المشكلة مو اني أفكر ايش يظنوا او اتعب حالي بالتفكير ..
المشكلة انهم ما ينعطوا وجه .. ( و سامحوني على كلامي )

بس حاليا محترمين معايا ..
و بادرس كل خطوة معاهم ..

.
.

اهل زوجي عكس الناس ..
الي قوية معاهم .. يحترموها ..
و الي طيبة معاهم .. يهينوها و يتمادوا في كل شوي ..

.
.

يعني فيه ناس تعرف حدودها و ما تتجاوزها
و فيه ناس العكس .. انت لازم ترسمي لهم الحدود و تحدديها لهم
و المواقف و الشواهد كثيرة

الموضوع مو فلوس ..

لكن ليه افتح باب مقفل !؟
و هي أصلا الحركة هذه .. ماهي من طبائعهم

ايش الحكمة في اني أعطي فلوس للام و الأب في العيد !؟
من متى صارت !؟

ابوه يعطيني و يعطي لحريم أولاده ..
عيدية 100 ريال في العيد ..

من زمان قلت ابو زوجي ما شفت منه شي .. و يعاملني كويس ..
بس ما صرت دحين أكلمه و لا اجلس معاه كثير ..
حماتي تغار و تتضايق و تنقلب و تتغير ..

ام زوجي حالة خاصة يا طعن ..

كم مرة جابت أوراق من البنك او من شركة سيارات و تبغى تورطني في قروض او كفالة او ديون
او استقطاع من راتبي باي حجة ..

و تحرجني او تحطني امام الامر الواقع .. و اضطر اني ارفض بذوق و تقوم تتغير و تنقلب علي ..
و تقلب الكل علي .. و يعني فاهمة ماشاءالله عليها و ذكية ..
و تحرض زوجي علي .. بس الحمدلله ما يسمع لها ؛ لكن أكيد يتاثر ..

انا صرت كذا .. بسببها
امي كانت تقول ( ردي عليها )

اقولها يا ماما ربيتينا نحترم الكبار .. و ماقدر
كانت تقول لي ( مع هذولي ما ينفع .. ردي و خذي حقك بنفسك و خلي وجهك معاهم؛ قاسي مثلهم )

لولا الله ثم امي الله يرحمها ..
كان وضعي دحين مثل سلفتي المسكينة

.
.

فما ينفع اعطيهم هدية فلوس ..
و حتى لو من جيب ولدهم و باسمي .. لانه وقتها راح يتمادوا اكثر ..

لكن فهمتهم زمان .. اني انسانة ..
ما اعطي ديون و لا ادخل حالي في قروض و لا أكفل احد ..
و انه ولدها يصرف علي و عالبيت و الاولاد .. لانه كانوا يطفشوني مررة و يبغوني اصرف عليه ويضايقوني
و هو يعبوا راْسه .. خذ من زوجتك فلوس .. و من حقك و ماعرف ايش ..

زعلت طبعا و قلبت علي و ماعرف ايش ..
لكن بالاخير عرفوا انا ايش .. و لا يحاولوا يلفوا و يدوروا معايا بعد كذا ..

.
.

عرفتي ليش مترددة في الهدية !؟

يعني الامر محسوم عندك

اجل ليش التردد؟

.
.

ملكة الإحساس ..
قرأت عن ام زوجك .. و عن اخر موقف عملته معاكم ..

.
.

شوفي لو اتكلم عن ( حاليا ) ..
امورنا تمام الان و الحمدلله ..

بس اخاف نرجع من جديد لنقطة الصفر ..
عشان كذا .. أتجنب الأمور الي كانت تؤدي للخلاف بيني و بينهم .. قدر المستطاع ..

حابة نستمر حبايب على طول ..
و يكون الاحترام بيني و بينهم ..

.
.

أعطيت نبذة عنهم .. عشان ممكن احصل على نصيحة تفيدني مستقبلا ..

اوك خليك زي ماكنتي اخر سنتين لان هذا الي نفع معاهم

مالهم حق عندك

جيبي صحن حلا للعيد في بيتهم

واعملي لاطفالك توزيعات الانستقرام مليان شوفي كيف اشكالها واعملي زيها
واعملي عليها طوابع عليها عبارات جميله وباسمائهم

وهم يوزعوها بانفسهم وماتكلف

احترميهم حبيهم اكرميهم اذا جوك ضيوف
بس مبلغ لا

اصلا 250 لعمك مرره فششله هذا سلام من حرمه لحرمه

قفلي ع نفسك باب اصلا مقفل له سنتين وارتاحي

لاتفتحين الباب وتتعبين

بخصوص الهدية .. غير محسوم الصراحة ..
و هما كويسين دحين؛ ما شفت شي منهم ..

شي يقول لي ( اعطي مثل زمان )
و شي يقول لي ( لا تعطي و طنشي )

شي يقوللي لو اعطيتي ( بتفتحي أبواب مقفلة )

و شي بداخلي يقوللي مثل الي قالته مبتعثة و الي انت قلته
( خليك الاحسن و سوي عشان ربنا و عشان زوجك )

زوجي يحب امي الله يرحمها .. و عينه تدمع اذا افتكرها و أفتكر مواقفها معاه ..
و قبل كم يوم .. عمل فعل خير لامي الله يرحمها و ما قالي ايش هو بالضبط ..
قال عشان لا يروح الأجر و يصير رياء .. و حبيت افرحك

لو ضغطت عليه اكثر .. كان حيقول لي ايش عمل
و اعرف لما يكذب او يكون صادق


بس زوجي أصلا يبغاني أكون بعيدة عنهم .. و يعرف انه طبائعهم صعبة شوي
و نفس الوقت ما يبغاني اقصر معاهم ..
عشان لا احد يلاقي فرصة يتكلم عني قدّامه او يتكلم عنه

اجل سوي اللي يعجبك

ولكن حطي ببالك صعب انه يجتمع الاثنان

اجر الدنيا واجر الاخرة

فإذا اردتي اجر الاخرة فحسابك في الاخرة مو دحين

اما اذا اردتي اجر الدنيا فلاتضحكي على نفسك وتقولي ترى ماسويته الا لوجه الله!

اما بخصوص الآنسة منشن

فسبب التسمية كان للتشابه الكبير بينكما

- ....

- صارمة في المنتدى (خاصة بعد كلامك عن جميل الهدب هذيك الايام وانك انتي اللي بلغتي عنه)

- حدتك (خاصة بعد ماقلتي انه اللي تقول عن نفسها مدري ايش مجاغه)

- مهاوشاتك في احد المواضيع السابقة

- عندك درجة اكاديمية مثلها

- تعتقد نفسها انها مظلومة ومسكينة لدرجة انها بكت في اخر حلقة، وهذا نفس اعتقادك

لهذه الاسباب متخيلك الانسة منشن (النسخة السعودية)

بس حبيت اشرح لك سبب التسميه

..........

وسوف لن اناديكي بالانسة منشن ان كان يضايقك ذلك