون اني بضربهم فيها قلت في نفسي الله لايسامحني وين قلبي واحساسي ومشاعري يوم اني كنت اضربهم واعصب عليهم
ومسكتهم وحضنتهم وبوستهم وقلت لهم خلاص حبايبي انا وانتم
بنعقد اتفاق من اليوم ورايح ماعاد فيه ضرب ولا صياح ولا عصبيه
انا بكسر الخيزرانه الحين وبرميها قدامكم وفعلا كسرتها ورميتها
والله انهم لما كسرتها طلعوا نفس طويل من صدورهم وانا اشوفهم وكانوا فرحانين ومن هاذاك اليوم اني ابتديت ادعي الله ان يرفع عني اللي انا فيه ويصرف عني كيد الشيطان والحمدالله
تغيرت بشكل كبير في تربيتي ومعاملتي لهم واثمر الشئ اللي اعلمهم عليه واقول لهم عليه احسه اثمر وجاب لي نتيجة مرضيه ولله الحمد والشكر الحين ما اقول لك اني ما اضربهم لو ضربت
اضرب لو كرر الخطأ ثلاث مرات اول مرة اعفي واسامح يكرر الخطأ اعاقبه عقاب عملي اخليه يؤدي اي شغل في البيت لحاله
يخطئ ثالث مرة اعاقبه بالضرب على حسب غلطه بس مو ضرب عنيف ضرب تأديب احكم عليه مثلا ضربة ضربتين على حسب فداحة غلطته وما اضرب الا اذا كان غلطته كبيرة ومؤثرة
يعني اشوفها تعرضه او تعرض غيره للخطر وفيها مضرة على
نفسه وعلى اخلاقة ودينه اضرب على هاذا الأساس لاكن لو كان مجرد هواش واختلاف مع اخوانه على العاب او شئ بينهم اعلمهم بهدوء وكمان اشوف من الغلطان ويعتذر من اللي غلط بحقه واكلفه بعمل في البيت يعمله بدون مساعدة احد من اخوانه
والحمدالله تمشي الأمور على مايرام .

وربنا يصلح عيالنا وعيالكم يارب ولي بإذن الله رجعة للموضوع

علشان اوضح لك اني انا ماكنت كذا من البداية لاكن الحمدالله بعد

ماربنا استجاب لي دعوتي ووفقني والله اني صرت اخاف عليهم من نسمة الهوا وصرت متعلقة فيهم بجنون لو مرض اي طفل فيهم باليل ما اذوق النوم يروحون المدارس اجلس اعد الثواني متى يرجعون للبيت ويوم عن يوم اتعلق فيهم بزيادة الله يصلحهم ويحفظهم ويخليهم لي يارب ويخلي لك اولادك ويصلحهم ويهديهم ويحنن قلبك عليهم وربنا ينزل رحمته في قلبك على اطفالك وتكوني احن واعطف ام على اطفالها يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يجزاك خير ويسلمك يارب
عاد اما دكتورة مرة وحدة الله يسمع منك يارب
والله يحفظك ويبارك فيك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

يالللله من زمان عنك يابنت الحكمي..
اشتقت لكم كلللللكم.
قريت العنوان ومدري كيف دخلت..!
تفاجأت انك انتي..

على العموم اعتقد اني عارفه السبب بس بحاول ادخل من اللاب عشان اقدر اكتب احسن من الجوال..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

هلا وغلا بكل الحلا وعودا حميدا يا احلاهم وين الحبايب عنا احنا اشتقنا لكم اكثر كيف حال بنتك وولدك عساهم طيبين ويش القطيعة هاذي وحشتينا قوي قوي يا احلا احلاهم
وانا في انتظارك وانا اصلا قد طلعت بس لما شفت مشاركتك
رجعت لأجل خاطر عيونك يالغلا وتسلمين ياقلبي .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله