غاليتي عزيز نفسي فديت قلبك على تواجدك ونصايحك

مشكورة

__________________
سبحان الله وبحمده سبحان الله العظيم

عزيزتي انوسه مشكلتك ذات جانبين اثنين
الجانب الاول طريقة تعامل زوجك معاك
الثاني الذريه
بالنسبه للجانب الاول لا تحطين اللوم عليك لانه الزوج الغامض موجود واستمرار غموضه مو دليل على فشل الزوجه هذي شخصيات وطبايع بعضها يكون قابل للتغيير والتعديل والبعض لا يقبل
هالجانب موجود عند زوجي غامض جدا والاصعب انه يحب يعيش المشاعر بشكل داخلي ذاتي يسعد مع نفسه ويحزن مع نفسه ما يبين شي كانه مومياء صامته له عالم خاص مايحب احد يتدخل فيه
حاولت اغيره بكل الطرق ولما ما نجحت ما لمت نفسي قلت هذي طبيعته وطنشت
مافي شخص يستاهل انك تهزين ثقتك بنفسك عشانه
الجانب الثاني اللي هو الذريه شي بيد الله
كل ما عليك انك تقنعينه ياجل فكرة الزواج ويتقرب لله معاك بالدعاء والصدقه والاستغفار وانتم الحمدلله ماعندكم مشكله تمنع
وحده من قريباتي نفس وضعكم الا انه السبب منها الدكاتره اعطوها امل وواحد منهم قال لها بالحرف انتي مستحيل تخلفين
والتزمت قيام الليل بسورة البقره ورزقها الله باطفال ما شاءالله الله يحفظهم ويجعلهم قرة عين لهم
اما في حال صمم زوجك على الزواج خليه يتزوج وشوفي اش يصير في الجانبين السابقين بعد زواجه تعامله معاك كيف وجانب الخلفه كيف وعلى اساسه تحكمين وتقررين اما الانفصال لو التغيير سلبي او البقاء لو التغيير ايجابي
اتمنى اكون افدتك والله يكتب لك اللي فيه الخير والسعاده وصلاح الدارين

__________________