صراحة انا بلأول كنت اقول

يمكن يبي يعلمها تحترم امه

بس انه جفس مايعرف يتعامل

لأن اغلب الرجاجيل لو مايشوف

امه إلا2بالسنه وهو معها بنفس البيت

لازم يستقوي في البدايه وكل شوي امي امي

لكن......يوم قال سالفة نوره

شي غريب

وانتي فبي بالك واحد

شكله شايف بنت وعجبته

وردته البنت

وهو متعلق فيها بس لهم شي

لاتسمحله يناديها بنوره>>>>من وجهة نظري

والله يوفق المسلمين اجمعين ويسخرلهم ويغفرلهم

شكله خايف في يوم من الايام انه يقول لها نوره بالغلط وتشك فيه
فسوى هالحركه عشان من البدايه يبين لها انه يحب هالاسم
والله العالم ان شكلها في محله

ويمكن يكون مغصوب عليها وماحبها
قولي لصديقتك لاتوقف عن الاستخاره حتى في ليلة الزواج
وحتى لو كانت مرتاحه ومبسوطه معه .. لاتترك الاستخاره
وان كان فيه شي راح يوضح

هذا تطفيش من البداية و الله يعينها

معليه ، أحسه وقح الصراحة

و بالفعل لابد لها من الإستخارة مرارا و تكرارا

شخصية غريبة وأنا لو مكانها ما راح اسكت له واذا ما اتعدل هتركه اكيد

__________________

يا مقلب القلوب ثبت قلبى على دينك

تصرفها معاه تصرف صح

زين اللي ردت عليه هالرد

ولا تسمح له يفتح لها الموضوع هذا بالمرة

تحاول تنسيه

وانصحها تفرض عليه احترامها وتقديرها من الحين

لأنها لو استسلمت لعنجهيته راح تتعب وااااااايد بعد الزواج

خاصة مع رجل بهذي الشخصية

صدقيني أهم شيء تعوده وتفرض عليه احترامها

اذا تفاهم كان بها واذا ماوده يتفاهم ويحترمها

هي في بداية الطريق وللحين ما صار شيء بينهم

ويغني الله كلا من سعته

صدقيني اللي يعاملها هالمعاملة الحين في اجمل أيام العمر

ايش بيسوي عقب الزواج ....بتتعب معاه وااااايد والله أعلم

الصراحة الله يعينها ويبصرها ويقدر لها الخير .

والله أعلم ان هذا الرجل:
1- قروي (يعني على نياته) ولايوزن الكلمة قبل مايقولها.
2- ذكي جدا ويحاول يعمل لكي اختبارات.
3-

المهم مهما كان تحليلنا ياريت تعلقي الكلام اللي راح اقوله حلقة بودانك (أذنك)
لا تقولي لنفسك أصبر وبكرة يمكن يتغير
بل قولي لنفسك هو سيضل طول عمره كذا فهل هذا سيناسبك أو لأ ، لازم تقرري من الآن ، وأحمدي الله ان هاذي الامور صارت قبل الزواج وقبل الدخلة وقبل مايجيكم أولاد
لاتكرري غلطة واحدة أعرفها تزوجت واحد فيه إشكالية معينه من أيام الخطوبة ، وحاولت معاه شتى الطرق ولكن بدون فائدة وعلى فكرة طلع بزوجها بعد الزواج إشكاليات أخرى وأسوأ وكلها مرتبطة بالإشكالة الأولى
والان عندها طفل عمره 3سنوات وتفكر بالطلاق وأهلها ساعين الآن لإرغامه بالطلاق
هنا نسأل نفسنا سؤال
وش ذنب الطفل؟

بالنسبة لحركته مع أمه

فواجبها تحترم امه وتعتبرها امها




اما حركة الاسم


فربما ارتباك
أو بيمزح
وبيكحلها

عماها

ماظن على نيته لنفرض انه على نيته لما قالهااول مره بس يطلب يناديها فيه !!!!!!!!

خل تخليه شكله مو مضبوط الله العالم شوراه

وبينى وبينج ماسوا لها قيمه قدام الناس تبينه يقدرها بعد الزواج






خوش موقف والله استغفر الله ذكرنى بأبو الشباب كان ينادينى مى << من زينه بس وقفته عند حده
اهلى مسمينى يجى يغيره ليش هو بكيفه


الرجاء التزام الجديه في الحوار
فيافي

__________________

والله لو انا منها ما اقعد معاه ولا يوم يعني من اول الايام يقولي كلام يسم البدن اجل لمن يتزوجو ايش حيقلها
مسكينه الله يعينها

للتكن نظرتها ايجابية ..ومتفائلة .. هذه بداية الطريق ..يمكن يكون الشاب متوتر ومرتبك ..
عليها أن تتفائل بالخير ..ولا تجعل لمواضيع صغيرة مثل هذه لها حيز من التفكير ..ولكن لا يمنع أبداً وبأسلوب لبق وجميل أن تتناقش معه لتفهم لماذا فعل ذلك لتكن على قدر من الحكمة لتتفاعل مع الموضوع بما يستحقه.. عليها ان تسعى جاهدة لتغيره إلى أفضل واحسن حال..واحترام والدته لا احد يكره ذلك بل بالعكس ..
وفقها الله وكتب لها الخير والسعادة ..