اقتباس:
المشاركة الأصلية كتبت بواسطة ناآاني
قال نعم وانا غلطتوانتي كذلك ابيك تسامحيني والله يعوضني وحده تسعدني ويعوضك واحد يسعدك
قلت له الله يوفقك وانا مسامحتك باطن الدنيا واخرها
قال توصلك ورقتك من المحكمه
لحظة فراق تعور القلب
ماعليه ياقلبي
كلنا حياتنا الزوجيه على كف عفريت ولاوحده فينا ضامنه استمرارها من عدمه
لكن اللي يحز بالنفس اذا تم الفراق والقلوب مازالت تنبض بحب
الله يعوضج خير
سؤال وبصراحه
منتي متحسفه يعني ما لمتي نفسك؟؟!!
وسؤال ثاني لما قلتي هالجمله كنتي تبكين او متماسكه؟؟!!
|
لا ياعوني ماني متحسفه لاني ماجلست متكتفه بل بذلت جميع الاسباب
وكان لازم اتصل عليه ابي يبرد بخاطري انو انهيناها صح
لا مابكيت ولكن بان على صوتي التاثر.
والحمد لله
واهله والله احبهم كثير كثير
وبخاطري ادري متاثرين ارسلتلهم رسايل امس
ابوه امه واخواته
قلتلهم الحمد لله منشي الايام والشهور ومفني الاعوام والدهور المتفرد بتقدير الاقدار وتصريف الامور يعلم خائنة الاعين وماتخفي الصدور..الحمد لله فله مااخذ وله مااعطا..لاتزعلون علي ولاتتكدر خواطركم..انا وياه وجدنا راحتناولو بالامكان قبلت راسه وشكرته.الله يوفقه ويعوضه خير ويرزقه اللي يتمناها..والله يعطيني على قد هالنيه الطاهره. ودعتكم الله
((ادري حز بخواطرهم فراقي))
وارسلوا لي اخواته انتي حبيبتنا واختنا,ووو,,وو
وابوه اليوم الفجر ارسلي رساله عورت قلبي
يقول بما مضمونها
ابنتي الغاليه(...)
والله اني حزين حزين لما الت اليه الاوضاع وتمنيت اخسر كل شي في سبيل ينصلح هالزواج لكن قدر الله وما شاء فعل.
ورسالتك ان دلت على شي على ادبك الجم وحسن خلقك وحسن تربيتة الوالد والوالده لك الله يمدهم بالصحه والسعاده والله يعوضك خير من ابني(...)
وانتي بنتنا والله اني اشوفك مثل اخواتك (يقصد بناته) وابدا" ماراح يتغير شعورنا تجاهك
وكلام كثير عورني قلبي...
((اهلي واهله صداقة عمر تمتد الى اكثر من ثلاثين سنه في ارض الغربه,,واخواته والله ما اشوفهم الا اخواتي وتربية بالغربه بينهم..يعني علاقتنا تتعدى حدود النسب..ولكن عشاني وعشانهم لازم اختفي من حياتهم للافضل))
وبدت تتسرب باواسط عايلتنا موضوع الانفصال
وسبحان الله الكل الكل يقول كنا متحسفين انك اخذتي هالرجال
قلت لا هذا نصيبي والحمد لله وان قصر
انا ياجماعة الخير لا ادعي المثاليه بس مااجمل انك تترك ذكرى حلوه عند ناس كانت تربطك بهم روابط صله قويه اخترت ان انهي الامور بود وحب واحترام وهذا المفروض بين اثنين قضوا ايام وليالي تحت صقف واحد
والله يعوض علي ويعوض عليه.