السلام عليكم ورحمة الله وبركاته
اليوم فقدت أعصابي لأول مرة وقلت لزوجي بصوت عالي بلا كذب قال احترمي نفسك وماتقولي لي هالشيء قلت أنا محترمة غصبن عنك بس أنت كذاب ..
مع أنه فعلاً زوجي كذاب وتقريباً 99% من كلامه مو صحيح من أعذار وخلافه وهالشيء اكتشفته من عشرتي له ، وكنت اقوله مااصدقك وكذا بدون تجريح او تصريح ، بس اليوم وصلت حدي منه ،، أنا من فترة وأنا أضغط ع أعصابي وع نفسي لكن اليوم انفجرت فيه لأنه تعبت ماعاد فيني حيل أتحمل ..
أنا سبق وكتبت موضوع أطلب النصيحة بطريقة التعامل مع زوجي ووضحت شخصيته،، وبالنسبة لي أنا إنسانة حليمة صبورة أتغاضى كثير كرماً مني أعرف انه يكذب ولا أقوله هالشيء احتراما له وعشان ماأجرحه لكن اللي قاعد يسويه مره ازعجني ..

الحادثة:
قبل فتره تزاعل مع زوجته الأولى كالعادة بس ترك لها البيت يومين وصار في أيامها يجي عندي ،، وبعد ماتراضو صار يبي يعوضها هاليومين من أيامي وليالي فكل يوم يطلع بحجة مرتين رايح للأستراحة عندي عمال مع انه ظهر بعد الدوام ولا اشوفه الا العشاء هذا اذا كان يومي ومرتين في الليل قال طالع مع صاحبه عنده مشكله ويبي يساعده فيها وقعد معاه لبعد صلاة الفجر وطلع للدوام من عنده ماشفته الا يوم ثاني..
تخاصمت معاه قال انا جيتك في أيامها ولا قلتي لي مو يومي لاتجي قلت ولا راح اقولها بقولك حياك الله وعين لك فراش وعين لك لحاف واذا ماشالتك الأرض بحطك فوق راسي وانت جيتني بكيفك مو ضغط مني ولا طلب ولا حتى ادري انكم متزاعلين لكن يومي ووقتي ماتظلمني فيه وتعطيها اياها تعوضها عن زعلك عليها ..قالي ع كيفي قلت شرع الله مو عليك يومي ماراح اتنازل عنه هالشيء حطه في بالك ..

الان هو حاول يهدي الأمور معاي لأن زوجي مايحب المواجهه ولا النقاش وحالنا مثل النار تحت الرماد
ألف لي قصة طويله عريضة وأنا عارفه إنها كذب ،، ماتهمني أهم شيء بالنسبة لي انه شاف الوجه الثاني مني العصبيه وطولة اللسان والزعل وهالشيء ماسبق انه شافهم ،، ووصلت له انه مايستهين بحقي ،،

لكن الان ابي رأيكم هل اعتذر له عن كلمة (كذاب)فقط اللي قلتها لانها بصراحة مره مضايقتني احس كأنه انا اللي انقالت له
ع فكره النقاش مع زوجي ماأطلع منه بنتيجة مثل المسكنات لكن الوجع لازال موجود.

رأيي الشخصي ولا الزمك فيه
ومن خلال متابعتي موضوعك الاول وما عرفته عن زوجك
اقولك لاااااا لا تعتذرين على الاقل حاليا
لين تشوفءن ردة فعله لتغيرك يمكن بيزين حاله
ويوم تعتذرين تخربين على نفسك وتكبرين راسه

اعتذري بس مو الحين خليه يومين كذا تجسين نبضه فيهم

وزوجك كان يستاهل هزه مو خايف منك لانه ضامنك ف لازم تبطلين ظنه هذا
وانك عند حقوقك بتنقلبين وحش<< لا تخافين منتي وحش

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

الله يهدي بالكم ياارب
عارفه لو انا قايله لزوجي كلمة كذاب والله ماابات ببيتي دقيقه
ادري لحظة الزعل يحضر الشيطان بس كان تعوذتي من الشيطان وقمتي من عنده لين تهدي
عشان لايصير الغلط عليكي،،،
تقولي ان النقاش مع زوجك زي المسكنااات،،، طيب عودي زوجك ع الحوار واسمعيه واعطيه حقه بالتبرير مو تكذبيه بكل شي وماتصدقيه،،، بيقول بنفسها ليش اتعب نفسي واقول لها الحقيقه دام هي مو مصدقتني،،
حقوقك بالمبيت معك حق تتمسكي فيها بس مو بالقوه وطولة اللسان المعذره علي هالكلمه
عاتبي عتاب المحبه ونبهي تنبيه الزوجه الحريصه ،،،، خليكي لطيفه وحبوبه ووسيعة صدر مع زوجك عشان يلقي الراحه والامان ببيتك
وهو وقتها بينتبه لحقوقك اكثر منك ،،، الله يسخركم لبعض

^
رائحة البخور
اقرأي موضوعها الاول يرفع الضغط ببروده
تحايلته لين قالت بس مسكينه
وهو ضعيف شخصيه لدرجة زوجته الاولى تضربه!!

شوفي موضوعها الاول يمكن تنفعينها اكثر مني

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

ماشاء الله عندك ابن بالعشششرين الله يخليه لك يارب
مايضيع شي عند الله صدقيني ،،،!!!
نيتك صافيه وصبوووره وقلبك نضيف ،، لايغيرك زوجك ويحولك لاانسانه ثانيه
انتي غيري زووجك لاانسان ثاني
قدرتي تغيريه كان بها ،،، ماقدرتي لاتحملي نفسك فوق طاقتك وكملي حياتك لبنوتك
والله رحمة زوجك من وحشششية زوجته الاولي عيب عليها والله تضربه ايش هاذا من وين جايه هالانثي

اختي الرجال مو مثل بعض
يعني لما اكون بحالة عصبية شديدة اطلع عن طوري واقوله مثل
هذا الكلام
لكن اكون طبعا عارفة انه ماهو معصب فيصبر علي
وطبعا لما يكون معب جدا انطم لا تجي على راسي








اختي اتعبتني

اتركيه لين يرضى لوحده ولاتعتذري
لانه راح يصير ياخذها حجة كل ما عاتبتيه على عدم العدل
ويروح لها


الله يصلح حالكم

__________________
ربنا هب لنا من ازواجنا وذرياتنا قرة أعين

واجعلنا للمتقين إماما

لاتعتذري وقومي بواجباته وحقوقه ولكن بجفاء حتى يستجيب لكل مطالبك ومنها حقك بالمبيت والله يسخره لك يارب

يااختي انتي مااقصرتي معاه وهو مقصر للغايه

وان قلتي كذاب ابن اادم لما يزعل ممكن يقول من هالكلام وعالعموم ماهي كلمة فاجرة

يااختي انتي تبالغين كثيرا في الضغط على نفسك والتنازل عن حقك
لماذا تبخسين نفسك حقك حقك بيدك وليس بيده

اختي فيه مليون طريقه تاخذين حقك منه
ليش انتي طوارئ والاسعاف له متى ماكان يريد مهدئات وراحه ذهب لك وبحقوقك معطيك ظهره

اي زوج يجلس زوجته في منزل زوجته الاخرى وباثاث متهالك وين احترامك انتي
لك حقوق وله حقوق اختي لاتستصغرين على نفسك شي

زي مالها لك والله العظيم كنت اتحاشى ادخل موضوعك الاول مابي اقول لك انتي غلطانه وضعيفه فوق اللازم

ضعفك بالطريقه هذي غلط وترى الرجل يكره المراءه التي جدا ضعيفه

ماينفع لسان متحدث بدون فعل

ان اراد له حق يعطيك كل حقك

ياختي لاتظلمين نفسك وتظلمين بنتك
انتي لو تطلقتي بالله ماراح ياكلك قلبك حسرة وش استفدتي منه ؟؟؟

اختي حتى لما جاك وهو زعلان من المفترض ماستقبلتيه على طول
مفروض قلتي وين زوجتك هذا يومها وحرام تبخس ليلتها على الاقل ابرائتي ذمتك ومعروف انه راح يجيك ملام على استقباله مباشرة

اي استقبليه بس وضحي له انه غلط عشان تطلعين انتي بالصح

اختي زوجك راعي دين على قولتك ادخلي من هالمدخل كثير

اطلبي حقك ولاتتنازلي عنه لاتقهرين نفسك عشان رضاء سراب

أمس بعد ماصار الموقف حاول يهدي الموضوع معاي بس سكت عنه وطلعت رحت المشغل وتركت بنته معاه من بعد العصر إلى بعد العشاء يمشور فيها مرة عند جدتها مره ياخذها معاه للمسجد لحد ماداخ ولما جاء ياخذني قال بنتك تعبتني قلت برضه هذي بنتك أنا ماجبتها من برا وانت مسؤل عنها وبرضة حاول يهدي الأمور يبي الحال ينصلح وهو مااعتذر ع تصرفه تكلمت معاه ببرود ورسمية بس مااعتذرت منه لحد ماجاء في الليل مدري يستهبل ولا ايش حكايته قالي ايش فيك مو طبيعية قلت من تصرفاتك قعد يفلم علي قلت شوف من الآخر حقي ماراح أتنازل عنه ويومي اللي ضيعته اليوم بكره تعوضني عنه سكت مارد علي بس قالي أنت اليوم غريبة أول مره أشوفك كذا معصبة وحالتك حاله قلت كله منك أنت وتصرفاتك وتضييعك لحقوقي وصلتني لهالحالة أنا الاسلوب هذا مايعجبني بس انت الكلام معاك ضايع والنقاش بدون فايده طلعتني عن طوري وخليتني أتلفظ بألفاظ عمري مافكرت اقولها لأحد وبصراخ وقدام بنتي اللي انفجعت وصارت تتمسك فيني صار اسلوب الحوار بينا اسلوب حواري كأننا عيال في الحارة مابقى الا نتضارب ،، وهذا كله منك ،، قالي أنت غيورة قلت هذا حقي وأطالب فيه ماله علاقة بالغيرة وانتبه تستفزني مره ثانية ترا مااضمن ردات فعلي ماعاد اسيطر عليها. قال انا اعتذر منك بس ترا انا ماادري ايش ونفس الفيلم بس بسيناريو مختلف .. عاد نشوف اليوم العوض ولا سحبه .

صدقتي أمس أنصدم وبقوة لدرجة يقول أنت غريبة ، هو يبي له كل فترة هزة زي كذا لحد مايصحى
انا قصدت بالاعتذار عن اللفظ فقط مو عن السالفة كلها عموماً جابت نتيجة معاه ،،