طمنينا عليك غاليتي

نعم اخذ نقوده ولم يشفي ذلك غليله وتوعدني بتاجير الشقة ولم يشفي غليله ثم توعدني بانه سيسكن وانا التي اخرج وليت ذلك يشفي غليله والله لن يرتاح ولن يعرف طعم السعادة والراحة والهناء ... باختصار لانه ظالم

انا يااختي ام يوسف لن ادافع عن حقي انا ساطلب من الله ان ينصفني منه ويرد لي حقي في الدنيا والاخرة
اما النقود التي اعطاني اياها واستردها بكل وقاحة وقلة مروءة فأسال الله تعالى بعزته وجلاله أن يجعله يصرفها واضعافها على صحته ولايشفى بعدها

اختي مكلومة تعرفين ليه خليته يقرأ الموضوع لانه ومع كل الاعمال التي يعملها يظن انه اذكى رجل وافضل من خلق الله ولايرى ان اعماله فيها خطأ او تقصير وكل عمل يعمله عنده في نفسه الف تبرير له ومتاكد في نفسه ان ماعمل الا الصح وانه افضل رجل عند الله وان الله قد كتب له الفردوس الاعلى من الجنة .... والله لا اظلمه هذا تفكيره عن نفسه فاردت ان اجعله يرى نفسه في اعين الناس لانه لايصدقني فيما اقول عنه ولايصدق اهلي فهنا لن يجاملني احد ولن يقف في صفي احد لاني لااعرفهم ولايعرفونني وسيقولون الحق وهو متقبل القراءة والمناقشة وهذا امر حسن منه.
واضرب لك مثال بقضية الخادمة عندما فعل فعلته لم يكن هناك أي تانيب ضمير في نفسه بل يرى انه مافعل الا الصح عشان يحافظ على نفسه من الحرام وبل ان يخبرني بسوء خلق الخادمه معه سلك هذا الطريق الملوي لانه اقرب لهواه وبالرغم من انني اخبرته كثيرا ان الخادمة متزوجه وانني لايمكن ان احضر خادمة غير متزوجة ولكن ادعى انه عقد عليها وبشهود وبدون ولي وعاش في حلمه هذا اكثر من شهر حتى كشفته وهو معتقد قمة الاعتقاد بان الخادمة زوجته على سنة الله ورسوله وانه يعيش بين زوجتين ودون ادنى تانيب ضمير .
ولاتظنين ان زوجي رجل جاهل بل هو يحمل اعلى الشهادات العلمية وقد درس في الدين وتعلم على ايدي مشايخ كبار ولكن يمرق من الدين كما يمرق السهم من الرمية اسال الله ان يلهمه صوابه وان يعود لرشده

والله إني أدعو لك من كل ذرات قلبي أن يفرج الله همك ويعوضك خيرا
حبيتي الدنيار دار كدر وبلاء وابتلاء والله تعالى قال بأن اﻹنسان سيعيش في كبد
والفائز بجنان عرضها السماوات واﻷرض هو الصابر...
فاصبري واثبتي ولن يضيعك من خلقك،،
كم وددت غاليتي أن لا تدعي على زوجك،،إن لم تقدري على مسامحته فاتركيه لرب البشر
يريك فيه عجائب قدرته...
وإن استطعت تسامحيه فاﻷجر أكبر وأعظم..ولا يكلف الله نفسا إلا وسعها.

أهم شيء لاتضغطي على نفسك

أدرسي الأمور وسوي اللي يريحك

اللي مثل عينة زوجك بيطير حرمته أول شهر ، وبعدين يمل منها ويدور من جديد ، لأنه واضح شهواته اللي تسيره ..

__________________

دامه يقرا كل الردود ويتهم العالم بالظلال والله ما الضال الا هو
ثاني شى تبي تتركي له البيت خلي له عياله يربيهم مع المحروسة الجديدة
ويعرف ان الله حق
يعني يا تقبل تسكنها فوقها يا تجيبها بالقوة
ليش ماتحترم مشاعر زوجتك دام ههذه رغبتها لا تجرحها رح تزوج ولا سوي الي تبيه بس يكفي جروح
اقطع يدي اذا بتعدل حتى لو تتزوج اربع وتسكنهم بشقة وحدة
والايام بينا يازوجها

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

هلا اختي سكر فعلا زوجي تحكمه شهواته مايراعي الله في تصرفاته واذا كان الحق له على طول يذكر لك الاحاديث والايات والادلة على انه محق اما اذا الحق علية يتملص ولاكانه سوى شئ بس الله يهديه لنفسه

هلا اختي لمسة غروب
هو فعلا يتهم كل الناس بالضلال ويقول مافي احد صالح ومافي ناس صادقة الا هو
فعلا انا لو تركت البيت ماراح اشيل عيالي واخليه هو مرتاح لا بخليه يبتلش بهم
ولو جابهم لي عند امي لارجعهم لانه انا من حقي اني اشوف حياتي كمان
بالنسبة للسكن فوق والله العظيم اني ماسكنت في بيتنا الحالي الا وانا شارطة انه
مايسكن معي ضرة وبشهادة ابي على كلامه وهذا الكلام من خمس سنين اول مااشترى البيت
وكان يقول خلاص شقتين لك ولضرتك ووافق على شرطي وابي شاهد عليه ولاهمه كلامه
وصار كل مايسوي شي في شقتي يروح يسوي في الشقة الثانية زيه يعني ركب مراية كبيره في دورة المياة
راح ركب فوق كمان وركب جرس يوصل لغرفة الغسيل راح ركب جرس للشقة اللي فوق طيب فين الشرط
اللي مع ابويه قال ماتهميني انت ولاابوك
وكنت منبه عليه من زمان انه لاتفكر بارضى بضرة عندي ابدا وهو ولايهمه كلامي وبالعكس دايما
يحاول يقهرني ويوذيني بالكلام ويتشفى مني باي موقف انه راح اسكنها فوق وانتي اطردك
وقبل زواجه بشهر تقريبا تناقشت معه وقلتله اذا تبغى تسكنها فوق قلي من الحين وخليني اتخذ قرار
وانت بكيفك مره يقول ايه بسكنها ومره يقول لا خلاص
وحصل مرة وقال الا بسكنها ابدا ماغير كلامي فقلت له هيا انا ماشية ولميت ملابس في الشنط
وخبرت عيالي اني ماشية وهذا بيتكم وباشيل البنت الصغيره عمرها سنة ونصف وقلتله طلقني
عشان مااروح بيت اهلي معلقة ورفض مديت له مهره وقلت خلاص خذ مهرك وطلق وانت بتتزوج
وتعيش مبسوط قال لا ولما شافني ملزمة مرة قال خلاص غيرت رائي مابسكنها فوق
قلت اش يضمن لاترجع في كلامك انا خلاص تعبت من مشاكلك وعيوني ورمت بكاء من شهر
قال اكتب لك ورقة والله شاهد علينا
كتب ورقة يتعهد امام الله انه مايسكن معي احد في الشقة اللي فوق ووقع والورقة موجودة عندي الان
بعد ماراح ملك على الحرمة قلتله هيا اعطيني رضوتي اللي وعدتني بها اخذ يماطل كعادته
ولما شديت عليه قال طيب بعطيك مبلغ( خمس اللي انا طلبته ووافق عليه من قبل ) طبعا رفضت
واشتدت الامور ورحنا لامي وجلس يتكلم معاها وبعد جدال كبير اتفقوا انه يعطيني نصف المبلغ
اللي طلبته ولما رجعنا البيت اعطاني الفلوس وكتبني ورقة انه لو سويت معه او مع حرمته
مشاكل وبنود ثانية كثيرة انه لازم ارجع له فلوسه
رفضت اوقع لانه ظلم واضح هذي رضوه وهدية كيف تخليها مشروطة بذي الشروط ومن يضمن
ماتجي مشاكل
وحذف حكاية ارجاع الفلوس بس تعهد انه ماسويله مشاكل وكلام كثير وقعت وخلاني ابصم
بالحبر الازرق
اعطاني الفلوس وجلس دقيقة الا ثار علي ثورة قوية وقال كيف اعطيك هذا المبلغ وفي نفس الوقت
مااسكن فوق هذا ظلم لي اما ترجعين الفلوس او اسكن !!!
وبعد جدال كبير رجعت فلوسة وشوية قال خلاص انا باسكن وبكيفك تبغي تجلسي او تخرجي !!!
كلامه كثير وماله امان يقول الكلمة الحين وبعد دقيقة يغيرها حتى لو كتب لي في ورقة وحتى لو كان هناك شهود مايهمه أي احد !!! احس انه مافي في قلبه ذرة خوف من الله مايمشي الا ورى مصلحته بس
بس انا عارفة ان الله شاهد عليه وعلى اللي يسويه فيني ومتأكدة انه راح ياخذ حقي منه قريب باذن الله

الله يعينك مشكلتك نفس مشكلتي ارجعي كم صفحة لورا راح تلقيها
الله يفرج همك امين
ادعيلي وراح ادعيلك

__________________
انا لله وانا اليه راجعون