حبيبتي ،، كل واحد فيكم ببيت اهله ؟ يعني هل تجلسون مع بعض او مجرد لقاء بسيط ؟؟ يمكن هذا سبب زيادة نرفزته منك
و كانه يحاول يفهمك شي بداخله ؟ ،،، اذا امكنك انتي اهديه هاتف مع شريحة والسبب قوليله لاني اشتاق لك ! واخاف عليك ،،،

مشكورة حبيبتي كلك ذوق، حاولي معاه بس لما تتـأكدي انك مستعدة له

يا اختي لا تطلبي الطلاق او الانفصال

اطلبي منه ينسى بذاءة لسانه،

و بالنسبة للنظافة، نصيحة من مجربة، حاولي تغسلي مواعينك اول باول، و ترجعي كل حاجه في نفس الوقت اللي تستعمليها، قبل ما تحطي السفرة لازم يكون المطبخ نظيف

بالنسبة للطبخ، انا مثلا احضر الغذا و العشا بنفس الوقت (بس انا عشاي يا اما حساء من الخضر او شوربه و عجو بيض او سلطة اذا ما عندي وقت)

النوافد مرة كل اسبوعين

تنظيف الارضية و المسح مع الالات ما عاد مشكله،

المقاضي دونيها بورقة و خليه هو يجيبها

الغسيل مرة بالاسبوع و تطويهم بمجرد ما تشيليهم من الحبل فما تحتاجي تكويهم (مثلا تغسليهم الخميس و تشيليهم من الحبل الجمعة و دايركت تحطيهم بالدولاب

تنظيف الحمام بعد الاستعمال

يعني ما تخلي عمل اليوم للغذ

و لا عاد تفكرين بالاتفصال

كنا كل واحد فبيت وما بيننا لقاءات خاصة بس محادثات على الواتس
او اذا بيوصلني مكان .. لكن ماكنت ارده اذا طلبني


حاليا خلاص سافرنا ورجع جواله ..

هو ماعنده استعداد ينسى زفارة لسانه حتى لما يعتذر
يبرر ويخفف من معنى اللفظ
انا ما اتخيل بكرة انشتم فيها قدام بزورتي
وبالتالي بزورتي يعرفوا دي الالفاظ ..

بالنسبة للمطبخ حجرب خاصة ان البيوت الامريكية فيها غسالة مواعين
وقلت بشتري ساعات حائط كبيرة عشان احدد لي وقت انجز فيه يمكن يساعدني
اخفف من بطئي

بالنسبة للكوي بصراحة جدا اعاني وزوجي مو مراعي
زي كل نهاية اسبوع اقولو بالله خرجلي 5 لبسات لك
عشان اكويهم يسير ما اكوي كل يوم للدوام
لكن يرفض يخرجلي شيء يقول اكوي الملابس كلها وخليها معلقه
طيب ما اقدر على هذا شيء يقولي خلاص لا تكوي انا اخدم نفسي
يقولها بزعل ونرفزة الله لا يحوجني لك
اقوله ياةابن الناس والله مضغوطة انت كذا ترييح نفسك
وتريحني وتخفف عني
لكن يرفض فسرت اقوله من الليل ايش بتلبس ويرفض برضه
يطلعلي لبس
فخليته هو لما يقوم للدوام يقرر اذا مداني كويت له
واذا ما امداني هو يكوي لنفسه ويتضجر يقول انا مهمل انا محد ينظر فيا
اقوله انت منتا متعاون !



وبالنسبة لمقاضي البيت .. شكلي حطبق فكرتك
انا كنت فعلا اكتبها لكن انا اروح معاه واشتريها
لان دايم تجيني ناقصه غير احس اني اغير جو اذا طلعت اشتري واتسوق
لكن بجرب اخليه هو يجيبها وانا اتفرغ بوقت التسوق للبيت

ولسان حالي يقول

ان تدن مني تدن منك مودتي
وان تنأ عني تلقني عنك نائيا

بالنسبة للبس طلعي في كل اسبوع سبعة لبسات و قولي له هذي بتبان عليك احلى و اذا حاول يطلع اخرى حتى تكويهم، قولي له من عيوني بس حقيقة ما بتجي عليك، و صدقيني بيرجع يلبس اللي انت اخترتيهم، و بالنسبة للكلام الزفر، فما لك الا الدعاء

موفقة اختي

غالبا تاتي هذهـ المواقف لجميع الناس
باختصار زوجك يحتاج اهتمام ويبي يحس ان زوجتة تهتم فيه وتراعي ضروفة ونفسيتة
هل هو اول موقف بينكم ؟؟؟
ام هي الترسبات التي قصمت ظهر البعير !

بإختصار
زوجك لاتخبريني بعمله
ولكن حسب عمله يتعامل معك
خاااصه انه يتهمك بالخبث! !
ممكن الوسط اللي هوا فيه يشوف المكائد والخبث
وأصبح يعتقد أي تصرف منك أو من غيرك
انه ناوي يخدعني
وبالتالي مايبي يصير مضحكه لأحد
طبعاً يعتبره ذكاء منه ولكن للأسف تخريب علاقته بزوجته
الله يهديه ويسخركم لبعض

لكن مشكلتك مايبغالها تفكرين بالانفصال ابدا
هذا مو حل ابدااااا
لاتخلين الشيطان يفرح ويكبرها براسك

معليش لي فترة بدخل و ماعرفت كيف ارجع للموضوع

اعذروني ،

شوق .. زوجي اتعب واقول مزاجي
اللي يلبسه اليوم يشوفه بكرة مو مناسب
معنى بيروح لنفس المكان و بيقابل نفس الاشخاص لكن هذا طبعه
واصلا مرة قالي واذا اخترت ذحين يمكن ما تعجبني الصباح!!!
اخاف اسوي حركتك وانقهرررر بزيادة اذا اختار شيء ثاني


لكن طفشت من هذا الخصام على اشياء تافهة زي كذا
لان احيانا ارفض اكويله الصباح فيزعل ويطرطع

* هو يبغاني اكوي كللل الملابس وهذا شيء مستحيل يصير
لاني دوبي ناقلة شقة جديدة و مضغوطة جدا بالاختبارات والتيتشرات ما يرحمون
يادوب رتبت الملابس مو اجلس اكويها كمان!