المشاركة الأصلية كتبت بواسطة حلم وتحقق....

المشاركة الأصلية كتبت بواسطة بنت الحكمي

اول شئ حمدالله على سلامتك ياأختي وبصراحه ما تنلامين في أسباب خوفك من الحشرات لأن سبحان الله أنا أعرف حريم عندها فوبيا وخوف غير طبيعي من الصراصير والوزغ والفئران والثعابين وحتى من أصوات الرعد والبرق و الأماكن العاليه والأماكن المظلمه تجدهم يرتعبون ويخافون بشكل غير طبيعي والسبب في هاذا الخوف إللي يصير مع الإنسان يحصل له بسبب موقف صار له وهو صغير وسبب له عقده مع الزمن أو إنه كان أهله يخوفونه بالشئ هاذا إللي كان يخاف منه فمع الوقت تأزمت نفسيته وتكونت لديه عقدة الخوف والهلع وتطورت على شكل مرض عنده من الأشياء هاذي وللأسف هناك بعض الأهالي يعتقدون بأن ترويع الشخص إللي يخاف بالشئ إللي يخاف منه علاج لحالته وقصدهم إنهم يحطونه قدام الأمر الواقع علشان عقدت الخوف ترو ح عنه ويواجه الأمر الصعب و يتصرف في الموقف يعني داويها بالتي هي كانت الدائو وهاذا أ كبر غلط لأنه يمكن لاقدر الله من شدة خوفه يرو ح فيها وتجيه سقطه قلبيه أو عقده نفسيه لايمكن علاجها بسهوله
وأنا عندي صديقه مقربه عندها خوف غير طبيعي من الوزغ حتى صورته ماتحب تناظرهاوماكانت كذا من قبل كان خوفها خفيف بس تطور بسبب إن أهلها تعبوامن سالفة خوفها وأشار عليهم واحد بأن يمسكو بالوزغ ولما تجي داخله للغرفه في البيت يشيله واحد من أهلها ويرميه عليها على أساس تشوفه وتكون لها ردة فعل عكسيه يعني تتشجع وتتصرف بطريقه تتخلص منه ولاكن للأسف البنت بغت ترو ح فيها وأغمي عليها وجلست طريحة الفراش حول شهر كامل حتى الكلام جلست حول أسبوع ماتنطق ولا بكلمه ولا عاد قدرت تنام وبعد جهد وعلاج مضني تحسنت حالتها والحين عقدت الخوف مازالت عندها لدرجة إنا لو طلعنا إستراحه تجلس معانا وعينها تفر بالإستراحه فر يمين يسار فوق تحت وترفع رجولها وعبايتها وملابسها كامله فوق على الكنب بالإستراحه وماتجلس إلا جنبي على أساس أوفر لها الحمايه من أي هجوم مباغت بالإستراحه سوى صرصور أو وز غ أنا الحمدالله ما أخاف من الحشرات أبد ولاكن عندي أخوي الكبير عنده عقده من الثعابين بشكل فضيع وقدام فتره كسر جوال إبنه آيفون والسبب شاف مقطع فديو فيه لثعبان ضخم والسبب واحد ثاني من إخواني شال الجوال وأعطاه يشوفه يمز ح معاه وهو مايدري بالمقطع وماسمعنا إلا صيحته و شال الجوال وصقع به بالجدار إلين كل قطعه راحت لزاويه وبعدها تعال شوف كيف البيت إنعفس وزعل على أخوي الثاني وطق ولده ليش يحط هالمقاطع بالجوال فبصراحه أحيانا يا أختي الواحد يكون قصده يمز ح
ويشوف ردة الفعل والظاهر أنتي شكلك لما رماه عليك ماهربتي يمكن من الصدمه وقفتي في مكانك و ماعرفتي تتصرفي وزوجك كان منتظر منك ياتهربي يا إنك تقتلين الصرصور وصدقيني إن زوجك ماتوقع إنه بيصير فيك كذا ولا كان ماسواها فيك وكان يمز ح معك ولايقصد أذيتك فمهما كان هاذا زوجك وحبيبك وأبو بنتك ياوروده ولاتخلين صرصور يعوفك من زوجك هاذا حبيب قلبك وتلاقينه الحين الندم والحسره ماكله قلبه عليك ونفسه ترجعين له مثل أول فحاولي تتناسين الموقف حتى لو كان صعب عليك حاولي تطرقين جميع أبواب العلاج لوضعك النفسي حتى حياتك تسير وترجع طبيعيه وأخيرا أسأل الله أن ينزل الهدوء والسكينة على قلبك ونفسك وأن يشفيك ويعافيك من ما أصابك ويحفظك لبنتك وزوجك يارب .

المشاركة الأصلية كتبت بواسطة الثانية22