13-11-2008, 12:40 AM
|
المشاركة الأصلية كتبت بواسطة sa33
السلام عليكم ورحمة الله وبركاته أختى الفاضلة
حاولت مرارا أن أبتعد عن صفحتك والا أكتب بها ردا يمكن أن يزيد من مشكلتك بدلا من أن يحلها لكن لم أستطع فقد أحسست آهات صدرك وأنات كلماتك فلم أتمالك نفسى وقررت الخروج من صمتى ........... ونقلت كل ما كتبتى على صفحة واحدة حتى أستطيع أن أربط كل كلامك وأفكارك معا لعلى أصل لنتيجة. قلتى أولا أن زوجك قال أنكى لست السبب فى زواجه ولم تقصرى معه بإعترافه ( مما زاد حنقى عليه فعذره أقبح من ذنبه) وأتساءل ماذا يريد رجل أعطاه الله الزوجة الصالحة بعد حب دام 4 سنوات وأعطاه البنون والبنات ( ولدة وابنته حفظهم الله) ما الذى ينقصه ...... لا بد أن تعرفى أختى ما الذى ينقصه كى يتطلع لأمرأة أخرى ثم قلتى أنك لم تستطيعى تحمل الألم وتركتيه وسافرتى ولكن بمجرد أن شاور لكى وقالك تعالى وحشتينى ما أقدرش أعيشمن غيرك ........... حدتى المسافه جرى وطيران لعنده !!!! ماذا دهاكى أنسيتى ما فعله أم نسيتى ما سيكمل فعله بعد أشهر وربما أسابيع أو أيام ..... هل لهذه الدرجة هانت عليكى نفسك . ده حتى ما راضاكيش .ماجاش لحد عندك وبكى قدامك وقالك سامحينى غصب عنى وأرجوكى ارجعى معايا و اذا ما عملتش كل اللى انتى عيزاه ابقى أمشى. ده بعت لك انتى اللى ترجعى وأنتى عادى رجعتى وفرحانه بكلمة حدفها لكى!!!!!!!!! ورجعتى فى مشاركة تانيه تقولى : طيب صار موقف امس هل لاننا متزوجين من 5 سنوات معناها راحت عليا للعلم انا مازلت مهتمه بنفسي وشكاي لا يدل علي اني متزوجه وعندي طفلين وهو داخل ينام ماسك جواله ليرسل لها "تصبحين علي خير " وانا لم يقولها لي ولما عاتبته جاء وقبلني وقالها لي ولكنها وكأنها تأديه واجب وقال لمازا لم تأتي انت وتقولي لي فسكت لأنه يعلم أني افهمه جيدا هل مش من حقي ازعل مازا افعل لأكزن اقوي من زلك طبعا من حقك تزعلى وتتقهرى كمان بس من حقك أكثر إنك ما تسمحيش له يرسل لها فى الجوال وهو قاعد فى بيتك ولا يكلمها وهو فى بيتك وحطى تحت بيتك ألف خط لكن أيضا أنا مش فاهمه ازاى هانت عليكى نفسك تقولى له قلى تصبحى على خير زى ما قلت لها ...أنتى أصلا ما تقارنيش بينك وبينها أبدا أنتى الأصل وهى الصورة أنتى المالكة الحقيقية وهى الحرامية اللى بتبنى بيتها على دمار بيت غيرها أما هو فهو اللى أعطى لها هذه الفرصه وبدون إبداء أسباب .... يا أختى لو جوزك دخل عليكى دلوقتى البيت ومسكك ضربك هتعملى ايه ؟ أول حاجة تعمليها انك هتسأليه ضربك ليه لازم يكون فيه سبب وبعدين لو قدرتى تدافعى عن نفسك هتدافعى وده المطلوب منك دلوقتى إنك تسأليه عن السبب الحقيقى وتعرفيه تعرفى انا والله بأقول يمكن بيضحك عليكى وما كتبش كتابه ولا حاجة لكن بيختبرك او بيستفزك وانتى ممكن تتأكدى ان كان عمل كده فعلا ولا لسه لكن بعد كده رجعتى تانى تقولى انه بيقول لك ان انتى السبب فى جوازته التانية وانه كان مكن يأخرها خمس سنين يعنى انا مش فاهمه هو اصلا لما أخدك كان معرفك انه هيتجوز بعدك سواء بعد سنه ولا عشره يعنى هو مبدأ عنده فى الحياة انه يتجوز تانى سواء كان عايز ولا مش عايز .......... انتى هنا لخبطينى وما عدتش عارفه ان كنتم متفقين من قبل كده ان فكرة الجواز التانى واردة عندكم ولا ايه وبعدين هو قال لك انه بيشعر بالأمان لوجوده جنبك ........... بجد انسان متناقض............ لما هو بيشعر بالأمان لوجوده جنبك ساب الأمان ده ليه وراح يدور عليه عند واحده تانيه....... إسمحى لى شاكله عارف ازاى يضحك عليكى بكلمتين ويخليكى تمشى ورا عمايله اللا منطقيه بمعسول الكلام. وأين أمانك انتى واحساسك بالأمان وهو بجوارك انكان سيعطى هذا الجوار لغيرك ثلاث أيام فى الإسبوع هذا ان عدل ويتركك انتى وحيدة أفكارك وهواجسك وصاحبة دموعك وآلامك وهو يتلذذ فى نعيم الله غير مبالى بجرحك الذى ينزف وبدون أن يبرر لكى لماذا جرحك وتجنى عليكى. ورجعتى تانى تقولى انه اتعرف عليها وانتى حامل ببنتك وكان بيخرج معاها وانتى عارفه وساكته .......... يبقى تستهلى كل اللى جرى وبيجرى لكى ......... كأن أنا أعرف ان جوزى بيمشى مع بنت وسايبنى وأسكت والله كنت قومت الدنيا مش بقى غيره على نفسى ولكن غيرة لحرمات الله التى تنتهك والله عال . انتى بسكوتك وخضوعك ده خليتيه يعمل ما بدا له ولا هامه وبكره يجور على حقك وانا متأكده انك برده هتسكتى !!!!!!!!!! ماهى اللى سكتت فى الأول هتسكت على طول. وبعدين كتبتى ما كتبتى عن حبك العظيم له وانا لا انكر ابدا عليكى ذلك ولا الومك عليه فهو اول رجل بحياتك وابو اولادك وحبيبك وكل حياتك لكن مع الأسف انتى لستى كل حياته ولست حبيبته الوحيدة على الأقل ............. فقد استطاع ان يفتح قلبه وعينه لأنثى ثانية سيعطيها ما يعطيكى ويشاركها ما يشاركك............ أختى أنا بالنهاية لم أقصد أن أقسو عليكى لكنى قصدت ان اوضح لكى الصورة كاملة من منظورى انا فأن أكره ما أكرهه أن يحب زوجى غيرى أو يتزوج من أخرى أى كانت أتعرفين لماذا ؟ لأنه الأكسجين الذى أتنفسه والذى لن أسمح لأخرى بأن تأخذه لتتنفس هى وأختنق أنا وأموت لن أسمح بهذا ابدا........ وأن كان ولا بد فاعلا سواء رضيت أم أبيت هنا لن يكون موتى بارادتى بل سيكون هو من خنق علاقنا الزوجية حتى أرداها موتا وهنا سأطلب الطلاق وبكل قوة وصمود ولن أتردد ولو للحظة فكونى أعرف انه خرج من حياتى واننى سأنام بمفردى فى غرفتى لن يقتلنى ولكن ما سيقتلنى حقا ان أنتظره طوال الليل أن يفتح على باب الغرفه فى كل ثانية ويطلع الصباح وانا لم انم وهو لم يأتى ولم يفتح باب الغرفة أتمنى أن تكونى قد فهمتينى وأن تعيدى التفكير فى حياتك بعقلانية وأن تبعدى حبه من قلبك وأنتى تفكرى بمستقبلك ومستقبل ابنائك كما أبعدك هو من تفكيره وهو يخطط للزواج من أخرى. دمتى بكل الود. |
| مواقع النشر |
| الكلمات الدليلية |
| الله, بارك |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
