اسفة انا ما قرأت ردودكم الجديده
بس راح اقول لكم اللي صار رحت طلعت الشنط الكبيره وعبيتها ملابسي وملابس بنتي ورتبت مكياجي وعطوري وهو كان مطنش يشوف التلفزيون بعدين جاني وهو معصب يقول ممكن اعرف ليه رايحه لاهلك؟ قلت له تعبانه وحابه ارتاح عندهم قال ماراح ترتاحي الا بييتك خلاص اكبري بطلي حركاتك انا هنا بكيت وعاتبته على تصرفه وجلس هو يشرح لي ان صورتي تهمه ويبرر لنفسه بأنو عصب لما اصريت على موقفي يقول كان لازم ماتعاندي وتقولي اللي تشوفه وحاجات كثير قالها وانا ساكته وابكي من القهر بعدين قلت له كل الموضوع مايهمني لكن كلامك الجارح اللي قلته ضايقني قال لانك رفعتي صوتك علي قلت انت تخليني افقد اعصابي بالدوام معصب وبالبيت تعصب وتصرخ ماقدرت اهديك حاولت وتعبت بالاخير انفجرت قال انتي انثى عيب تنفجري انا رجل اعصب بعدين اروق قلت له لكن انا من الاساس ماغلطت ورجعنا من النقطه الاولى المهم بعد كلام طويل منه انا فتحت موضوع التهديد لما قال سويت فيك ضربتين باقي الثالثه حتجلطك قلت له ايش كنت تقصد؟ قال خلاص فكينا انسي قلت له ارجوك علمني.. كنت تقصد اهانتي؟؟ قال لا والله مستحيل اهينك عند احد ورفض يقول ايش كان بباله يقول لو اقول لك راح تزعلي زيادة!!! بالنهاية قال لي خالصين الحين؟ قلت ان شاء الله بعد شوي قام وهو يضحك يقول حرام عليك كل هذي دموع اللي يشوفك يحسبني تزوجت عليك لت وقتها اذبحك واذبحها مو ابكي وراح وتركني.. وانا اعتقد هذا الشي اللي كان راح يهددني فيه لكن مو متأكده.. انا الان بروح اعمل العشاء.. يفترض ان الموضوع انتهى.. لكن بداخلي قهر وغصه الحمدلله على كل حال |
قرأت ردودكم جميعا.. بارك الله فيكم..
انا الان مجرووورحه جدا وكارهه نفسي.. تخيلوا لما صارت الساعه 9 ونص سألني: نرسل لهم الدونات؟ ً قلت له دخلت العجينه الثلاجه.... وسكت تعشيت وانا ساكته.. وعلى وجهي حزن الدنيا والكحل سايح من عيني وعامل عمايل.. تجمد عقلي عن التفكير لا سياسات ولا استراتيجيات في رأسي يعني على قولتهم: غلب حماري ان كان لديكم ردود تفيدني فنوروني انار الله قلوبكم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|