24-08-2014, 10:48 AM
|
المشاركة الأصلية كتبت بواسطة الراقية1
بالعكس الوظيفة باب غناة ورزق ومو شرط الموظفة تكون مهمله ببيتها وكذلك مو شرط العاطلة تكون قايمه ببيتها بالعكس يمكن يجي زوجها من دوامه وهي نايمه والعكس.. اهم شي ياأختي التنظيم وتوكلي على الله في كل أمورك وأستخيريه اولا واخيرا وانتي اعرف بأطباع زوجك الله يكتب لك الخيرة والصالح
 |
|
المشاركة الأصلية كتبت بواسطة ام مريمي
أفكارك ممتازة يا فاكهه ومقاربة لافكاري قبل الوظيفة ...
اذا دراستك فعلا تعبتي فيها انا اقولك خسارة انك ما تنميها وتطوري من نفسك بتخصصك بعد التخرج ،،، انا بالبداية بسبب ولادتي عفت الشغل وصدقيني صارت لي مثل الفوبيا أأجل هالموضوع واللي زاد علي بنتي متمسكة بالرضاعه الطبيعية فقققط واحس بذنب فضييع لو بس فكرت ابتعد عن بنتي وهي معتمدة علي ،،، بالنهاية مع اصرار اهلي وزوجي وهو اللي بحث لي واتصل للوظيفه وانا هههههه بس اصيح واتحلطم على الكل ..، بنتي كانت ع 6 لو 7 شهور وماشاء الله تاكل بحانب الرصاعه وفرفوشة مع الكل و اول اسبوع دوام كنت كل ساعه اتصل للوالدة واسمع صوتها وهي تلعب ولا جايبة خبري ويصوروها لي فيديو عشان يسكتوني وبعد اقل من شهر تعودنا وفوقها صرت فعلا افضل العمل ! بس انا كان خوفي الوحيد الرضاعة وتربية بنتي ..، فكان حلي الامثل هو الدوام الصباحي وهالشي فيه صعوبة مع تخصصي .. والحمدلله لقيت هالدوام .. يعني بمديك ترجعين تطبخين وتتحملي بالاطفال .. نقطة انك تشوفي نفسك على زوجك ،، لا تخافين ماراح تصير لانك راح تندمجي معاه وتتعودي وهو يتعود على ان لك راتبك الخاص وبالعكس راح تحسي بالثقة بانك تساعدي زوجك واهلك وبعدها تقدرين تحطين خطط لكم كعائلة وتتسهل امور مثل المسكن السفر وحتى توفير مستقبل للابناء فماراح يجي ببالك التفاخر واستصغار زوجك بل الانشغال بالتفكير بالمستقبل مع بعض .. انا من تجربتي اقولك هذا اللي حصل .. بالنسبة للخلافات المادية ،، زوجك وانتي اعرف وحده به فهل تظني انه انسان طماع؟ او ممكن فعلا يعمل مشاكل على فلوس؟ ... فانتي بهالحالة بتعرفي التصرف الصحبح كالمشاركة او الامتناع وكلاهما من حقك .. والله ذكرتيني يا فكوهه انا حاليا ناقلة لدوام آخر ومجبرة على المناوبات وانا حامل وعلى وجهه ولادة ورجعت لي حالة الخوف وتانيب الضمير على اللي ببطني وبنتي هههههه حتى كوابيس تجيني ... دعواتك لي يقبلوا رسالة الدوام الصباحي وربي يجبر بخاطري .... ودعواتي لك بالوظيفة اللؤ تتمنيها ياارب |
24-08-2014, 11:11 AM
24-08-2014, 11:23 AM
|
المشاركة الأصلية كتبت بواسطة فاكهة الشتاء
السلام عليكم ورحمة الله وبركاته
كيف الحال اخوتي ؟ حقيقة أمر بمرحلة عصف ذهني فيما يخص الوظيفة .. أنا باقي لي باذن الله ترم على التخرج بتفوق باذن الله تعالى ، وجميعنا نعلم أن الأرزاق بيد الله سبحانه وتعالى فأرجو استبعاد الكلام الاتي : اذا حصلتي وظيفة ! ويمكن ما تنقبلين وتوابعه !!  لأن الأجوبة في الموضوع سيترتب عليها التقديم على العمل أو لا .. وحابة أخذ راحتي بالتفكير وأهئ نفسي وزوجي لهذه الخطوة ... سؤالي فيما لو عزمت على العمل وتوفرت الوظيفة المطلوبة ! لي عدة أسئلة اسمحولي قبلها اذكر البعض ببعض ظروف حياتي :  - متزوجة بعد تجربة طلاق ولي طفلين البنت من الزواج الأول والولد من زوجي حفظه الله وكلهم يعيشون معي - زوجة وحيدة - طبيعتي عملية وعصبية في الضغوطات فقط ادعاء الكمال كذب ومثالية ويصراحة أني : - قوية على زوجي أحيانا ( في بعض النقاشات وليس كلها ) قوتي في لساني شوي مو بالأفعال  ، وبنفس الوقت أطيعه في أحيان كثيرة طلعات خرجات مصاريف علاقات الأهل...ألخ كله باذنه وما طلع عن شوره  - اساير زوجي كثير وأدعمه وتاركة له مساحة حرية كبيرة وبعد جهد جهيد وصلنا لمرحلة من التفاهم والتوافق والحمدلله  أفكر لو اشتغلت وخايفة من عدة أمور 1- أخاف من تقصيري كأم ، وبالتالي أعيش حياة قلق واحساس بالذنب ، كيف الموظفات يعوضون هذه النقطة في غيابهم عن أبنائهم ؟ جاوبوني يا موظفات أرجوكم 2- أخاف أستقوى زود على زوجي خخخخ  ؟ وعندي احساس اني ما راح أتحمل عيوبه مثل ما أنا متحملتها الحين وراح اطالبه بتغيير اسرع ! وبالتالي راح أطيّن عيشتي وعيشته ههههه  ---> 3- أخاف من الخلافات المادية بين الزوجين ويبدأ زوجي يتكل أويستطمع بزيادة أو أو أو ..... الخ رغم أني أفكر بالتعاون ولكن ليس الاتكال ؟ رغم ان زوجي مافي مؤشرات تدل على طمعه ولا هو حريص على وظيفتي انما تراك الخيار لي ، وللأمانة زوجي ما يقصر معاي ؟ أنا قنوعة وهو لو قلت أبي قال خذي - ما شاء الله تبارك الله - .. هذا بالنسبة للي مخوفني من العمل اللي يدفعني للعمل هو الاتي : - بصراحة راتب الوظيفة اللي منشنة عليها قوي   - سند مادي لي ولبنتي بالمقام الأول لان هي مالها أب يسأل فيها حبيبة قلبي ، كون ولدي وأطفالي القادمين باذن الله برعاية أبوهم الله يحفظه ويطول بعمره - أبر والديني ، ويمكن أخفف عن زوجي شوي .. - نقدر نستمتع بالحياة ونسافر ووو الخ بالتعاون بينا .gif "ge") فما رأيكم اخوتي ؟ |
24-08-2014, 11:27 AM
|
المشاركة الأصلية كتبت بواسطة فليكا
سجلت دخول عشانك و عشان حبيبة قلبك الله يحفظها ..
شوفى كل وحده بتعطيك رايها الشخصي وان الاغلبيه مهو موظفات بقولك رايي بناء على نفسي و على زميلات العمل ( كلهم زوجات وامهات ) اولا الوظيفه قدر مثلها مثل اقدارنا بالحياة . انا كنت رافضة الوظيفة كلياً وكنت اقول اذا تخرجت بجلس بالبيت و مو متوظفة لكن توظفت باراده الله مع ان الاف يبغون وظيفتى و ماسكين طابور وانا رافضة و هم يضغطون علي الى ماتوظفت .. اقولك كذا عشان اذا ماتوظفتى ماتتحسرين و ان توظفتى برضو ماتندمين ثانيا اسمى وظيفة للمراة و اصل خلقتها بالحياة ان تكون ام ترعى و تربي و تهتم وهذا المتوافق مع الفطرة وان تكون مكفولة لا كافلة . بما ان ربي انعم عليك بزوج صالح و مو مقصر و لا ماديته ضعيفة جدا و اطفال فالاولى ان تكونى معهم وانت مسؤله عنهم امام الله بتقولين مو مقصرة اقولك مستحيل مايكون فيه تقصير . استمتعى فيهم و خليهم يستمتعوا فيك اريح لكم جميعا ثالثا لا تفكري بالمستقبل و الوظيفة سلاح و غيرها من الشعارات اللى ترددها الحريم كل شي بيد الله سبحانه و بما ان زوجك رجل شهم و قائم بواجبه من النفقة المعقوله فخلاص هذا يكفى و بكره بيد الله مو بيدنا .. وان لا قدر الله احتجتي بيوم فلكل حادث حديث وقتها . اخر شي ترى الوظيفة مشكله ^_^ واشوف الزميلات اللى خايفين من غدر الزوج و يعتبرونها سلاح كل رواتبهم قروض للزوج ^_^ و ان رفضت صارت مشاكل و مشادات و بعضهن تتقرب لزوجها بمرتبها و تعطيه البطاقة و تاخذ له قرض و تهون على نفسها وتقول يبنى بيت لنا <<< طيب مو هنا برضه ممكن يخونك و يبنى البيت و يتزوج على فكره ولا وحده البيت باسمها المساكين ^_^ يعنى مافيه امان بالعكس ممكن غير الموظفة اكثر امان من الموظفة . والراتب المرتفع تدفعين ثمنه مايجي بالساهل واللى تقول المعلمات يقطعون مسافات لمدارس اخر الدنيا عشان يستفدون الراتب ترى ثلث الراتب يروح للسواق و الباقى قروض لزوجها و الباقى صرفيات الطريق ^_^ و حالتهم يرثى لها والله اللى حامل و تتحمل الطريق و اللى تنزل عليها المويا واللى مرضعه و تاركه رضيعها و اللى ام و تاركه اطفالها و بالها مشغول واللى تحمل شنطتها بساكيت لاولادها ^_^ عشان مايبكون ان راحت و تركتهم و عشان يفرحون ان جت ايش ذنب الاطفال هنا و خاصة الرضع تترك طفلها وعمره شهرين و تقول مو مقصره !! طلعت عن الموضوع بس عشان اوضح لك ان " جنة المراة بيتها " خاصة الزوجة و الام . |
24-08-2014, 08:41 PM
25-08-2014, 03:56 AM
26-08-2014, 11:57 PM
27-08-2014, 12:25 AM
|
المشاركة الأصلية كتبت بواسطة فاكهة الشتاء
ان شاء الله كوكي بفكر بكلامج فديتج ان شاء الله نفرح فيج قريب يارب وسامحيني فضفضت ولكن أشوفني هالايام مطنقرة عليه و قريبة من مرحلة الانفجار  خلني افضفض هنا لا تفلت قنبلة من هنا ولا من هنا هههههه شكرا جروح وهلا بج عندي شغالة وزوجي مو مسكين أنا مسكينة ان شاء الله بفكر في كلامج |
.jpg "poo")
27-08-2014, 04:44 AM
|
المشاركة الأصلية كتبت بواسطة غلا220
في البدايه كنت بقولك إلتزمي بقوله تعالى وقرن في بيوتكن بما اني موظفه وعن تجربه بس فكره اني اترك الوظيفه حاليا صعب تتنازلي عن مبلغ وقدره شهريا بعد ماجربتي مع انو قبل ماشيه اموري بدون ذا الراتب
بس بعد ماقرأت كلامك الاخير خصوصا لماذكرتي بنتك وبرك لوالديك فالوظيفه بتكون مثل التضحيه مشانهم وكلام ايمان عن الوظيفه بالجامعه احسه افضل شئ للمرأه اذا فعلا ساعات العمل اقل |
|
المشاركة الأصلية كتبت بواسطة *الدانه*
اذا كان لك دخل شهري او سنوي يعني امورك الماديى تمام اترك الوظيفة من اجل بيتك اطفالك
اما اذا كنتي محتاجة وليس لك دخل فالوظيفة سلاح لك ومعين بعد الله ولكن لها سلبيات اهمها اولادك استخيري اعانك الله وكتب لك الخيرة في امرك |
|
المشاركة الأصلية كتبت بواسطة o بوفارديا o
انا موظفة لكن اريد افيدك بنقطة وكان نفسي ارد على اسئلتك لكن انا جديدة جدا على الزواج لم اكمل شهرا ما جربت زواج وعمل
لكن افيدك من ناحية العصبية وقوة الشخصية انا كذلك ويمكن اسوأ ولو تلاحظي كنت قبل حتى اقفل مواضيعي بسرعة في المنتدى افيدك انك لن تكوني كذلك بهذه العصبية وقوة الشخصية في البيت لا سيكون الامر عادي يعني انا ارجع للبيت بالعكس اضحك واسولف ويمضي اليوم مثل ما هو واعامل اللي عندي افضل معاملة فلا تخافي انك بتصيري عصبية وشخصية على زوجك واذا رجعت لعملي في حياتي الان سوف افيدك لكن لفترة اطول سأعود ... ربي يختار لك الافضل |
|
المشاركة الأصلية كتبت بواسطة لؤلؤة الصباح
اللي يخلينا يالموظفات نتردد بترك الوظيفة هو الراتب لأننا نكون خلاص تعودنا على نمط حياة معين صعب نتخلى عنه
أنا أم وموظفة من قبل اتزوج فتعودت على صرف معين زوجي مارح يقدر عليه واظن حتى لو اقلل مصروفاتي برضو راتب زوجي لوحده مابيكفي ومن ناحية ثانية وهي الأهم أنا مطمئنة على ابني لأنه مع والدتي لما عرضت الفكرة على أمي انها تراعي الولد بفترة غيابي رحبت كثير بالفكرة لأنها تحب الأطفال وتعتني فيه أفضل مني بعد نجي لك أول حاجة عندك مكان ثقة تحطين فيه ابنك. لاتقولين شغالة اذا نعم اختاري وظيفة مو متعبة وساعات دوامها قليل مثل مااقترحت ايمان مثلا |
|
المشاركة الأصلية كتبت بواسطة سديم الذكريات14
الله يرزقك ويرزق بنتي وبنات المسلمين الووظيفه لها 7 سنوات واختبرت قياس الكفايات ونجحت ول تتعين حسبي الله ونعم الوكيل
|
27-08-2014, 06:23 AM
و وإكرام الآخرين 
التفكير سيقل جدا بسبب الإنشغال الدائم والمشاكل بين الزوجين 
.. بدل قال زوجي او فعل طفلي ...!
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
