ليه من متى بنات الناس لعبه الحمدلله ان فيه جنه ونار حساب وعقاب عشان المخطي يتعاقب.

__________________
[/SIZE]

بصراحه بعد هالزمن تبيها تتولع بهواياتك ؟! انا اشوف شي حلو انه تكون فيه جوانب مشتركه ، لكن مب اي حد تقدر تغصبه تصير عنده اهتمامات ، خاصه لما الوحده تكون ام ، انا عندي امي ما خلت شي ما قرته قبل ما تتزوج لكن مب بعد ما جاها العيال خلاص ما قامت تقرى ، نفس الشي عندي بنات خالي وعمي كلهم رسامات ومن بعد الزواج خلاص محد استمر ، وحده منهم اول ما حملت قالت لمدرس الرسم انها حامل قال لها يعني هذا اخر معرض لك ، وكان على حق من بعدها ما رسمت ولا لوحه وفي خاطرها بس وقتها كله يروح على حياه الناس اللي حولها ، شفت نماذج كثيره تغيرت من بعد الزواج من قبله كانوا يحبون المناقشه على رواق لكن الحين كل شي عندهم صار سريع همهم يخلصون يومهم ويرقدون ..
الظروف تتغير وحتى لو الوحده ما عندها عيال ، ومثلا ما كانت تحب القرآءة صعب انك تخليها تحبها ، وحده من صديقاتي حاولت معاها عطيتها امتع الكتب ، تقرى اول فصل وتتعب ما تستحمل حتى لو كان الكتاب عاجبها بس هي طبيعتها ما تحب تكمل حتى لو زوجها ألف كتاب مستحيل تقراه

اخاف انك ادور عذر او عيب عشان تبرر تصرفاتك لنفسك .. والله الواحد يتزوج من دون لا يطلع عيوب زوجته ارحم من انه يدور عليها شي عقب هالزمن
والله السالفه ذكرتني بهنري الثامن ملك انجلترا طول عمره عايش مع زوجته كاترين ما عنده الا بنت وساكت مع انه ملك ولكن ما تصرف الا يوم شاف ان بولين الجميله والصغيره ، وبدت تطلع عيوب مرته القديمه وخاطر بدولته عشان المرأه الصغيره وكان يشتكي انه زوجته الاولى كبيره وما تعرف تتكلم ..
في النهايه هو كان ملك ويحق له يطالب بوريث بس طلع سوالف مالها داعي ..

في النهايه الله يهديكم بصراحه انت حسستني بأنانيه الرجال .. وخوفتني من المستقبل ..انا متزوجه والحمدلله لكن الواحد ما يعرف شلون بيكون مصيره بعد 18 سنه ..

انشالله تتقبل زوجتك على طبيعتها وتعذرها ..

سبحان الله كل شئ مسؤلية المراة كانكم ملائكة واحنا شياطين والله اعرف نساء قمة في كل شئ وتحاول ترضى زوجها بكل طريقة وتزوجها وهو يحبها ومع ذلك تزوج عليها لا لعيب فيها ولكن لرغبته في الزواج فقط ترى العيب فيكم وليس فيناوبعدين يعنى انتو مهتمين بشكلكم ولا باناقتكم كلكم كروش واهمال وساكتين وراضيين رغم اننا لنا عيون بتقولون احنا رجال وما فيه شئ يعيبنا بقولكم كذبة وصدقتوها احنا بشر ولنا عيون تشوف ومشاعر تحس، وبعدين تبون منا كل شئ الجمال والاناقة والتربية ونشارككم افكاركم وما تبون تعطون شي لا اهتمام باشكالكم ولا اناقة ولا مشاركة لنا في حياتنا وافكارنا والله قمة في الانانية ما اعظم انانيتكم بس مو ذنبكم ذنب المجتمع إلى رباكم على انكم كل شي واحنا ولا شي بس احنا انخلقنا لمتعتكم فقط كاننا الات مطلوب منا نمتعكم وبس و اذا قصرنا دورتوا على الة ثانية ٍ!!!!!!!!

الاخوان الي يقولون الاصل التعدد طيب ليش ما خلق الله لآدم إلا زوجه واحدة حواء ليش ما خلق له اكثر طالما الاصل التعدد ومع احترامي للي قالوا من ترك التعدد مع القدرة مخالف للسنة بس راية مو صحيح وما في عليه دليل من كتاب ولا سنة التعدد مباح صح واحيانا يكون سنة لكن من تركه ليس مخالفا للسنة واتحداك تجيب لي دليل من القران او السنة على كلامك والرسول صلى الله عليه وسلم لم يأذن لعلي ان يتزوج على فاطمة رضي الله عنهم ولو كان تارك التعدد مخالفا للسنة لما منعه الرسول صلى الله عليه وسلم وكثير من الصحابة ما كانو ا معددين رغم قدرتهم فهل هم مخالفين للسنة

الى كل المتداخلين الكرام ..

للأسف انقلبت المعركة بينى وبين السيدات ولا ارى مشاركا يشد من ازرى عليهن .

انتن جميعا مثل اخواتى واحترمكن واعتز بكن وبارائكن واريد منكن المزيد من المشاركات ولكن بدون تعصب وعنصرية لقبيلة النساء فكلنا نكون الكون وكلنا شركاء لنكون خلفاء الله فى الارض ونعمرها .

كونوا اكثر صراحة فىالعرض والنقاش وانظروا الى الصورة التى طرحتها كما هى بدون تحريفها . الله يجزاكم خير

احترامى وتقديرى لكك الآراء فى هذا البوست

آآآصلا من البداايه انت متحاامل على الزوجاات

بكــــــــل كلامك !!

وثانيآ انت عممت كلامك على كل الزوجات ..

واذا كانت زوجتك بهالصفات مومعناتها ..ان كل الزوجات مثلها !!!!

وللأسف انقلبت المعركة بينى وبين السيدات ولا ارى مشاركا يشد من ازرى عليهن .

8
8

لان كلامك موصحيــح ..

يمكن القــــــــــله فيها هالصفات بس مومعناتها انك تعمم !!!!

__________________

العنوووان من اساسه غلط

النساء سبب في زوغان عين الرجال !!!!!

ليه مافي شي اسمه دين ؟؟؟......اخلاق ؟؟؟

مافي رب يحااسبهم ...؟؟؟

وبعدين كل واحد زوجته موشبعتها يخووون والعكس بالنسبه لزوجها ؟؟!!

والله لونمشي على كلامك صرنا يهوود مومسلميييييين


عمومآ اللي يعرف دين الله صح يترفع عن النقاش بهالمواضيع العقيمه

اللي ما ادري وش الهدف منها الا اثارة البلبه

و,,كثرة القيل والقال

__________________

الله يكون في عون المرأة التي كل اللوم يصب عليها

أم الرجل فهو الملاك الودود الذي لا يخطأ أستغفر الله

__________________

ها ايدى
احترم مرورك ومشاركتك .

واختلف معك فيما ذهبت اليه .

ان لم نناقش مشالكنا نصبح مثل النعام التى تدفن راسها عندما ترى الصياد .

شكرا مرة اخرى على مرورك ولا داعى للانفعال

مودتى للجميع ان اتفقوا ام اختلفوا معى .