معليش يا أخي وش اللي تدخل شات صوتي وتكلم واحد مدري إيش !!
وش سالفتك أنت ؟!
أنت زوج ولّا تمثال ...
والرومنسيات والحب ماهو بالطريقة هذي ؟!
خلك ثقيل خلك رزين خلك رجل حاااازم ..
أول حاجة بيتك لايكون من زجاج ... مشاكلك ماتطلع من البيت وماأحد له شغل في حياتك أنت حر ..
تدري كيف أنت حر ...
ماأحد له علاقة ...
والشغالة المفروض ماجبتها مادام هي متعافية وماعندها أطفال كثار ..
بس مادام صار اللي صار لازم تكون الشغالة مسؤولياتها محددة وحقوقك بالبيت خذها كاملة من زوجتك ...
يعني تعاملك لابد يكون مباشر مع زوجتك مو مع الشغالة ...

الشي الثاني لازم (تقسى) على زوجتك أكثر مادام هي وصلت للمرحلة هذي ، اتركها بالبيت واطلع كثير ..
وابعد عنها وسائل الاتصال ..
اقطع النت قطع تاااااام ...
رااااقب اتصالها وخل شحنها دايم قليل ... مثلاً 10 ريالات كل خمس أيام وتخب عليها ...
اطلع من البيت أوقات كثيرة .. وإذا رجعت خلك ثقيل ، مهو تصير مخفة ...!
أدري كلامي قوي بس أنت وصلتها لمرحلة قوية مرررة ماينفع فيها اللين....
ضيّق عليها بروحاتها خارج المنزل ... أهلها مرة بالاسبوع كفاية وغير كذا المناسبات الضرورية وبس ..
إضغط عليها إكتمها ...
ولاتقصر في حقوقها الخاصة ...

شخصيتك لازم تتغير العيب ماهو فيها كثر ماهو فيك أنت ...


بعد فترة من تغير شخصيتك ان شاءالله تتحسن الامور ...
وحتى إذا قالت لك تبغى طلاق وماادري إيش قل لها أنك تتمنى تطلقها والفكّة منها بس أنت تبي تصبر لين يكبرون العيال...

أما سفرة دبي هذي ماأدري وش الهدف منها .. إمرأة عايشة معك بالاسلوب هذا ماتستاهل ... وقفها عند حدودها أول ...


الله يهديك ويهدينا ويهدي شباب المسلمين ...

والله اللي افكر فيه اني رآح اسافر ح اشوووفه بعد كذا عليها رآح اتركها الله يستر عليها علما اني رآح اسافر بعد ماارجع من دبي
الى امريكا رآح ابعد سنه كامله وابرجع ادور لي زوجه ثانيه والا مااتزوج من اساسه

أخي المنهار
لعلك تبني حياتك من جديد وفي ضوء خبرتك الجديدة من الحياة
وأول شي هو تعديل اسمك هنا من المنهار إلى اسم يدل على التفاؤل والأمل بالله
ولعل فيما يلي ما يساعدك على ذلك:
- لا تبني على كلامها موقفك منها فكما قلت هي تحتاج إلى تعليم وخبره.
- كن لها في العاطفة والفعل أفضل من الاردني وغيره
- أعطها الثقة وافرض ثقتك فيها
- لا تجعل بينك وبينها أحد.
- كن معها قوياً في التمسك بحبك لها ولا تردد من أجل ابني ومن أجل أني أرحمها حتى من نفسها وهو وإن كان واقعاً ولكن ردد سأتمسك بك مهما كانت الظروف لأني أحبك أنت بذاتك.
- علمها أن حديثها للناس عما يجري بينكم هو ما سبب لكم كل هذا العناء وأن إغلاق هذا المسلسل والاستمتاع به بينكما فقط هو خير علاج بعد الله.
وكما قال الإخوة والاخوات
في الرقية والاستغفار والذكر وقارءة القرآن الكريم
أسأل الله العلي العظيم أن يجمع بينكم في خير

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

الله يعدك اخوووي والله كلامك يريح

تفكر تطلقها ؟؟

ابدا ماتوقعت انك تفكرك هيك خصوصا انك بتحبها

__________________

والله يااختي طفشت من التفكير والهموووم ووجع الراس وهي ولا همها يعني تحب نفسها بزيآده
وانا اللي افكر واتعب واسووي رومنسيات وفي الاخير القى كلام يجرح ويوجع الراس ليه المعامله ذي

لا تستعجل يمكن عندها عين او حسد..

تحبها وتحبك وتزوجتوا عن حب ومصير هذا الحب الطلاق
استخير وفكر الف مره ان كانت زوجتك تابت ابعد الشك وان كانت تريد ان تبعد عنك قليلا عطها فرصه
لا اجد مبرر قوي للطلاق

__________________

لا اله الا انت سبحانك اني كنت من الظالمين

كلام سليم


أخي منهآآآآآآر أبعد فكرة الطلاق من رآسك

وأبدأ بالحلول صدقني بتتغير حياتك