24-05-2016, 12:34 PM
24-05-2016, 12:43 PM
24-05-2016, 01:06 PM
24-05-2016, 01:10 PM
24-05-2016, 01:49 PM
24-05-2016, 01:50 PM
|
المشاركة الأصلية كتبت بواسطة أدمنتك بعنف
غير مسموح له يقول لك لا؟
جميل فيك انك تبحثين عن حل, لكن للاسف حتى الان انتي بعييده عنه! عمتي مساءً.. |
|
المشاركة الأصلية كتبت بواسطة الـــوحيد
طيب سؤال اختي
انتي طالما انك حاسه بالذل على قولتك وتقولين انك اول ماكنتي تشوفين الذل وتوك فتحتي وتقولين انه هذا طبع فيه ومايتغير وانتي رافضه الذل على قولتك وش مقعدك عنده الى الحين؟ ليش ماتريحي نفسك من الذل وتريحي ابن الناس روحي واتركيه عشان تشوفين الذل الصحيح انتي بنعمه ماراح تحسين فيها الا اذا فقدتيها ساعتها راح تشوفين الذل اشكال واللوان من جد لما يقولك هذا السلسال ماهو زين صار ذل ولما ينبهك على اهمالك لذهبك ولعيالك ولجوالك صار ذل ولما يذكرك ان اللي انتي ترمينه ثمنه سهر وتعب عشان يقدر يجيبه لك يكون ذل ولما يشتري لك شي ولو قيمته ريال وتقطعينه وترمينه وماتبينه يزعل بعد وفوق هذا جايه تبينه يرضى بس بدون ماتعتذرين حتى وش هالغرور وشوفة النفس اللي نتي فيها يابنت الحلال اصحي ترى ماهو ملزوم بهذا كله لابذهب ولا اكسسوارات ولا جوالات ولا غيره واذا انتي تشوفين انه يذلك باللي يجيبه طيب اجل من باب اولى لاتطلبين منه شي عشان مايجيبه ويذلك على قولتك والا تبين رجال على الصامت ينفذ ولا يسأل او يتكلم |
24-05-2016, 01:51 PM
24-05-2016, 02:01 PM
|
المشاركة الأصلية كتبت بواسطة ام يوسف وسما
اختي العزيزه اتمنى ان لا تجدي ردي هجوميا
فالله يعلم اني انما اريد مساعدتك لاني ارى في زوجك خير كثير ماشالله وفيك ايضا خير لكن عندك بعض المفاهيم او بعض التصرفات التي تمنع عيشك بسلام لاكون فكره عن حياتك دخلت على مواضيعك السابقه واسمحيلي الخص كم مشكله ذكرتيها @@ مشكله التي حصلت بالعيد بسبب انشغاله بعمله وذهابك لبيت اهلك ورفض العوده ومن ثم خروجك مع اهلك بدون استئذانه لاكثر من مشوار ومن ثم علمه بهذا الشيء النتيجه بعد ماعرف وزعل عرفتي غلطك ورجعتي بيتك وطبعا هو مارضي بسرعه @@مشكله بسبب وجود اخوه في بيتكم وبعد اسبوع اشتكيتي انك مليتي الوضع وزوجك على طول مع اخوه ومهملك وزوجك قالك خلاص بنتبه واقسم الوجبات بينكم لكن رديتي عليه باسلوب مش كويش وقلتي كلام مش كويس خلاه يعطيك كف واسأتي لاخوه رغم محبه اهل زوجك لك وحبك لهم وبعد ماتصعد الموضوع عرفتي غلطك ورجعتي تعتذري من زوجك ومستحيه من اخو زوجك @@ابنك طلع فيه حساسيه وزوجك ماطل باخذه للطبيب فااستفزيتيه بتخييره بينك وبين اخوه الي له 3 شهور معاكم بالبيت والي ماعاد يضايقك وجوده باعترافك لانه له جناحه ومايجي الا للنوم.. لكن ذكرتي الموضوع فقط لتستفزي زوجك ومن الطبيعي زوجك قالك حابه تقعدي اهلا وسهلا حابه تروحي الباب يفوت جمل فاخذتي اغراضك ولبيت اهلك وزي سابقاتها بعد ماجلستي يومين وهدأتي عرفتي انك غلطانك ورجعتي ترسلي الرسائل له @@سالفة الجروب وصورة الشباب وحديثكم عن وسامته وعلم زوجك ووداك لبيت اهلك وبالنهايه رجعتي بيتك الحمدلله @@مشكله بعد وفاة الوالد رحمة الله عليه .. حسيتي ان زوجك مش محتويك كفايه وغير رايه بخصوص قضاء الاحازه عند اهله ومااخذك عمرة وزعلك من كلامه وقوله ماعاد لك غيري وبلاش دلع ومش كل شويه تزعلي عند البابا ورفضه ذهابك لاهلك بعد العزاء وواغلقتي الموضوع ولا ادري ماجرى ارجعي اقراي مواضيعك حبيبتي وبما فيهم مشكلة اليوم ايش النقطة المشتركه ؟! انك مندفعه بالكلام والتصرف وبعد ماتهدأي تكتشفي غلطك وترجعي تدوري كيف تعتذري وترجعي الامور لمجاريها .. اكيد فيك صفات حلوه وزوجك عارفها عشان كدا بيعدي لك امور.. كمان صغر سنك يشفع لك مرات لكن هذا الشي ما راح يدوم لانه كمان شايف فيك انسانه مهمله ( لاغراضها ) مغروره .. متسرعه .. ماتتحكم بنفسها .. حابة تفرض سيطرتها فا نصيحة اخت .. زوجك اكيد فيه عيوب لكن يضل بشكل عام كويس وزوج طيب ويحبك ويغليك .. محترم معاك اذا مانكدتي عليه يضل معاك بالبيت وقت اطول واذا نكدتي عليه يهرب للديوانيه ( باعترافك في احد المواضيع) اب كويس لعياله .. محافظ على صلاته .. اهله طيبين معاك ويحبوك كلها الحمدلله ايجابيات زوجك طيب وانتي طيبه بس يحتاج لك اولا تضبطي انفعالاتك وكلامك .. فايش الفايده من انك اسبوع تكوني مطيعه وحبوبه وعسل وتجي بيوم تقولي كلمه تجرحه تنسفي كل شغل الاسبوع!؟ العيوب الي دايم يقولها لك اسمعيها وافهميها ولا تكابري وحاولي تصلحي من نفسك شايفك مثلا حابه تفرضي سيطرتك .. جربي ابدا ماتعارضيه زي ماتحب حبيبي .. انت ادرى .. براحتك مثلا حكايه السلسله قالك ماعجبتني .. بكل سهوله قولي له خلاص براحتك نشوف غيرها ولو انها دخلت بقلبي بس زي ماتحب وتمشي امورك ... صدقيني كان لحاله رجع ياخذها لك لا تروحي المكان الفلاني وانتي حابه تروحي عادي خذيها بسهوله ووتقولي له بشويه انكسار اوامرك حبيبي .. هو كلن نفسي اروح وانبسط شوي بس رايك فوق راسي .. اذا رجع وافق كان بها واذا ماوافق عادي.. فكري بينك وبين نفسك .. يستاهل اسوي مشكله ونكد وووجع راس عشان طلعه ولا عشان جمعه ولا عشان اكسسوار ولا فستان؟! لا تدققي على كل كلمه وكل تصرف .. مشي امورك طالما انه لا يهينيك ولا يسبك ولا يسب اهلك ولا يضربك ومش مقصر معاك حسب قدرته فالحمدلله اذا تعتبري كلامه انا شريت لك وكدا تمنن ( رغم اني ماشوفها من واشوفها حساسيه منك) فا اعتبريه عيب وتحمليه ومع الوقت بتحسيه يقل .. اذا قالك سويت وفعلت عشانك بوسيه وقولي له انت كريم وانا استاهل .. اعتبري كلامه فعلا تنبيه .. لانه الجوال ممكن ترميه عالكنبه وينط عالارض او الطاوله وتنكسر شاشته ترى صارت معي 😁😁 قد يكون زوجك مايشوف منك للتقدير الكافي يمكن انتي من النوع الي دوم تحكي عن ابوك رحمة الله عليه واخوانك فاكلامه ومنته حسب قولك كانوع من تذكيرك امدحيه قبل مايجيب لك شي اذا كلمتي امك وهو جنبك امدحيه وسمعيه .. الله يخليه ابو فلان اليوم وداني وفعلي واشترالي اللله لا يحرمني منه حسسيه انك مقدره كل شي منه حتى مقدره تعبه بشغله .. زي حكاية الاثاث .. دام شفتيه خلاص غير الاثاث وخسر .. وعارفه انه مديون الحين ماعاد في داعي تطلبي شي.. حتى لو غلط بالصرف بشهر واحد خلاص هو عرف انه غلط .. وترى هذا طبع اغلب الرجال .. مايسمع النصيحه بعدين يعرف انه غلط لكن مايحب يعترف بغلطه او حد يذكره ارجعي قولي له الله يعطيك العافيه تسلم عالاثاث كل من دخل البيت مدحه وعجبه واكيد انك هالفتره مزنوق .. ان شالله نمسك يداتنا هالفتره ..حسسيه انك جنبه ومعاه وفاهمتيه وعلى قلب واحد وشوفي الشيء الايجابي .. انه صرف الفلوس عالاثاث ماصرفها على بنات او سفره او لبس لنفسه .. حبيبتي كل بنت قبل ماتتزوج تتخيل ان الزوج بيكون الامير الرومانسي الي يعرف هي ايش تبي قبل ماتتكلم ويفهم مشاعرها قبل ماتحكي ويفاجئها بالي في نفسها قبل ماتنطق واكيد انك مضغوطه من البيت ومن العيال ومن شغل زوجك ونفسك باشياء من زوجك تنسيك هالضغظ مدح .. كلام حلو .. مفاجأه غير متوقعه وممكن يكون تدقيقك عالامور كانوع من التنفيس عن الضغظ لكن ارجع واقولك هذا حال اغلب اذا مش كل النساء مافي راحة كامله بالدنيا .. وطالما انك واولادك وزوجك بصحه وعافيه صدقيني هذا يكفي حاولي تسعدي نفسك بنفسك ولا تستني منه يكون مصدرسعادتك .. عودي نفسك تنبسطي بابسط الاشياء جلسه وسط زوجك واولادك وهم يلعبون شاهي ولا كوفي بهدووء وروقان بعد مع العيال ينامو جلسه مع زوجك هاديه وانتي بحضنه بدون نكد واخر نصيحه وهي اصلا المختصر لاني ادري اني طولت وزودتها 😁 @@استبقي حسن الظن دائما @@ انظري دائما للنص المليان من الكوب ربي يهدي سرك ويحفظ لك اسرتك |
|
المشاركة الأصلية كتبت بواسطة مهره
سمورة..
أنا معظم موبايلاتي أشتريها من مصروفي .. وغالباً أستخدم الموبايل سنة وعقب أغيره. زوجي خلال سنوات زواجنا اشترى لي ثلاث مرات .. واحد منهم كان من حوالي ثلاث سنوات وأول ما اشتراه وعطاني قال لي: يا ويلج إن بدلتيه عقب سنة .. أقل شي تستخدمينه سنتين. <------- يبا يحلل الفلوس اللي دفعها. وآخرهم الموبايل اللي معاي حالياً. لما يشوفني حاطة موبايلي على أي طاولة منخفضة الارتفاع يقول لي: ولما عيالج يمسكون موبايلج تزعلين .. ارفعي موبايلج عن يتعبثون فيه ويخربونه لج. ويا سلام لو حد من اليهال مسك موبايلي .. على طول ينطلق: تستاهلين كم مرة أقول لج ارفعيه ولا تسمعين الكلام. طبعاً هالاسطوانة دايماً يقولها مع كل موبايلاتي اللي معظمها بفلوسي .. لكن لما يكون هو اللي مشتري لي فيزيد على كلامه عبارة: طبعاً تراج مب إنتي اللي دافعه. النكتة إن كل هالقلق رغم إن ما حصل أبداً إن عيالي خربوا لي موبايل .. ولا عمري انكسر معاي موبايل مثلاً أو صار له شي. الشاهد .. إني ما أزعل ولا أعتبره يمنّ علي يا سمورة .. وفاهمة إن بالفعل هذا طبعه ويتصرف جذي معانا كلنا .. وأحياناً أسمع الكلام بالفعل وأرفع الموبايل لمكان أعلى عشان ترتاح نفسيته. وإذا إذا رديت على كلامه فأرد بمزح وأشاكسه: الله يخليك لي وتعيش وتشتري كمان وكمان. تبين الصراحة يا سمورة .. لو إنتي اللي تتعبين في هالفلوس كان موقفج بيختلف شوي. |
24-05-2016, 02:06 PM
|
المشاركة الأصلية كتبت بواسطة عذبه الخاطر
حبيبتي شكلك صغيرة ومعليش لو اقولك غيرناضجة ترتكبي كثير من الاخطاء لحد ماتخسري زوجك
بقولك علئ شغلة بيوم من الايام كنت هبلة وساذجة كنت اظن كل شي يعلمه لي زوجي حق من حقوقي وواجب عليه ونادرا اشكرة واذا من عليا قلت يالله هذا حق من حقوقي ومجبور انك تفعله وكل الرجال يسون اكثر من كذا ومرت اكم سنة على هذا المنوال الين صار معي بخيل جدا و شفت كثير حريم تكرف ليل ونهار عشان ايجار بيتها ولا لقمه اولادها وزوجها حاط رجل على رجل ولا مطلع عينها فوق هذا كله ولا مضيع فلوسه على بنات الحرام بعدها وعيت ونضجت وصرت فعلا اشعر بفضل زوجي حتى بطلبات البيت اللي يوفرها لنا دايم اشكره وادعيله كل شي يقدمه لنا اشكره عليه والحمدلله تغيير وصار قليل يرفض طلباتي قولتي على انه جدد لك البيت والله كثر خيره ياما رجال ارصدتهم الوف مولفه وبيته يفشل اذا مو وافق على فكرتك بالتدرج في تاثيث البيت مو معناته تردي عليه وتطولي لسانك وتخاصمي مو لازم ازواجنا يوافقنا في كل اقتراحنتنا اذا ماكانت امور مهمه وضروريه عادي نمشي لهم انا زوجي قبل فترة سافرنا كم مره اطلب منه بعدها ويقول ماعندي اسكت واقول كثر خيره اللي دفع مبلغ وقدره وسفرني ترى في زوجات تتمنى تسافر مع زوجها وهو مايفكر يسافر الا مع اصحابه وبصراحه زوجك ماالومه لمن يفكر يسافر مع اصحابه صايره معه نكديه و الكلمه بعشره وقته معك اغلبه مشاكل كبري دماغك وافتحي عيونك وشوفي هنا ايش مشاكل الاخوات شوفي قد ايش فيه نماذج سيئة |
|
المشاركة الأصلية كتبت بواسطة طمووحه
اقول انتبهي لا يكون يطبخك على نار هاديه بس😊
يمكن تتذكري عضوه هنا كسرت كلام زوجها وراحت بيت صديقتها بعدين تصالحوا وكلللل اللي ردوا على موضوعها قالوا واااااو على زوجك ما فيه منه اثنين شوفي كيف راضاك مع انك الغلطانه والله انه والنعم فيه ووووو تدرين ايش صار بعد الصلح اللي ما استمر اكثر من شهر تقريبا او شهرين بعد هالشهر او الشهرين بالكثير طلقهاااا!!! ولعلها القشه اللي قصمت ظهر البعير فلا تستهوني بمكر الرجال خاصه وهو هددك وقال والله ما انساها لك فانتبهي مهما كان انتي المراة وانتي الحلقة الاضعف مهما استقويتي ورايي الشخصي انك انتي المستفزه مش زوجك وانتي اللي تكبرين المشاكل مش هو اخير ارجعي لكلامي في البدايه واقرايه زين لانك طلبتي تفسير لكرم زوجك معك وهذا ما اتى في بالي لتنتبهي فقط وتغيري من اسلوبك معه قبل تنصدمين صدمة عمرك تراه هو الرجل هو الاقوى اللي بيده الطلاق اوالزواج الثاني |
24-05-2016, 02:15 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
