اوقفي دفع قسط السيارة ورح يحجز عليها البنك طبعا بعد سحب جل المبالغ الموجودة بالحساب

لا مستحيل اوقف القسط .. لأنه سحبه يتم تلقائيا ..
شراء السياره كان عن طريق اخذ قرض بإسمي
حسبي الله عليه ونعم الوكيل .. الله ينتقم منه ويوريتي فيه عجائب قدرته
هو مبسوط وعايش آخر وناسه .. وانا في هم ما يعلم فيه الا الله

__________________
Hug

الله يفرج همك ويكتب لك الخير
اهم شي في الموضوع بنااااتك حتى لو ماطلبتي اللحين الطلاق
طالبي ببناتك لو تروحين بنفسك وتاخذينهم
ثلاث شهور كثيره وانتي بعيده عنهم اخذيهم عندك
وبعدين ألتفتي للامور الثانيه توهم حضانتهم لك الان.

آمين .. نعم يا أختي طالبت بأخذ بالبنات منه لكن رفض حسبي الله عليه

__________________
Hug

امس كنت اتناقش مع صديقتي عن الأوضاع الأخيره اللي حصلت في حياتي بسبب زوجي وتهوره ..
قالت لي هو ربما لا يطلق .. يتركك معلقه طول الحياة .. لأنه خايف من مما سيحصل بعد الطلاق .. وهو اني ارفع شكوى اخرى اطالب بمالي اللي عنده .. وانا في الحقيقه اجلت موضوع طلب الطلاق الى شهرين .. بعد الاكثار من التفكير والاستخاره .. المهم اقتنعت بكلام صديقتي .. استخرت في طلبي للطلاق .. اتصلت ع محامي .. كلمه بالوضع .. وبأنه يخيره بين الطلاق مع اخذ حضانة البنات او الخلع واخذ انا حضانتهم

__________________
Hug

ان يتحمل احد بناتك غيرك، خاصة وهن صغار
تحلي بالصبر فقط، انت لست قوية في التعامل مع زوجك
مرة تقولين ابيك وبعدها بعشر دقايق تهددينه
زوجك من كلامك شمالي غربي، ما رح يقدر يتحمل مسءولية بناتك
بس الله يربط على قلبك وتتحملين بعدهم هاليومين
انت اهم شي لا عاد ترسلين له ولا تناقشينه، طنااااااش كبير
بس ليت بناتك معك، يعورني قلبي عليهن
ونسيت اقول لك، حياتك كربون من حياتي، بس الفرق الوحيد اني بلا قروض كنت اعطيه كاش في كاس
الان يقول لي ليش تغيرتي ، مستحيل يمر يوم ما يقول طلعي لي سيارة ، او ساعديني اشتري بيت وبكتب لك كل الضمانات، مستحيل اعطيه ريال بيده له، ومستحيل أساعده، نمرود اذا شبع بيبيع في اي لحظة
احس المره مجنونه وبدون عقل اللي تسند الرجل بقوة، يا بنتي اذا كبر اول شخص يدوس عليك انت، واذا نمى بفلوسك يكرهك( عقد الله لا يبلانا)

.................
زوجي مستحيل يعطيني بناتي .. اعرفه .. واخاف يتركني معلقه طول حياتي .. فضلت اني اخلص منه مقابل اترك له البنات بشرط اشوفهم زياره كل اسبوع ..

المرأه دائما ضعيفه تحب ترضي زوجها بعمل اي شي تقدر عليه .. ساعدته في اشياء كثير ظنيت اني بطريقتي هذه اكسب قلبه واتقرب منه .. وصار العكس .. اول ما نفخ ريشه راح تزوج ولا اهتم يصلح الامور بيننا ولو ع الاقل عشان الصغار. .

__________________
Hug

ابشركم المحامي كلمه وكان رده الموافقه ع الطلاق مقابل يأخذ حضانة البنات وزيارتهم لي كل اسبوع او 10 ايام
استخرت الله كثير .. والحمدلله على ما كتب وقضى ..

__________________
Hug

لا تفريطين في بناتك
انا ما اعرف ظروفك، ومدى تقبل اهلك لبناتك، لكن لا تقرطين فيهن

اختي شوك انا عندي استعداد اخذ البنات واعيش معاهم في شقه بعيد عن بيت اهلي لأنه بيت العائله .. مافيه خصوصيه .. من جد والله اتمنى يوافق آخذهم .. بس هو رافض تماما .. يبغى البنات يكونوا معه .. لو عاندت واخذتهم حتى بعد الخلع .. ممكن يتبلى على امام القاضي بأكاذيب وكلام من رأسه لأنه ما يخاف الله .. انا فكرت واستخرت واستشرت وواقبلت ع الامر متوكله على الله .. المهم ما يحرمني من شوفتهم كل 10 ايام .. راح يكون فيه تواصل بيننا عن طريق الجوال .. انا بدعي لهم واستودعهم الله .. أما هو ف الله ينتقم لي منه على الظلم والكذب وسوء التعامل وزواجاته المتكرره علي.. وعلى كل جرح والم حصل لي بسببه

__________________
Hug