انا جالسه اكتب لكم الان وانا ابكي
مقهوره وزعلانه وكارهه الدنيا بما فيها
ويمكن السبب سخيف لكني صرت حساسه
تخيلوا امي واختي بيطلعون مشوار
وانا طلبت منهم اروح معهم اغير جو
وسمعت اختي الصغيره تقول: بتزعجنا مع بنتها وبنطول
جتني امي تقول: ارتاحي يابنت ليه تطلعين بالحر وانتي صايمه


قلت ان شاء الله.. خلاص ماراح اطلع
وجلست ابكي مثل الاطفال
هانت علي نفسي والله
ولو احكي اللي صار لابوي بيعصب عليهم
انا تعبانه ياجماعه من نفسي ومن حياتي
كارهه كل شي حولي وادعي ربي ياخذ عمري
حسبي الله ونعم الوكيل
حسبي الله ونعم الوكيل

تحملي ازمة وتعدي على خير

اما زوجج فالصراحة لا يطااااااااق


جنتج اهلج ولا ناره

__________________
لا اله الا انت سبحانك اني كنت من الظالمين

هلا بالحساسه والزعلانه
ليش الحلو جالس يبكي ؟ ماعاش من زعلك ياقمر
الله يريح بالك يا كنافه ويجبر خاطرك
بالنسبه لوضعك في بيت اهلك ومقارنته ببيتك شي طبيعي جدا مافي وجه مقارنه بين بيت الاهل وبيت الزوجيه البيت مملكة المراءه انتي كنتي ملكه في بيتك ومرتاحه فيه وماشاء الله عليك كنتي ست بيت ممتازة ومرتبه بس ربنا اراد ان يحصل بينك وبين زوجك خلاف وكان لازم تطلعي من بيتك
زوجك مو طبيعي والله اعلم انه مريض نفسي ومعقد وراح تصبري بس في الاخير للصبر حدود انتي خرجتي من بيت زوجك خلاص و رحتي عند اهلك
انا حاسه فيك وبمقدار الحزن الي في قلبك ومقدار المك وحساسيتك من كلام اختك شي طبيعي
انتي مجروحة وتعبانه ومنهكة جداااا اكتفيتي من الجراح والالم وقلبك ماعاد يتحمل المزيد
تفكيرك بباقي الملابس حقتك انتي وبنتك واغراضك الاخرى ما انصحك تتكلمي عنها هالفتره ابداا ابوك معصب ومتنرفز وفي الاخير هي ملابس في حريقه هذا مو قتها دحين
بالنسبه لتصرف اختك انتي سمعتيها وهي تقول بتضايقنا هي وبنتها ولا بس استنتاج
اذا سمعتيها بنفسك وضايقتك الكلمه لا تسكتي وتكتمي بقلبك هدي ونفسك ورتبي كلمتين وروحي وقوليلها الي في خاطرك لا تكتمي شي في قلبك لكن بحدود الادب ولا تفصلي بالموضوع كثير
انتي تعبانه ومجروحه حتى قراراتك في الفترة هذي ماراح تكون مدروسه
ريحي قلبك وريحي بالك واستعيني بالصبر والصلاه وتقربي من الله كثير ولا تستبقي الاحداث ابدااا
موضوع الصور ووالوضع في بيت اهلك وان مافي تلفزيون كلها مشاكل سهله انتي مشكلتك من الداخل نفسيتك تعبانه جدااااا راح تتجاوزي الازمه صدقيني بس بالصبر والايمان
واختك والله لو يصير في بنتك شي راح تنجن عليها اكثر منك مهما كان الاهل مافي زيهم في طيبتهم وحنيتهم مهما صار من اختلافات يبقى الحب والود موجود
تبغي تطلعي خذي بنتك وروحي السوق لعبيها وغيري جو انتي مو في سجن
اطلعي شوفي الناس لا تخلي وقتك كله تفكير بوضعك انسي زوجك واطلعي اشغلي نفسك بالصلاةوقراءة القران والدعاء تصدقي ولو بالقليل لوكرتون مويه ووزعيه في مسجد حاولي تنتصري على حزنك ووكلي امرك لله

__________________
ريم نواف سابقا

ﻻتستعجلين اﻻمور
انتو كان بينكم مشكله وطلعتي زعﻻنه مالك أﻻ 5 ايام
كيف راح يسأل من ثاني يوم!!؟
الله ييسر أمرك. .

بالله تبغي زوجك يسال ولا يتصل والله ماله وجهه بعد الي صار والكلام الي قاله اكيد انه متفشل من نفسه وندماااان عدد شعر راسه لكن مكابر وموعارف ايش يسوي
وحس انه خسرك خلاص الله واعلم بالقلوب لكن اكيد انه ندمان وحاس انه خرب بيته بالنفسه

انسيه افضل شي واكيد راح يتواصل معك او امه راح تتواصل معكم والله اعلم

__________________
ريم نواف سابقا

ريم نواف
كلامك بالضبط هو اللي احسه
انا فاقده بيتي ومملكتي واستقلالي
كنت اطلع واروح براحتي
وكل حاجه بالبيت على ذوقي انا
واشياء كثيره انا اللي شاريتها
حتى لبسي كنت حره فيه وما اشيل هم احد
حياتي الحين تغيرت كثير
واهلي ماخذين الموضوع ببساطه
ووالله ان الارمله وضعها افضل من المطلقه
عالاقل الارمله تحافظ على بيتها ومملكتها
ومحد يقدر يطلعها من عش الزوجيه
بينما المطلقه مسكينه مالها شي
حتى البيت اللي بنيته بتعبي مالي شي فيه
حتى مكافاه نهايه خدمه مافيه
طلعت بكتله هموم ووجع قلب وتعب تعب
واليوم لاول مره احس اني ثقيله على اهلي
وخايفه الدنيا تلطش فيني وببنتي
حسبي الله ونعم الوكيل



بائعه الورد
سؤاله وعدمه واحد
لانه انتهى من حياتي خلاص
والله حسيبه

امه تقول ماله وجه يشوفك او يشوف اهلك
لكن هذا كلامها هي.. ما ادري عنه
لكن لاول مره يزعلني ويتجاهلني كذا
يمكن مثل ماتقولين حس انه خسرني خلاص
يعني فاقد الامل تماما
وهذا اللي انا برضو احس فيه

والله كلام ريم عين العقل ،، الله جزأها خير ،،
بدري على الأغراض خليهم لين بعد العيد ،،
ومافي احد يطلع من شى وهو كسبان كل شى ،،
لكن نطلع بأقل الخسائر ،، اذا نبغى نبغى طلاق
نكون قده حاسبين لكل شى ،، ايش أهمية هالمملكه
اذا التعامل سئ ماتسوى ،،،
أقرئ قرران ،،، اطلعي تمشي ،، وإذا فيها مكانيه
امشي رياضة ،، وعليك بصلاه التراويح ،،
القصد تفريغ الضغط النفسي اللي انتي حاسته
والغضب والهم اللي بداخلك ،،

دعواتي لك

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

يا كنافه اصبري انتي لسى ما تطلقتي والله اعلم ايش راح يصير بعدين
يمكن زوجك يتعدل ممكن ظروفك تتغير لا تستعجلي وتفكري بامور تتعبك من الداخل والخارج الي فيك مكفيك
اعتبري نفسك في اجازة من النكد الي كنتي عايشه فيه ريحي دماغك وريحي بالك
تصدقي انا عشان اتجاوز ازمه طلاقي تخيلت اني صار لي زلزال وفقدت كل شي والله جلست فترة وانا عايشه في هالوهم كله عشان اتقبل موضوع الطلاق انتي عندك بنت وحده الله يحفظها لك انا عندي اربع اطفال الله يخليهم لي ولا يحرمني منهم هم روحي وعشقي وسعادتي ودنيتي كلها
والله يا كنافه بعد طلاقي جاني رزق وخير من الله الا الان وانا مو مستوعبه كيف ربي عوضني عن كل شي مريت فيه اتفتحت لي ابواب ماتوقعت انها راح تفتح لي في يوم من الايام وعدت الايام والسنين ونسيت الماضي كلهوالحين عايشه الحمد لله مرتاحه مع اولادي وفي بيتي والله ابوي من النوع الشديد جدااااا لكن ربي سخره لي ورضي يخليني اطلع في بيت لوحدي انا واولادي ورجعت للمملكتي بس الحين مملكتي من جد البيت بيتي وانا حره فيه ( قلبت خاله قمااشه ) انتي اصبري بس ولا تفكري كثير ارحمي نفسك من العذاب الي انتي فيه
لنفسك عليك حق واذاجتك هالافكار الشيطانيه امسكي القران واقرئي او شغلي القران على قاري ترتاحي لصوته واستمعي لتلاوة القران الزمي الاستغفار واكثري من الدعاء ربي موجود وهو اقرب لكي من امك وابوك وهو اعلم بحالك وضعفك انتي بس قولي ربي دبرني اني لاحسن التدبير وناجي ربك بالي في نفسك كله ابكي على سجادتك وادعي ربي يعوضك ويجبر خاطرك ويقوي قلبك

__________________
ريم نواف سابقا

__________________