اختي الي تسال ايش مصبرنا صدقيني سالفت مؤقته شليها من راسك انا اعترف كثير قلو موقته انا زوجي قلي لما تخرجي بطلعك وهذي ثالث سنه وصدقيني احس وضعه المادي جيد جدا لكن هو دايم يتعذر فيه اخوي اقل منه راتب
وكان مسكن زوجته اجرر وشرى بيت بس احس هذا عذر يتعذرر فيه او يتحجج فيه لكن الي اقوله لك انا صبرت كثير
واتوقع ان لصبري حدود لوشفته مطول على هالوضع صدقيني افكرر انفصل لها السبب وكم مرره بكيت وامي تصبرني تقول اتحملي وبنت خالتي قالها سنه ونطلع والان مكمله الربعه فاحسن شي ابعدي عن اهله
ترى مو كل اهل زوج يطبخولك انا كنت ارجع من الجامعه الساعه اربع اطبخ وغير الكوي والغسيل وبنتي يوم ولدتها قلتلها خليها ترقى عندك هي والشغاله الي هي ام زوجي قالت خليها فوق في السطح ما علي منها مافيني انتبه لاحد
كانها موبنت ولدها يعني ماخذنا منهم الاضيق وهده الحيل ونفسيه الزفت

قوه خواتي ..انا بعد ساكنه مع اهل زوجي واعد الايام علشان اطلع واسكن بروحي ..
بس ماقول الا حسبي الله ونعم الوكيل ام زوجي اتفر راس زوجي علي وتحاول انها اطيح بينا مع انا زوجي طيب بس يسمع لها وايد ..لو ابات يوم واحد في بيت ابوي تحرق االتلفون علي واتخليه يعصب ويترفز علي بدون سبب مع اني ماخذه الاذن منه واهو راضي لانه يدري اني اتوحم وتعبانه وماقدر على الدرج في بيت ابوه ..
حسبي الله ونعم الوكيل ربي شاهد وعالم ربي يجيبلي حقي منها بإذن الله ..واطلع من بيتهم وافتك

السلام عليكم ورحمه الله وبركاته

صبايا انا بعد عايشه ويا اهل زووجي بس حتى لو فكرت اني اطلع من البيت بخلي ام زوجي تجي تسكن معانا لانها

حالها من حال امي و بكره انا بجيب عيال وبصير ام نفسها فالواحد يخاف الله في نفسه لانه الدنيا دواااره...صح

المشاكل العامه اللي قلتوها كل وحده تسكن ويا اهل زوجها تعانيها بس الوحده تفكر لبعيد ما تفكر لتحت ريولها بس ..

صدقوني يابنات اللي مافيه خير لاهله مافي خير لا لزوجه ولا لحد ... يمكن تقولون لي الواحد بيوصلهم ما بيقطع بس

انا ارحمهم بغض النظر عن كل السلبيات لانه الواحد يقدم لاخرته مب بس لدنياااااااااااه

والسلام ختام الكلام

أنا لا اويـــــــــــــد السكن مع الاهل بتاتا مهما كانت طيبة اهل الزوج
الواحد يبعد أزين ويحدد ايام معينه لو يبغى كل يوم اروح لاهله رحت بس اهم شئ يكون عندي بيت بروحي
وحتى مايهمني لو سكنوا عندي اهله بس انا ما اسكن عندهم واكيد فيه فرق
الله يوفق الجميع يارب

اختي alain123 احنا ما قلنا نقطعهم وهي عندها عيالها ومجتمعها مو محتجه لقعدتك في بيتها يعني انا قعده معهم بس مقدرر اطلع عندهم عشان عنده اخوان شباب قوللي اش الفايده من قعدتي ما عندي مشكله احطلها غرفه في الشقه او البيت الي نسكنه بس يكون بيتي ماحد له كلمه علي و ماحد يتحكم فيني اعزم الي ابي واسوي الي ابي تكون لي حريه في بيتي انا

فاهمه عليج اختي اشواريا وتراه تفرق الظروف بين الناس ... والله يفرج همج ان شاء الله ويرزقج باللي فيه الخير لج ان شاء الله ... تحياتي لج ولكل خواتي ..

جبتوا الموضوع على الجرح

انا معاكم لازم الوحدة تبعد عن اهل زوجها واهلها كمان عشان المشاكل وتزوريهم كل مرة في الاسبوع او على حسب

استطاعت كل واحد وتطمني عليهم بالتلفون

والله قلق لمن يكون اهل الزوج معاك انا ساكنة بالشقة المقابلة لاهل زوجي لكن والله ما انفكيت من الكلام اذا نمت ودقو

عليا يبغو البنت تسال الشغالة (مدام نايمة )اذا خرجت ليش ما قلتو او ليش ما سلمتي قبل ما تخرجي اشتريت شي جديد (وه

ليش اشتريتو ماتحتاجو هدا الشي )اذا ما رحت عندهم تسال زوجي فينها ما تسال (ولا تفكر هيا تتصل تطمن) اذا كحت

بنتي عندهم ايش هدا دهنيها زيت قبل ما تنام ولا قومي وديها الدكتور اقول ان شاء الله لمن يجي ابوها تقول ابوها

يجي تعبان من الشغل حرام عليك ارحمي الولد وفي الليل لا تدخلي البنت عليه عندو دوام بكرة واختكم في الله مسوية

طيبة كل ما خرجت اخدت اخوانه معايا جا يوم احتجت السوق وكان يوم اربعاء وما اخدتهم عشان كنت ابغى محل ملابس

داخلية قامت الدنيا وما قعدت كيف تخرجو وما تخدوهم الله لا يحوجنا لكم ومن هدا الكلام

يعني الواحد يبعد مرة احسن له وحكاية الغطا والكشف برضو تجيب الكلام اللي مالو داعي وانا اعاني من هدي المشكلة

كمان
الحمدلله على كل حال

والله يرزق كل وحدة بيت لوحدها ويكفينا واياكم شر اهل الزوج

بس نصيحة شيطانة لا تسوي نفسك مرة ضعيفة وخدي حقك بيدك ههههههههه امزح معاكم يمكن ما تنفع معاكم على

حسب كل وحدة كيف زوجها انا اسويها في بعض المواقف

تحياتي للجميع

في مثل يقول ( روح بعيد و تعال سالم )
يعني ابتعدي من البدايه عشان تكسبينهم

أما أنا فقصتي شوي غير عنكم ..

أنا من تزوجت وأنا في شقة بروحي .. لأن بيت عمي ما كان فية مكان ..

أخوان زوجي المتزوجين اللي أكبر منه كانوا ماخذين الدور العلوي بالكامل ..

بس بعد كم سنة اللّه رزقهم وبنوا لهم بيوت وتحولوا كلهم في نفس السنة .. إلا في نفس الشهر !!

وخبركم اختلى البيت على عمي وعمتي . فشنو اللي صار ؟؟؟

اللي صار إن زوجي عرض علي إن إحنا ننتقل معاهم .. وراح ناخذ الدور العلوي كله لنا ..

بيني وبينكم ما أدري للحين إذا هذا الحل منه أو بتخطيط منهم معاه ؟؟!!

بس أنا رفضت ..






















مو لشيء .. بس لأنهم طيبييييييييين !!

















وكلمة طيبين شوي عليهم ..

في ذاك الوقت كنت توني متزوجة .. وما عندي إلا بنتي عمرها سنتين ونص وولدي ماصار له شهرين وعلى طول

يسهر .. وأنا ما أقدر إلا أنام طول الصبح من التعب ..

وعمتي كبيرة بالسن وما عندها شغالة ومع ذلك قايمة بواجب بيتها ومو مقصرة ..

الفطور من الساعة 5 أو 6 بالكثير يكون جاهز والغدا يجهز الساعة 9 .. بس يأذن الظهر يصلّون ويتغدون ..

وأنا إذا أذن الظهر قمت من نومي !!


باللّه عليكم شلون أرضى أروح أسكن معاهم ..

أكيد مالي عين تخدمني عمتي وهي الكبيرة بالسن وأنا الصغيرة آكل بارد مبرد .. هذا غير الشغلات الثانية مثل الغسيل

وخلافه اللي راح تقول لي عنها إنتي ما تقدرين وراك أطفال وسهر ولا تسووين شئ ( لأن لها سوابق مع زوجات

عيالها اللي كانوا ساكنين معاها ) مع إنهم ما كانوا يرضون تسوّي عنهم شئ ..

بس أنا غير ..

أنا من غير شئ أحب النوم لا وبعد أسهر .. فما كنت أقوم بواجباتي أول بأول وهم يدرون ..

حاولت مع زوجي وقعدت أشرح له وجهة نظري لين ما أقتنع ..

وهذا إحنا صار لنا أكثر من 11 سنة وإحنا في هذي الشقة .. مع إنها صارت ضيقة شوي ..

لكن أريح للبال من السكن مع أهل زوجي الأكثر من طيبييييييييييييييييين .

ودمتم بوّد ..

أختكم أم زهراء

السلا م عليكم ورحمة الله وبركاته انا اول مره اشارك ارجو ان اكون خفيفة الضل عليكم بصراحه اعجبني موضوعكم وانا عايشه مثلكم وهي مبديا الفكره للكثير من الحريم زينه ومافيها لكن لما تعيشها الوحده غير بكثير وهي مافيها اضرار لكن الافضل والافضل بكثير هو الاستقلاليه والراحه لان الاسره تكون مستقله بخصوصياتها داخل بيتها والانسجام والتواصل بين افرادها يكون اكثر انا افضل البيت اكثر والله يسعد الجميع ااااااااااااامين