حبيبتي إنتي .. والله ما زعلت .. أشعر بقهرتك وحزنك علي ..

ولكن أليس من أمل ولو حتى قليل أن يكون قد راجع نفسه وانتبه إلى تصرفات أمه

التي خربت بيتنا فيندم ويتغير ويحاول إصلاح الأمور؟

هو لا يريد أبدا أن يفهم أين خطأه. بل أنه مقتنع تماما أنه لم يخطئ بالمرة في أي شيء. وهذا ما سيجنني!

بل أنه على قناعة تامة أنني أني المخطئة لأنني أدخلت أهلي في موضوع الطلاق.

يعني بالله عليه، هل كان يعتقد أنني سأواجه موضوع الطلاق هذا لوحدي من دون أهلي معي؟؟؟؟

تفكيره غريب .. أشعر أنه خبث ولؤم مع بعض الغباء أو الاستعباط ... لا أدري !!

اسمعيني ، إنت تبغيه و هو يبغاك

قلت لك خليك ذكية و تعلمي كيف تتصرفي .. الصراحة مو كل شئ و لا المكابرة لإنه بيت راح ينخرب
لا أهله ينفعوه ، و لا أهلك ينفعوك

الرجال يحبك ، بس قلبه مجروووووووووووووووووووووح منك و من قسوتك عليه .. و هو خايف منك
صدقيني ، هو ما يتصل لإن أهله يعبوا راسه .. و لإنه خايف يتصل و تذليه في المستقبل ..
هو يفكر بقلببببببببببببببببببببببببه ، هو انسان ما يفكر بعقله صدقيني

إنت تحبيه ، و إنت تفكري بمنطق و كذا .. لكن الشئ هذا ما يمشي مع زوجك
إذا اتصل ، خاطبي مشاعره ، مو عقله .. خاطبي احاسيسه ، مو منطقه أبدا ..

كان ممكن أقول لك إنه خلاص تطلقي منه إذا إنت كارهته ،، إذا كنتوا في فترة الملكة ..
لكن زوجك سهلللللللل جدا تكسبيه إذا عرفتي مفاتيحه ..

مفتاح زوجك هو قلبه و اهله :
تعرفي لييييييييييييييييييييه يعز أهله و ما يشوف بعينه حركاتهم ؟؟؟؟؟ لإن قلبه حنون و عاطفي ..
لإنه شايفك تصرخي عليه و تعصبي .. و الشئ هذا بيعمي قلبه ..
فيقوم يعطف على أهله و يشوف إنه هو الشخص اللي فاتح لهم قلبه


الأمور اللي حصلت من مشاكل في المرة الأخيرة .. لإنكم حليتوها بالقوة ..
إنت و أهلك شديتوا و هو و أهله شدوا ..

تعاملي بحكمة أكثر ، مو بالعناد ..
الزوجة تبغى في الأخير حضن دافئ تنام عليه ، و هو حضن زوجها .. و يد حنونة تطبطب عليها ..
أنا ماني عارفة بالضبط إيش ميزات زوجك ،، لكن حسيت بها من طريقة كلامك و تخيلته مثل زوجي في طبايعه أغلبها ..


زوجك شايف صح اللي بيصير ، لكن يكابر و ما يعترف .. لإنه يخاف يتكلم و يخاف تجرحيه و يخاف تذليه
إنت صح ما تقصدي تذليه ، لكن هو يفهمها كذا .. هم تفكيرهم غييييييييييييييييير عننا

اقري عن الرجل الجنوبي و راح تفهمي كلامي ،، لإني يوم قريتها فهمت زوجي أكثر ..
و إنت شخصيتك يمكن شمالية مثلي ؟؟؟ الله أعلم

و استمري في الإستخارة ..

و بأعطيك قصة بما معناها ، بس الحكمة في المعنى الأخير من القصة .. مو من الشخصيات ..
قريت قصة مرة ، إنه هناك حيوان ،، هو حمار و الله يعز الكل ،، بس القصة كذا
( لإنه معروف الحمار جدا عنيد ،، بس راح أقول حصان )

الحصان هذا يا ستي ، ماكان راضي يتحرك من مكانه و لا راضي يدخل بيته .. الأب و ابنه يدفوه ، يضربوه ، يصرخوا فيه ..
مافيش أمل أبدا ..

جات الأم أقصد الزوجة ، و قالت لهم .. اتركوه و أنا راح أخليه يدخل بمزاجه ..
جابت قطع سكر ، و صارت تأكل الحصان و صار يمشي معها لحدددددددددددددددد مادخلته بيته من غير ما يحس

فإنت تعاملي بهذه الحكمة مع زوجك ..
دام إنه أصلا أصلا أصلا مثل ما فهمت منك ، يحبك .. يمكن قال بأطلقك في لحظة زعل و عناد ..
لكن اعتبري اتصاله الأخير هو اعتذار .. لإن الرجال كذا اعتذارهم ..

----------------------------------

القصد من القصة اللي قلتها ، لو قلتي لزوجك بيننا محاكم ، فما راح تستفيدي شئ ..
راح تاخدي حقوقك و فلوسك .. لكن هل الفلوس و الأغراض بتفيدك ؟؟؟؟ راح تشتري لك راحة البال ؟؟؟؟
صح راح تقهري أمه و كذا .. بس إذا ضمنتي إنه اللي راح يتزوجك مثلا أمه حالها حال نفسها و طيبة ..
هل راح تضمنيه هو ؟ كيف بيكون معاك ؟؟؟؟؟؟؟؟؟؟؟

و كمان هدف تاني من القصة ، لو قلتي لزوجك اعتذر من أهلي ..؟؟؟؟؟ ما راح يعتذر
لإنه أصلا مجروح منك .. و حاسس إنه رجولته مجروحة بعصبيتك معاه ..
( أدري معاك حق في العصببية و كذا .. بس قلت لك هو يشوف من قلبه مو من عقله ) ..
فراح يحس إنه إذا اعتذر من أهلك ، إنه راح تذليه ، و راح تنكسر كرامته و كذا .. هذه نظرتهم هم ..
و اللي مثل زوجك يخاف من المواجهة ، فلا تحطيه في موقف حرج ..
يكفي إنه أبوك يعامله برسمية و كذا .. و إنت بذكائك بعدين ممكن تصلحي بينهم ..

أبوك تصرفاته طببيعيبة ، أي أب راح يعمل كذا .. لكن زوجك يفهمها بطريقة تانية ..

المهم ..
هو ما يعتذر لأهلك ، و إنت لا تعتذري لأهله ،، بس مو تقولي له ما أبغىى اعتذر من أهلك ..؟؟؟؟
اعتذري لزوجك و اقبلي بشروطه ، مثل ما الزوجة تعاملت مع الحصان .. أعطته اللي يبغاه .. أعطته السكر ..
و بعد كذا ، أسحبيه للشئ اللي تبغيه و من غير ما يحس

و المشاكل اللي حصلت راح تكون كمان من صالحك / لإنك إذا رجعتي لزوجك فخلاص أهل زوجك راح يعرفوا دحين
إيش هي حدودهم ..

هذا رأيي ..
لإنه مثل ما قلت لك ، كان ممكن وضعي بيصير مثلك و أكثر إذا اني جلست في السعودية و ما سافرت ..

اهله بس فرحانييين في أول أخ و ابن لهم يتزوج ، و مايعرفوا إيش هي حدودهم ..
الناس اللي كذا ، لا تواجهيهم لإنك ما راح تستفيدي .. اكسبي زوجك و خاطبي قلبه مو عقله

و نصيحة مني ؟
في قسم الإستشارات الخاصة هنا .. اطلبي الأخت أم عبيد الله .. و الأخت الصائمة لله ..
و هم راح يعطوك حلول بإذن الله راح تفيدك أكثر .. و ما راح تندمي

الحروف ناقصة ، علشان ولدي قالع الزراير

كيف أتأكد يا روح الطير أنه بالفعل يحبني ؟؟ سأجن وأعرف إن كان يحبني فعلا أم لا!

المشكلة أنه كلما تشاجرنا قال لي أنه يريد الانفصال، ويطالبني بأن أبادر أنا بإجراءات الطلاق لكي

أتنازل عن حقوقي.

كل مرة نتشاجر أذهب فأعتذر منه حتى إن كان هو المخطئ، ومهما حاولت التواصل معه

لأبين له وجهة نظري أظل أنا المخطئة في نظره

وكل مرة أعتذر منه يقول لي سأعطيك فرصة أخرى، فإذا تشاجرنا مرة أخرى هذا يعني أننا يجب أن نتطلق

أعادها على مسامعي مرار وتكرارا، حتى أنه بدء في الهجر، وأحيانا يبيت في غرفة مجاورة

والآن يتصل بي من الخارج يقول أنه اشتاق إلي؟ ما معنى هذا ؟؟

على الأقل (على الأقل) أود أن يذهب بنا إلى منزل بعيد عن أهله وأهلي، ولكنه لا يريد !

فهل تعتقدين أنه يحبني يا روح الطير؟

أحيانا الرجال عليهم تصرفات غريبة عجيبة .. لا تعرفين ماذا يريدون!

اها ، ما انتبهت لكلامه هذا لك ..

اممممممم هل هذا كلامه هو ، و لا تحسي إنه كلام أهله و جاي يطبقه ؟؟؟؟؟؟؟؟
يمكن وقتها استهان بك ؟ و أهله استهانوا بك ؟ لكن بعد المشكلة الأخيرة .. بدأ يحسب حساب ؟؟؟؟


تدري ؟
المشكلة إنك تحبيه و لا كنت قلت لك ، لا تفكري فيه و تطلقي منه
لإنه لو مكانك ماكنت تحملت أبدا، و معليه .. مافيله شئ يخليك تتمسكي فيه
يعني زوجي كان أقل لها يقولي اصبري و والله أعوضك و أنا حاس بك و فترة و اهلي يتعودوا على إني تزوجت و كذا
و أنا شايف و الله إنك مو مقصرة معهم أبدا ، طيب ما يكفيك إني مقدر الشئ هذا ؟؟؟؟؟؟

ازعاجاتهم كانت من تحت لتحت .. هي أمه الصراحة كانت كذا ..

يعني - عن نفسي أتكلم - .. لو زوجي قال لي لا سمح الله الشئ هذا اللي يقوله زوجك ..
كنت شفتيني على طول في بيت أهلي و لا أطالع في وجهه .. لإنه اللي يبيعني أبيعه ..
أتاريني طلعت أعند منك

إنت عاطفية و حساسة ، لكن تكابري .. و تظهري قوتك علشان ما تبغي قلبك ينجرح ..

----------------------------------------------------

طيب لا ألخبطك دحين :

1 - لو كنت مكانك أنا ، كنت ما استمريت أبدااااااااااااااااااااااااااااااااااااااااااااااا ااااااااااااااا و كنت دعست على قلبي
سواء أنا اللي كنت السبب في عصبيتي أو لا .. لإنه عصبيتي راح تكون بسبب تصرفاته هو و أهله
لو كنت مكانك ، فلا تلومي نفسك ..

2 - العقل يقول لك ، اتركيه ،، اللي يسمع كلام أهله و يمشوه على كيفهم و ما يحسبوا له حساب ..
هذا الصراحة الحياة معاه جحيم

3 - إذا ، و أقول لك إذاااااااااااااااااااااااااا .. عندك طولة بااااااااااااااااااااااااااااااااااااااااااااااااا اااال و صبر
و تحبيييييييييييييييييييييييه و تبغيييييييييييييييييييه .. وقتها ايش بيدنا نقول لك ؟ : (
و أنا كتبت نصايحي اللي فوق على اساس إنه اتصل علشان يبغاك و إنت تبغيه ؟ : (

حبيبتي إنتي روح الطير والله ما قصرتي،

صدقتي والله عندما قلتي إني عاطفية وحساسة بس أكابر ،، فعلا فهمتيني ...

وصدقتي جدا بعد لما قلتي كانوا مستهنين فيني بس بعد المشكلة اللي صارت سوولي حساب ...

خاصة أمه أستغفر الله العظيم .. لأني والله كنت أحسن معاملتها سواء برياراتها لنا أو زياراتنا لها ...

كرامتي وكرامة أهلي ستظل مرفوعة بإذن الله، ولن أسمح لأي أحد بالتعدي عليها ...

أنا الآن أمام خياران .. إما أن يظهر لي بالفعل أنه يريدني أو أن ألجأ إلى المحكمة فعليا والله المستعان

لأن عزيزتي روح الطير .. أعرف أن المرأة هي العنصر المضحي دائما، ولكن عندما تصدر تصرفات همجية كتلك التي

صدرت من زوجي، لا بد وأن تتخذ المرأة موقفا يحفظ لها كرامتها لكي يعمل لها هو وأهله ألف حساب،

ويصبح هنا دور الرجل هو المهم. فإذا كان هو من بدأ تلك المشادات لا بد وأن ينهيها هو بطريقته كرجل

وإلا .. فلا فرق بيني وبينه .. وإلا فستندثر كرامتي للأبد .. وسيتجرأ علي هو وأهلي مرة وإثنان وأخرى ...

ومن كلامك وكلام العضوات والأعضاء - الله يخليكم لي يا رب - بالفعل استنتجت أن ذلك هو التصرف السليم

أن أظل صامدة وعلى موقفي، ولا أرد على مكالماته، ولا أعطيه مجالا للحديث .. وإن أراد فليقصد والدي

أو ليطلق مع إعطائي حقوقي، وإلا فالقاضي يحكم لي بالعدل إن شاء الله.

وفي جميع الأحوال، أنا تعلمت جيدا من درسي هذا، وسيكون إن شاء الله لي أسلوب جديد في التعامل

سواء مع نفس الشخص أو شخص آخر في المستقبل لو كتب الله لي

أختي علمني حبك

الخسران هو اللي ما يستفيد من أغلاطه ، لكن الكسبان هو اللي يتعلم من أخطائه
و إنت أخطائك ماني شايفة فيها شئ ،.

العصبية ؟ كلنا بنعصب مرات على أزواجنا .. خاصة أول سنة زواج ..
و الحمد لله بنتعلم كيف نسيطر بعد كذا على نفسنا .. فلا تلومي نفسك ..

قولي الحمد لله ما جبت أطفال منه إلى الان .. و لا كانوا ذلوك به و أهلك ..


فيه معلومة اكتشفتها الصراحة .. هناك ناس كل ما احترمتيهم كل ما قدروك أكثر و احترموك ..
لكن هناك ناس تنظر للشئ هذا على إنه ضعف ..

كنت أسكت زمان و ما أتكلم أبدا و احترم الكبير و كذا، مو ضعف و لا خوف.. لكن زاد الوضع الصراحة معاي ..
اخر شئ رديت و تكلمت و أعطيت بالوجه من جدددددد و ارتحت اخيرا ..
و من بعدها الكل يحسب لي حساب و الحمد لله .. و عرفوا إنه سكوتي كان مو ضعف أبدا و لا خوف ..
فهناك ناس زي كذا طبعهم ..

بس اللي صبرني وقتها مثل ما قلت لك ، إنه زوجي كان معاي ..
و عن وضعك ، لو كنت مكانك ما كنت جلست ثانية .. بس أنا كذا طبعي يمكن إنت تختلفي عني .. : (

أنا طيبة لأبعد حد و مسامحة جدا لدرجة السذاجة مرات .. لكن إذا أحد تقصد يأذي و تعمد و كررها ..
انتقامي صعب جدا .. أعرف حالي .. أثور لكرامتي و كرامة أهلي ..

نقطه مهمه .. والدته اتهمتكِ بالشرف .. ياليت رفعتي عليها قضية (قذف) في المحكمة كان عرفت زين تتكلم ..!!

صراحه بعض المرات الواحد ينقهر من مايسمع ..!!

__________________
كيف اقاوم الهم والألم. بالسجود راحة واطمئنان.

نهاية نوال..!

روح الطير .. من صدقك؟

يعني أنا تصرف صح يوم خليتله البيت ومشيت من كثر ما طلب مني الطلاق؟

طيب هل تتنازلين عن حقوقك من متعة وعدة ونفقة، ولا تتمسكين فيهم؟ شنو رايك؟

العزيز الثنيان ..
هي امرأة كبيرة في السن اكتفيت بأن تحسبت عليه وعليها وعلى أهله جميعا

وبعدين أنا من صدمتي بعد الكلام اللي قالته والله ما قدرت أفكر بشي

المصيبة يوم إني كلمته وقلتله ترى والدتك قالت كذا، قالي انتي غلطتي عليها أول خليها تقول اللي تقوله

وسكر التليفون !!!!! انصدمت زيادة صراحة

وأنا ما غلطت عليها، أنا بس قلتلها رجعولي أغراضي.

حسبي الله ونعم الوكيل .. انتقام ربي إنشا الله بيكون شديد

حبيبتي علمني حبك

إنت عاطفية ، إنت تشتاقي للحب و الحنان ..
لكن حب و حنان مع ذل و إهانة ؟ ما صارت .. !!!!؟

العمر واحد .. و الرجال يقول لك بأطلقك ؟ فين الإحساس بالأمان ؟ هذا استعباد الصراحة ..
عندهم مفهوم الإحترام غلط في غلط ..
ما يدروا إنه هناك فرق بين شخص يحترمني لإنه يحبني و شخص يحترمني لإنه خايف مني ..

أنا شخصيتي غير عن أخواتي .. فلي نظرة مختلفة .. و يمكن ما تعجبك ؟
أنا ما همني كلام الناس و لا المجتمع أبدا، أهم شئ عندي إني ماأخالف كتاب ربي ..
فما عندي إنه الحرمة ما تتطلق علشان الناس إيش تقول عنها ؟ و الناس و الناس ..؟؟؟
هذه حياتي أنا اللي راح أعيشها بالطول وو العرض .. يوم أبكي و اشتكي .. أحد راح يفيدني غير ربي ؟؟؟؟
خلاص ماحد له دخل فيا ..

جربت الناس يوم أكون مبسوطة و سعيدة يتلموا حولي .. يوم أمر بحزن وو كرب .. ما ألقى غير ربي ..
علشان كذا .. فكري ( إنت إيش تبغي )؟؟؟؟؟؟؟؟؟؟؟؟؟؟؟؟

خليك صريحة مع نفسك ..
( أنا فلانة ، إيش أبغى بالضبط ؟؟؟؟ )

اتذكري حياتك كيف كانت قبل ما تتزوجيه و قبل لا تعرفيه ..
اتذكري إيش كانت طموحاتك ؟ و مخططاتك ؟ ارجعي لحياتك و ذاتك ..
إيش اللي يخليك تعيشي مع شخص لا يقدرك و لا يقدر أهلك .. و ماشي زي الخاتم في أصبع اهله ..
أنا حسبته اتصل عليك ندمان و يعتذر بطريقة غير مباشرة ..
بس هذا جبان ،، يبغاك و نفس الوقت مستحيل يرفض أي شئ لأهله ..
خلي أهله ينفعوه .. يبغوا يمسحوا شخصيتك و يلغوها ..

سلفتي زي كذا ، أهل زوجي مسيطرين عليها و مشغلينها زي الخدامة عندهم..
يعني ياليت هناك تقدير و احترام لها ؟ لا ..
تجي تكنس و تطبخ و تغسل وووو .. في الأخير برضو ماهي عاجبتهم .. و يروحوا الأهل و يقربعوا بيتها و هي تنظف و تسكت
و أخو زوجي زي زوجك يسمع كلام أهله ، يضربها لأتفه سبب و يمشي وراء كلام أهله ..
في الأخير ايش استفاد زوجها ؟ عايش تعييييييس مع زوجته .. لإنه ماشي وراء كلام أهله ..

و الحمد لله إنه هذا هو السبب اللي مخلي زوجي كذا ما يبغى يصير مثل أخوه ..
لكن إنت على حظك إنه زوجك هو أكبر واحد .. يعني ووراك وراك و ما راح يتركوك لحد ما تصيري عندهم أمة ..

إنت حبيتي الحب اللي شفتيه منه في أول سنة .. و تبغيها ترجع لك ..
لكن ما راح ترجع طول ما أهله موجودين و متحكمين فيه ..

قريبتنا من أرحامنا.. تزوجت واحد مطلق زوجته الأولى بسبب أهله .. أبوه مسيطر عليه بشكل مو طبيعي ..
و طلق هذه قريبتنا برضو بسبب أهله من أول سنة .. و تزوجت رجال شايلها فوق راسه و أمه و أهله عسل ماشاء الله ..


حلو إنه الواحد يحترم أهله و يقدرهم و يخدمهم، مثل أخووي ..
و نفس الوقت لا يرضى إنه أحد يتكلم عن زوجته و لا يرضى إنه زوجته تتكلم عننا ..
و لا ينقل كلام من هنا و لا هناك ..

و هي من حالها حبتنا و صارت تترجانا نجي عندها ..
بس أمي ما تحب تثقل علىى أحد و تقول لهم إنتوا تعالوا عندنا كفاية

بس هناك ناس ماعرف كيف بجد متربين ؟؟؟؟


و إجابة على سؤالك .. إني لو مكانك أتنازل و لا لأ ؟؟؟؟؟
يا ستي ، إنت قلتي بنفسك .. ( حقوقك ) .. يعني ما ظلمتي أحد و هذه حقوقك ..

لو مكانك .. أعيش حياتي بطولها و عرضها .. وو ما أتنازل عن أي حق ..
خليهم يعرفوا إنه الله حق ، و علشان يتعلموا لا يظلموا أحد ..

طبعا لأ ..