نورا الله يسعد قلبك وين ماتكوني ياررب فعلا ماانتبهت له من العجله ،،

موفقه ياغاليه .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

الحمدلله الذي أكرمني يا أختي نورة , وبلغني حتى أعود إلى هذا الموضوع وأنا حامل الآن في شهري السادس
أسأل الله أن يتمم بخير وبركة ويسر ورحمة منه .. ياكريم
بدأت أجهز وإفتكرت هالموضوع .. الله يجزاكِ كل خير يارب ويبارك لك في ذريتك
ويسهل علي وعلى كل حامل اللهم آمين
ويرزق منتظرات وعاشقات حلم الأمومة اللهم آمين ياااارب

__________________

توقيع رائـع يا أم رتودي سلمت يداك وحفظك الله .. ~

يجنن الموضوع
نوآره الله لايحرمك الأجر أستفدت منه كثير وفتح نفسي للتسوق
وأعتقد سنتر بوينت عندنا فيه كل إلي ذكرتيه

وأكتر شيء أفادني محتويات شنطة المستشفى

أدعوا لي يابنات أن الله يسهل علي تجيني حالات خوف
من الولادة أحياناً وأجلس أبكي

وما أبغى أبلغ أمي إذا رحت للولادة عشان ماتقلق وتشيل همي
وبنفس الوقت أبغاها تدعي لي..!

اقتباس:

المشاركة الأصلية كتبت بواسطة الصفح الجميل الحمدلله الذي أكرمني يا أختي نورة , وبلغني حتى أعود إلى هذا الموضوع وأنا حامل الآن في شهري السادس أسأل الله أن يتمم بخير وبركة ويسر ورحمة منه .. ياكريم بدأت أجهز وإفتكرت هالموضوع .. الله يجزاكِ كل خير يارب ويبارك لك في ذريتك ويسهل علي وعلى كل حامل اللهم آمين ويرزق منتظرات وعاشقات حلم الأمومة اللهم آمين ياااارب

بسم الله ماشاء الله تبارك الله الله يحميك و جنينك حبيبتي من كل شر

ماتتصوري فرحتي بهالخبر الحلو ياربي لك الحمد .. كنتي على بااالي
ربي يتمم حملك على خييير و ينولك شوفته البيبي بصحة و عااافية يا ارحم الراحمين
ويسعدك بضمه و شمه يااااااارب

انتبهي على نفسك حبيبتي و على تغذيتك و اهم شي السواءل
واخلصي من الاغراض الحين قبل لا تثقلي .. و استمتعي بكل لحظات الحمل
و لا تنسي تمسحي على بطنك وقراءة المعوذات و لو عندك وقت بقولك على شي حلو
انا ماقدرت اسويه لضيق وقتي

اذا عارفة جنس الجنين و عندك الاسم من الحين
خذي القماطات و البطانيات الصغار ... و خيطي عليهم لونك المفضل
وبطرف القماط طرزي اسم البيبي ...و طبعا بعد ما تستخدميها بالعافية ان شاء الله
خبيها بصندوق صغير مع اول بدلة لبسها البيبي و سوار يده الي من المستشفى
واول كفوف و اول شراب و اول قبعة واول صورة له احتفظي فيهم لغاية مايكبر ...

ربي يقومك بالسلامة حبيبتي و يرزقك ساعة ولادة سهلللللللله

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

اقتباس:

المشاركة الأصلية كتبت بواسطة jomana3 يجنن الموضوع نوآره الله لايحرمك الأجر أستفدت منه كثير وفتح نفسي للتسوق وأعتقد سنتر بوينت عندنا فيه كل إلي ذكرتيه وأكتر شيء أفادني محتويات شنطة المستشفى أدعوا لي يابنات أن الله يسهل علي تجيني حالات خوف من الولادة أحياناً وأجلس أبكي وما أبغى أبلغ أمي إذا رحت للولادة عشان ماتقلق وتشيل همي وبنفس الوقت أبغاها تدعي لي..!

جومانة ياعسل ... ايوة كدا تمام .. هذا اهم شي انه فتح نفسك عالتسوق
احلى شي لما انتي تختاري كل اشياء مولودك .. متععععععععععة ..

وبعدين تعالي هنا ايش اخاف و ما اخاف .. اتمرجلي يابنت
امزح معاك ... ستي لا تخافي كانها شكة ابرة
كل ولادة غير عن اللي قبلها .... وان شاء الله ولادتك تتسهل وتقومي بالف سلاامة
اول ولادة لي كانت الم و بهذله .. وسبحان الله الثاني اتسهلت من عنده
فلا تضيعي حلاوة ايام الحمل بالقلق .. استمتعي و خلي الولادة لوقتها لا تفكري الان فيها
وحطي ابرة الظهر كا ختيار موجود...

بالنسبة للوالدة ياختي .. اعتقد مافي مثل الام
بولادتي الاولى كانت معي اني و دوخت من خوفها علي مسكينة
خاصة مع المضاعفات الي حصلت لي و مادروا يجوني و لا يجوها

وبالثاني كانت اكثر خبرة و شجعتني
بس وجودها معي كان مطماني صراحة .. كمان بعد الولادة احب انها تكون اول وحدة بعد زوجي
يحمل المولود و احسها تفرح بهذا الشي .. تقمطهم و تحضنهم و تشمهم وتساعدني
لانه خبرك محتاجة حد يساعدك باللبس او بدخول الحمام و انتي بكرامة او بالرضاعة
و الزوج احسه مو حلو يشوف زوجته بوضعية زي كدا
فا تبقى الام اقرب في هذه المواقف
فا انتي ادرى بوالدتك الله يطول بعمرها اذا هي قد القلق قولي لها
بس اخاف تزعل لو ماكلمتيها ..

عالعموم ياستي لا تفكري من الحين خلي الامور تمشي على طبيعتها
لوقتها خير
ربي يقومك بالسلامة ياغالية و يجيب النونو بالسلامة و تفرحي بشوفته بصحة و عافية

نسيت اقولك .. من ضمن جهاز الشنطة جهزي هدية يحبها ولدك الكبير
وغلفيها و خبيها و لما تولدي ويجي يشوفك اعطيه ياها و قولي له هذه من النونو
عشان يحصل ترابط بينهم اكبر ... و انتبهي من موضوع الغييييييييييرة
الله يبارك لك فيه

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ياحياتي يانورة الله يجزاك كل خير يارب ع نصايحك الحلوة ويوفقك وين ماكنـتي

وفكرتك برضو حلوة إن شاء الله أسويها ويارب يكفيني الوقت إنتي عارف ةغير تجهيز المولود فيه تجهيز الأم النفوسة >_< والله يسهل كل شي من عنده سبحانه

وبما إنه ولادتي حتيجي بعد رمضان والعيد فما عندي إلا هالشهرين أخلص فيهم أغراضي الثقيلة

دعووواتك يالغالية واشكرك مرة ثانية حبيبتي

__________________

توقيع رائـع يا أم رتودي سلمت يداك وحفظك الله .. ~

الله يسلمك من كل شر يارب و الله يعنيك على تكميل التجهيزات ..

على فكرة .. شي ممكن يفيدك انتي و جومانة من تجربتي بالرضاعة مرتين
عيالي الاثنين .. الاول رضعته لسن السنة و نص ولحاله فطم نفسه و لا كنت ناوية اكمل عالسنتين

والثانية ماشا ءالله سنة و لسه بترضع .. فقط رضاعة و اكل و ماتعرف الصناعي

عشان ادرار الحليب .. اهم شي الماااااااااااااء الماءء الماااااااااااااااااااااااء
والجبنة .. انا من عشاق الجبنة .. تقولو فارة كل مانا فاضية اجري اكل شريحة جبنة و كاسة ماء
و فطور او عشاي لازم يتضمن ساندويتش جبنة .. و حليبي ماشاء الله يكفي البيبي مع انه اكلي
مافيه دسومات (تعرفو الاكلات التقليدية ) ماحبها و لا اكلها اصلا ...

جيت قبل فترة اقراء في كتب طب البديل (كتاب قديم )
ومكتوب فيه .. الجبنة مذوبة في الماء .. تستخدم لادرار الحليب
اتاريني بسويها بشكل فطري
فا حبيت انفعكم بهالنصيحة ..

و نصيحة تاااانية للصفح الجميل .. شوفي ياقلبي اول 3 ايام بعد الولادة
بتشوفي انه مافي حليب و كل الي يطلع مادة صفراء
هذه المادة هي افيد شي للطفل سبحانك ياربي و هذه رغم كميتها القليلة الا انها تكفيه
و تشبعه و كلها فيتامينات و كل مايحتاجه الطفل فيها ,,
فااضروري ترضعيها لطفلك ..

الشي الثاني ممكن تسمعي نصايح من الي حولك يقولوا لك اعطي البيبي حليب صناعي .. حرام
لسه ماعندك حليب .. مايشبع و من الكلام دا .. نصيييييييييييحة اخت لا تعطيه الصناعي اول اسبوع اببببدا
اذا اعطتيه بيمسك الببرونة و يكره صدرك ... لانه مص الببرونة اسهل من الصدر فاراح يستسهل الموضوع

واصلا سبحان الله الرضاعة هي محفز الحليب .. يعني كل ما تعلق بصدرك و رضع اكثر
كل ما تحفزت غدد الحليب و افرزت اكثر ..
اما اذا من البداية اعطتيه الببرونه راح يقل مصه للصدر و بالتالي الحليب ينزل خفيف او ينقطع بسرعة

عدم وجود حليب اول 3 او 4 او حتى 5 ايام طبييييييييعي لا تقلقي .. و بعدها سبحان الله يبدا بالتدفق
اهم شي الصبر الصبر الصبر ..

بعد مايتدفق الحليب و تستقر امور الرضاعة.. (بعد اسبوعين تقريبا ) ساعتها اشفطي من حليب
و اعطيه بالببرونة .. عشان يتعود عليها و مايتعبك اذا طلعتي ..
واكتفي فقط برضعة وحدة من الببرونة يوميا (خاصة قبل النوم منها يتعود عليها و منها يشبع تمام و ينام )

اخيرا . الرضاعة اول الايام تسبب جروح في حلمة الصدر
استخدمت هذا المرهم و خلال ايام راحت الجروح



و بالسلامة ياعسل ربي يكتب لك و لجمانه و لكل حامل ساعة سهله يارب
و يرزق كل عاشقات الامومة حبيباتي و كل مشتهي الذرية الصالحة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

أووه والله معلومات جديدة ومهمة يانورة ..
خصوصاً الرضاعة ماتوقعتها محتاجة كل هالمجهود والصبر
وإن شا الله بنفاسي أهتم بالماي والجبنة
الله يكتب لك بكل حرف حسنات مضاعفة اللهم آمين
جد جد أفديتني وأنا بكرية ويتيمة الأم(رحمها الله برحمته الواسعة) .. جزاك الرحمن كل خير

__________________

توقيع رائـع يا أم رتودي سلمت يداك وحفظك الله .. ~