ام لينو + نجد فارس = جزاكم الله خيرا

وأسفة جدا اني طولت عليكم

لي كم يوم ما دخلت المنتدى

أسأل الله العظيم ان يصلح ما بيني وبينه

اليوم غصب عني وبلا سابق إشعار كلمته عن العلاج

( طبعا عندي موعد الاسبوع القادم عند مستشفى حكومي بس والله مواعيدهم متبااااااعدة جدا جدا...و ما يعطوني علاج إلا وقد تغيرت نتجية تحاليلي .. الهرمونات تختلف من شهر لشهر.. الله يعين والله غصب اروح لهم بس وش أسوي )

المهم علشان هذا الموعد

قلت لزوجي

يوم الاثنين عندي موعد في المستشفى العسكري..

قالي ما هو لازم تروحي

قلت ليش ..

قال هم خراطين و علاجاتهم خرطي ومواعيدهم طويييييييييلة

المهم انا قلت لأ لازم أروح

و إلا اصلا كان المفروض اتعالج في مستشفى خاص علشان يسرعون في المواعيد

شف كم لنا سنة متأخرين ( للي ما يعرفني لنا 12 سنة )

المهم زوجي عصب ولحد الحين باقي مبوز


و قال والله ما اروح مستوصف خاص لو ما عاد عقلي معي

طبعا هو قالي ان انتي تبغي تنكدي علي

انا والله ما ابي انكد عليه و قد وعدتكم اني ما رح اتكلم في هالموضوع

بس سبحان الله لما ذكرته بالموعد علشان ما ينساه .. انجرت هالسالفة جر

الله يعين ولا يضيع تعبي ويهدي لي زوجي و يبعد عنا كيد الشيطان

المهم انا تحطمت بصراحة

حتى هو رفض يكشف ويعالج نفسه

انا قلت بجمع فلوس علشان ابيه هو يكشف لآن الدكاترة قالوا له يكشف


ياااااارب لك الحمد

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

كيفك يالغلا
ان شاء الله ربي يهديلك زوجك
حبيبتي ابد لا تثقي برجل لو تموتي فيه , و اجاوبك اي هو ممكن يستغني عنك ووالله ينساك ذول رجال
احنا ماننسا و هم ينسون و القصص عندك كثير
ثم اعتقد انه اكثر منك من ناحية الانجاب وده فيه , لكن يكابر و امكانياته ماتسمح بالعلاج الطويل و المكلف , أو الزواج
او انه خايف من هالخطوة و ربما شيء أخر كان يكون سبق و كشف او شاكك بنفسه
فعلا انتي بحاجه للعلاج , حاولي توفرين و تصرفين على علاجك
ثقي بالله و ان الله معك و انه القادر يشفيك و يرزقك و انتي ببيتك
حبيبتي حاولي بالحسنى مع زوجك و اذا رفض خلاص انسي الموضوع و اجبري نفسك على نسيانه يمكن لك فيه خير و انتي ماتدرين
عالجي نفسك بنفسك و دواك القرأن و الدعاء و احتسبي الاجر عند الله
ارضي زوجك دامك تحبينه و تسامحينه على طول و احتسبي رضاه عند الله و انك أثرتي رضاه على رغبتك في العلاج فهو لايملك العلاج او الانجاب هو فقط وسيله لذلك
احمدي الله انه مايذكر لك الانجاب , كان زاد الهم اضعاف مضاعفه عليك شفتي كيف الله يحبك ما عطاك الذريه و اعطاك الزوج الصابر
عيشي حياتك و ارضي بنصيبك فمن رضي له الرضا و من سخط له السخط
دعواتك لي

حبيبتي غلا قد أكون من أكثر المحطمين لك أكيد صح

بس هذا من حبي لك

مدري يجوز زوجك كشف ولقى العيب فيه علشان كيذا يشعر بهذه الحالات

يعني يشعر انه هالشي سعادتك وهو مايقدر يلبيه لك وشعور بالنقص يخالجه

قد اكون متأثره بكونان المحقق الذكي

الأميرة فيونا + ليتني اسلى

اشكركم من اعماق قلبي الجريح


اختي ليتني اسلى... قلت لكم ان زوجي كشف قبل حوالي اربع سنوات ما كان عنده إلا لزوجة في السائل بسسسسسس

والزوجة سهلة بناء على كلام الدكتورة والعدد عنده كان 22 مليون ( اقل شيء للحمل هو 20 مليون ) ان شاء الله انه ما نقص

بس اذا كان تقصدون انه سوى في خلال الأربع سنوات تحليل وانا ما ادري فمستحييييييييييييييييييييييييل اعرفه عاجنته وخابزته ( خبرة 12 سنة ) هو ما يروح الا اذا قلت له انا

لأنه غير مباااااااااااااااااااااااااااالي تعرفون معنى غير مبااااااااااااالي

يعني جو الأطفال ولا ما جو عااااااااادي عنده

يقول خلينا كذا مرتاحين شوفي فلان كيف مرتاح وقدر يجمع فلوس و بيتكم كبير وحلو

المصيبة اننا لا جمعنا فلوس لا للعلاج ولا للبيت ..

آآآآآآآآآآآآآآآآآآآآآآه

الحمد لله على كل حال

اللهم ارزقني الصبر

اللهم صبرني

اللهم ارزقني يا ارحم الراحمين

اللهم اشكو إليك ضعف قوتي وقلة حيلتي وهواني على الناس انت رب المستضعفين وانت ربي

لا حول لي ولا قوة إلا بك

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

اسمعي حبيبتي غلاووي خلك من كلام زوجك فيه شئ اسمه عقل طبعا غايب عنك لانك متيمه بهاليحبط ويكسر خاطرك

حبيبتي المرأه دافعها من الانجاب سبب واحد وهو غريزة الامومه

لكن الرجل لها ألف دافع

زوجك حبيبتي المفروض هو اللي يطامر ورى المستشفيات

ياحبيبتي هذا شئ يمس رجولته وكثير من الرجال يقولك انا ماني شاعر اني رجل لانه بس تأخر كم شهر بالانجاب

وهذا 12سنه وياليته عن ايمان سكوته كان سكتنا

انا زوجي ممل مايقدر يجلس ساعه مع عياله ودائما يتذمر من لعبهم وهواشهم وتزوج علي وماكمل الاكم شهر وتحمل زوجته

مع العلم انه كان حارمني من الخلفه يقول مابي عيال

ويوم سالته ليش تخليها تحمل قال تبين الناس تقول اني عجزت مافيني شده والايقولون ماهو رجال وهو مخلف والحمدلله

حبيبتي حب من طرف واحد ماينفع كذلك رغبه من طرف لايمكن أن تتحقق

كل ما أنصحك فيه فوضي أمرك لله ولاعاد تذكرين له الخلف مره ثانيه ولاعاد تطبين مستشفى نهائيا

انت ماقصرتي وزوجك خليه هو كل أبنائك غير حياتك كلها صدقيني حين يشعر أنه غايه وليست وسيله سيبدأ يبحث
معك على العلاج

ومثل ماقلتلك أنت ماقصرتي ولم تتواكلي وارضي بكتبته ولاتعدين كم سنه متزوجه لا أعتبري نفسك

انك من الان عروسه وربي لن يضيع صبرك وتقربي لزوجك أكثر لعل مابه انه لايشعر بقيمته الحقيقيه عندك الا اذا تناسيتي الخلفه

دعوات اخر الليل بثي حزنك وهمك لله وحده وزوجك دعيه ان الله كاتب لك ذريه صدقيني بدون سبب ولاجهد سيتمم الله لك هالشئ

وربي يسعدك ومالك الا الصبر وكلمه قد تؤلمك ولكن لابد أن نفيق ونستمتع بأشياء قد لانشعر بها

حبيبتي غلا لوفرضنا انك رأيتي ما كتب لك وأنك ستعيشين هكذا بدون ذريه فما سيكون عليه وضعك
جوابك هو مطلبي هو ما أوصيك فيه

الله يوفقك ويصبرك حبيبتي ويكتب لك اللي فيه الخير