ياناس

ياعالم


هي ماجت هنا تبي تسمع كلمة طلاق منكم

اذا ارادت الطلاق وجدته براسها ... وسمعته من الطفل الصغير الذي لايتجاوز عمره
ثلاث سنوات

المنتدى (لحل ) المشكلات

عجيب امر المنتدى في الآونه الاخيره

اذا اتى رجل يشكو زوجته ..... قالوا حرام عليك تطلقها جرب الطرق هذه .

واذا اتت زوجه تشكو زوجها وتعد مشاكل ... قالوا الباب الباب لارحمتي .

انتم تعرفون ظروفها يوم تقولون الطلاق افضل لك ؟؟!

يمكن ماتملك مال تسد حلقه فيه ان طالبها .
يمكن اهلها مايرضون لها الطلاق ومتشددين بالمسئله هذه .
يمكن تحبه وترجي من الله انه يصلحه .... وتبي حل .


لم تقل وتذكر طلاق في كلامها

فيه مشاكل اكبر من كذا واشنع .... وبالحكمه انحلت ورجعت المياه لدروبها واحسن من اول .

زوجات تغير ازواجهن بعد الصبر وصاروا حاطينهم فوق روسهم وعوضوهم .

ترى الناس ماهم مثلكم كلكم

لاتكونوا من اعوان ابليس في البحر ....
ترى الشيطان يجري في دماء الانسان ويحرك عواطفه ويغضبه

__________________


شرح الله صدر من شرح صدري بهذه الصوره

الله يوفقك..

اختي مفورض من اول ليلة تطلعين..


هذا رجال ما يتسحتق بنت محترمة مثلك..



مراهق ما عرف ايش معنى زوجة..



انتي اطلبي الطلاق.. وربي يزرقك باللي خير منه..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

هلا ساري اسفة على التاخير في الرد طبعا انا حاولت الكثير مع زوجي انه يعدل من الوضع بس طبعا لانة ضعيف شخصية واهلة مسيطرين جدا جدا واخوة الكبير هو الوحيد اللي لة الراى لين فقدت الامل انة ممكن يسوي اي شي طبعا انا محاولاتي تتحدد في ان احماي الكبير لايتلفظ علي وعلى اهلي وان اخوة اللي عندي ينزل من شقتي لان الحمو الحمو الحمو النار ووجودة عندي حرام خاصة ان البيت فاضي تحت واني ابي وقت اذاكر فية بس لاكن ماوجدت اي تجاوب لان اهل زوجي راح يقولون انت تطيع زوجتك انت وراء المرة انت خاتم طبعا انا طلبت اقل من حقوقي لو اقولك شي ماتصدق ؟؟؟اني مااقدر اطلب وجبة من مطعم الابراي اخوة الكبير وان الاكل علينا بالحسرة طبعا انا اعتقد ان هذا مخالف حتى للانسانية ولاعتقد ان لي رغبة في الرجوع؟اخوي في الله طبعا انا انسانة مطيعة ومتفهمة وهادئة في حدود وانا مااحب المشاكل واحاول دايم الاقناع اما اني غير متاثرة انا ياما بكيت وياما انقهرت وياما سحبت شنطتي الاهلي بس الحين وصلت مرحلة ان الوضع هذا هو حياتي ولاعاد تاثرت لاني وبكل صدق فقدت الامل مع احساسي انة مايبغاني ولايحبني ولايحترمني ولا مافي احد يرضاء بهذا الظلم حتى لو كان من الاهل. الاهل لهم حقوق والزوجة لها حقوق وزوجي يجهل اكثير من الحقوق ولايستطيع فعلها بسبب اهلة طبعا انا ذكرت انهم من غير قبيلت لوضح اني لااعرف هذة العائلة من قبل ولما سألنا عنهم الناس طبعا ماحطت فيهم اي عيب مادري لان الناس كل يقول مالي دخل اخاف من المشاكل لما اعيبهم في شي .امااني اتجة لاخصائي نفسي او اجتماعي اساسا انا اخصائية اجتماعية ولاكن مبتدئه وعندي بعض الرؤيا للمشكلة بس طبعا قلت اخذ رائ اغلب الناس حتى مااكون حليتها من جهه ذاتية بس في الحقيقة انا احتاج الى اخصائي نفسي وراح اروح قريبا. ونعم انا اقصد بحماي هو اخو زوجي وهو مايصلي وراعي حركات وكان مقيدني جدا في الشقة ولما مايكون عندي احد اضطر اني اقفل الباب على نفسي حتى ماختلي فية ودي افهم كيف ان الموضوع مبهم بنسبة لك؟؟؟ القرار الي توصلت فية واامل ان اجد انقد فية ؟؟؟ انا ماراح ارجع لزوجي الابشروط وهي اولا ان اخوة ينزل عند اهلة تحت ثانيا تغير اقفال الشقة لان عندهم نسخ. ثالث بيت مستقل رابعا ان ينبة على اهلة من ناحية خصوصياتي وتفتيش خامسا ان يحاول التغيير من نفسة باعطائي كل حقوقي كازوجة وان اتوظف غير كذا لايمكن ان ارجع ولان اتنازل عن اي شرط

ياقلبي

انا حتكلم بصراحه

انتِ السبب في ان حياتك صارت كذا ليش من البدايه

مارجعتي لأهلك معززه مكرمه ليش قبلتي الاهانه على نفسك

وكمان بهدلتي طفل ماله ذني ان أبوه متخلف كذا

الله يعينك ويفرج همك والله ان اعصابي انحرقت منهم حسبي الله عليهم

اهم شيء لاترجعي له مهما كان أشتري كرامتك كيف تقبلي تفكري في الموضوع حتى

هو عنده انسانه تانيه في حياته وانت عارفه من يوم زواجك يعني بدون تفكير

الغيه من حياتك وكملي دراستك وأشتغلي وربي ان شاءالله يعوضك باللي أحسن منه

يارب

أخيتي **عقد**

مشكلتك ذكرتني بمشكلة أختي وكأنك تتكلمين بلسانها ...في كل حرف وكل كلمة ...الحسرة حتي علي أنها تتكلم او تبدي مشاعرها لطفلها او تطلب سندويش من خارج المنزل ...تنام بجوعها ....ولكنها صبرت وصبرت الي أن أنفجرت ...تركت منزلهم ...فترة ...ثم أذن الله لها بالفرج ....وهي خروجهم في شقة مستقلة ....

أعتقد أن أفضل حل لمشكلتك هي ترك الشقة لاخيه والخروج في شقة مستأجرة لوحدكم ....

حتي لايتحكم أحد في حياتكم أو يعبث في خصوصياتكم ...

كان الله في عونك وفرج الله تعالي كربك

__________________

اللهم فرج همها وكشف كربها..

( كل أمتي معافى الا المجاهرون )صدق رسول الله
هذا من اول يوم جاهر بمعصيته كيف تبغي الله يعافيه
غلطتك من اول يوم تعرفيه وتنقذي نفسك وعذريتك ....
الحين اللي صار صار والله يكون بعونك انقذي ماتبقى لك من ماء الوجه

__________________

ضي النبراس2 ماعتقد ان اللي سواة انة مستضعفني لانة اول مرة اتكلم معاة حتى الملكة ما تكلمت معاة اعتقد ان السبب هو مثل ماتقولي حركات شباب او مراهقة او شوفيني تراء هذي حركة طبعا نسيت اقولكم انه كان على علاقة بوحدة وكان يبي يتزوجها بس اهلة رافضين لانها مطلقة مرتين وهي صاحبة الاسم الي داخل اللوحة بس هي الحين رجعت لطليقها واطفالها ولااعرف سبب تعاملة معي كذا هل هو انة متعلق فيها طيب هي متزوجة واللي كلمها هي صديقة وهو اكد لي كذا واكد بعد انه معاد كلمها بس انا صعب اني اصدق لاني شفت بعيني يوم دق عليها وبعد ماكد انة قطع العلاقة فيها صدقتة لاكنى مااقدر اثق فية لان اي كلمة يقولها لي مثلا انتي فيك كذا اوكذا احس ان وراها شي خاصة انه كثير السهر طبعا اني اخرج بشقة لحالي هذا عشم ابليس بالجنة بس الى مين الاجاء عشان يتكلم معاة الى مصلح اجتماعي والا امام الحي والاالمحاكم والا اهلي والااكلمة انا ولا؟؟؟؟ لان العلاقة بيننا مقطوعة من شهر والسبب بعد اهلة على العموم شكر كل من اعطاني وجهة نظرة لاني راح استفيد منها الكثير الله يعطيكم العافية

الله يفرج همك عاجلا غير اجل
تفتيش ملابسي الداخليه وهي <مستخدمه>ام زوجي تقول ابي اشوف فيها ريحه ولالا
تفتيش اغرضي الي في غرفتي وليش شريتي كذا وليش سويتي كذا تجلس تتسمعر في لكلامي وتقول ليش قلتي لولدي كذا وانا سمعتك تبكين

اخو زجي ساكن في البيت معنا وكثيرنجلس لوحدنا وحاول بشتى الطرق لاستمالتي


هذا وضعي استمر تقريبا 3 سنوات

عانيت من اكتئاب شديد واحباااااط ومالي الا وسادتي اطلع حرتي فيها والدراسه زوجي كان رافض اكمل فاكنت محجوره



لاكن الان لي8 سنوات متزوجه

ولله الحمد والمنه انا سعيده مع زوجي واهله يحبوني وكل الا شياء الي قبل راحت


زوجي عقل وصار متفهم كثير وحنون احمد ربي ليل نهار انه رزقني هذا الزوج

ام زوجي شافت وشكثر اتسوي فيني واسكت واحاول ابر فيها برغم من الي تسويه فيني صارت الحين لايمكن تتقهوى الاوانا
معاها وتمدح فيني ليل نهار <لابد الان من المشاكل >لاكن لاتقارن نهائي باول

اخو زوجي اتزوج وطلع بيت لحاله

انا احمدربي اني تمسكت بزوجي برغم ان اول زواجي ابوي حاول فيني اتطلق بس كنت احبه
وعندي طفل


مرت ايام علي احس ان حل مشكلتي مستحيله والباب مسكر

لاكن على طول ماالجئ لربي ادعيه واستغفره الاوتنفرج
حبيبتي استمرررررررري على الاستغفار والله راح تنفرج لاتقولين مافي امل خلي ثقتك بالله كبيره


فيه فرق بيني وبينك زوجي مايعرف وحده قبلي يحبها
خلي الطلاق اخر الحلول
اذا رجعتيله حاولي ماتحملين لمى تشوفين وضعك



اسال الله لك الفرج عاجلا غير اجل عاجلا غيراجل

ااااااااااااااامين

__________________
ربي هب لي من لدنك ذريه طيبه عاجلا غير اجل وكل عاشقات الامومه

آمين

يا اخى هو شخص غير امين عليها
يسكن اخيه البالغ عشرين سنه بشقتها جنب غرفتها؟!!
فان خرج الزوج كان اخوه وهى لوحدهما؟!!
هذا كلام هذا منطقى
او انه من يوم زواجها يجاهر بخيانتها اين الاحترام؟!!
وامه تفتش اغراضها وتسرق منها ما تشاء اين الامان والاحترام من كل هذا
وهى اصلا عند اهلها بهذا الوقت وطبيعى فكره الطلاق براسها وان كتبت هنا فللفضفضه
والطلاق ما احل الا لوضع مشابه لهذا