انا اقول تزوج ان كنت تقدر تعدل بين الاثنين ( وهذا شي ضروري)
ومثل ما تقول ان كانت زوجتك راضيه بالزوجة الثانية يمكن الثانية
ما ترضى انك تكون متزوج قبلها !!

الزواج الثاني فيه الزين وفيه الشين
بس انت بما ان زوجتك ما فيها اللي يعيبها
اقولك لا تتزوج

أخي الفاضل .... تمهل ولا تغلط بحق نفسك وبحق زوجتك واللي راح تتزوجها لان الزواج الثاني مو شي سهل خصوصا في وجود الاطفال .
حاول انك تعيش الحب الي ما جربته ولا ذقته وواضح ان ودك تعيشه ويتخيل لك انك بتلاقيه مع زوجه ثانيه مع زوجتك .
وانا مع الاخوان اللي نصحوك بالسفر لتغير الجو والابتعاد عن زوجتك لفتره بسيطه تراجع فيها نفسك ولاختلاق الشوق والحنين بينكما وعسى الله ان يفرج همك وينور لك طريقك وبصيرتك بما هو في صالحك وصالح زوجتك .
واكرر تمهل تمهل ولا تستعجل وياريت حاليا تشيل الفكره من بالك لحد ما ترجع من الاجازه اللي بتاخذها .
تحياتي
اختك فاااتن

اخواني و اخواتي اعضاء المنتدى

انا فعلا شاكر للكل سواء اللي رفض او اللي ايد فكره الزواج حتي اللي تهجم علي الله يسامحه ......

لكن و الله اني ارتحت بعد ما طلعت لكم اللي في خاطري و شاركتوني همي ....

لانها و الله العظيم فكره مشغله تفكيري طوال الوقت.....

و انا ما طرحت مشكلتي الخاصه الا بعد ما شفت في المنتدى اعضاء صراحه الواحد يفتخر انه يشارك معاهم بردودهم الواعيه و تفاعلهم مع مشاكل كل الاعضاء بكل الحب و الاخلاص كأنهم اسره واحده و هم كذلك ان شاء الله.....

شاكر مره ثانيه للجميع تفاعلهم معي


و الله يهديني و اياكم للطريق الصحيح

أبو مروج .. أنا عصبت عليك ؟؟؟؟؟
آسف ياأخي ... مالاحظت إني رفعت صوتي عليك !!!!!!!!
أنت تحب زوجتك .. وهذا ماأحس به تماما ...
لقد وصفت لنا ملاكا ... ولو كان الحب ينقصك ... لذكرت مساوئها ..
فمن ذا الذي ترضى سجاياه كلها
أوافق الأخت نورا
ويبدو أن تطلعك والله أعلم للزواج الثاني .. لنقص الرومانسية في حياتك إذ يبدو أن زوجتك منطقية بأكثر مما تشتهي
عادي .. أطلب منها قليلا من الرومانسية لتثري حياتك وتملأها عليك نماما تماما حتى لايستطيع قلبك الالتفات إلى حب آخر
ياخي والله ماعصبت وآسف مرة أخرى
وإذا عندك ملاحظات علي .. فتراني أقول رحم الله امرءا أهدى إلي عيوبي
بس عساك راضي !!!!!!!!!!!!!!!!!!!!!!!!!!!

أضم صوتي لسكوتر في الاعتذار عن اللبس اللي صار وياك بالنسبة لمشاركتي في موضوعك ..

بس احب اني اوضح شي سبق اني وضحته من قبل .. اني مب من المعارضين لتعدد الزوجات مثل ما تفضلت وذكرت .. بس انا أحب ان كل شي نسويه في حياتنا يكون له أسباب .. ومن أهم هالأمور .. الزواج الثاني .. أو التعدد ..


يعني من ناحية الدين .. ما جد سمعنا انه في حد من السابقين تزوج مرة ثانية أو أكثر .. لانه يدور عن حب مب موجود في زوجته .. أو شي يكون قريب لمشكلتك .. هذا من ناحية الدين ..

وأما من ناحية العرف .. أعتقد انه في هالزمن زوجة وحدة .. وأولاد في النص ((وايد)) .. لان الزمن تغير .. والكل الحين يلهث ورا لقمة عيشه..!


والله يدينا وإياك ...


والسموحة مرة ثانية . أرجو انك تتقبل اعتذاري



وا

أخي الفاضل..
ما خاب من استخار..
وكل أمرك لله واستخير ..
وأنت اعلم بحالك منا ..
على أني كرأيي الشخصي أتمنى لو تفاتح زوجتك بما تحسه وتضع أنت وإياها أسس لاستمرار حياتكم أو تحاول إجراء بعض التغييرات أنت وإياها من باب التجديد وزيادة المحبة بينكم..
فكر بعصفورة بالشجرة بدل من ان تهدم علاقة طيبه ومتينه ..بعلاقة وهمية في نسج خيالك ..
والله أعلم..


أخواني وأخواتي في المنتدى أزداد فخراً بإنتمائي لهذا المنتدى عندما رأيت الإجابات التي احتوت على نصائح قمة في الروعه .. جزاكم الله خيراً

حرام عليك

كيف لو أخذت وحده أنت تحترمها وهي لا تقدرك

السلام عليكم ورحمة الله وبركاته ..

تبي النصيييحححه..ابشر فيها ..بس عقبها ابي منك طلب

يااخي الكريم..زوجه تحب اهلك..وحاطه امك على راسها ..ومحترمه ابوك الين توفاه الله ...وتحب اخوانك..ويحبونها..وحافظتك..وحافظه عيااالك..ومدخلتهم مدرسة قرآآن،..من كثر مو مهتمه فيهم..

وتعرف انها تحبك... وتبي تتزوج عليها ..؟؟

ليش..شنو السبب..تبي الحب..؟

انت اصلا ماتعرف الحب..انته لو تعرف الحب ..صدقني بتعرف ان الجوهره اللي عندك اهيه الحب كله واهيه اللي تستاهل الحب ..اذا اصلا انته تعرف الحب

اعذرني بالكلام هذا بس يااخوي والله ترفع الضغط..

عدني واحد من اخوامك..ولوا اني ماخاف الله ماكنت اتكلم معاك بهالطريقه هذي حرصا على ان الكلام هذا يأثر فيك..

بس والله يااخي انت غلطان..واتصور لو انه زوجتي بهالمواصفات..وردت علي بنفس الجواب اللي سمعته من زوجتك يوم فاتحتها بالموضوع..والله تنكسر عيني ..ولا اقدر اطالعها مره ثانيه

يااخي قدر الجوهره اللي عندك..واعرف ان اذا تبي تحب وحده..وتتزوج عشان حب..فاعرف مادام انك ماحبيت المرأه اللي تستحق تنحب ..عمرك ماراح تحب..لان فاقد الشي لايعطيه..واتصور انك فاقد الشي هذا يااخوي..

العذر والسموووحه

بس بغيت اقووولك..شي ..

واسمحلي بهالكلمه..هذي ..ان لو مافي بالي وحده..واتمنى آآخذها ..لكنت تمنيتك تطلق زوجتك..عشان آآآخذها..

والسمووحه اذا كلامي ..اغضبك..بس الموضوع يستاهل..وانته تبي النصيييحه..

وعدني واحد من اخوانك..ونصحتك بقلب يخاف من الله

والله يوفقك لصالحك..ويفتح علييك

الاخ سكوتر

الاخ BADOW TOY

صدقوني انا متقبل انتقادكم لي بصدر رحب و بروح رياضيه لاني ما طرحت موضوعي الا عشان اشوف اللي معي في الفكره و اللي ضدي و كنت متوقع تجيني ردود من الطرفين .....

بالنسبه للاخوات.. بسمه النهار... و السمو

انا ما قلت اني ما احترمها انا احترمها و لا ارضى ان احد يزعلها ....لكن انا في بدايه الزواج قلت مع الوقت تجي المحبه اصبر و صبرت بعد كذا الشي اللي خلاني انفر انها صارت مثل الامم المتحدة كل من صار عندة مشكلة و لو كانت بسيطه اتصل تلفون او جاء للبيت عشان تحلها له ( بما انها في سن بنات اخواتها و اخواتي وبناتهم) و اللي تبى منها طبخه و اللي تبغى ترسم لها موديل فستان و اللي تبغاها تقص شعرها و باقي امور الحريم اللي انتم عارفينها ..... و كل هذا على حسابي و من وقتي و لو كانت مشغوله مع الاولاد قلت معليش عيالي اصبر و اتحمل .... و احيانا يجي اتصال اخر الليل وقت النوم و ممكن اني انام وهي ما خلصت حل المشكله (كوفي عنان ) و السبب في هالشي طيبتها الزااااااااااااااااااااااااااااااااااااااااااااااا اااايده .. و لما اناقشها تقول صعبه انهم يتصلون فيني ولا ارد عليهم يمكن محتاجيني بشي ضروري... انا معترف و الله بطيبتها و حبها بمساعده الاخرين و اخلاقها العاليه .. بس مو لهاالدرجه ...

وانا كلمتها بخصوص هالشي اللي صار يضايقني كثير لكنها تقول انا ما اقدر اغير طبعي هذا شي غصب عني اسويه يعني تبغى الجميع يكون مبسوط وهذا صعب .. صعب .. صعب ..... وكله جاء على راسي .

اتمنى ان الصوره اتضحت للجميع و ليش الفكرة تدور في راسي ( وكل شي زاد عن حده انقلب ضده )



اتمنى للجميع التوفيق

اخوكم ابو مروج

يـــــــــــــــــــا أخــــــي اتزوج يوم انك مش حـــــــــــاس بالنعمه الي انته فيها وهـــــــــاملها........

يعنــــــــي وبالعاميــــه (( رافس النعمــــــــه برجوولــــــــــــك ))


جررررررب اللوعه بين ثنتيــــــــن وبعدين اتشكــــــــــــــى...






اسفه عصــــــــــــــــــــــــــــــــــــــــــــــــ ـراحتي والله يهديــــــك

__________________